Արցախի Հանրապետության ընդհանուր իրավասության առաջին ատյանի դատարան
| Արցախի Հանրապետության ընդհանուր իրավասության առաջին ատյանի դատարան | |
|---|---|
| Երկիր |  Արցախի Հանրապետություն |
| Տեղագրություն | Ստեփանակերտ, Ազատամարտիկների փողոց, 42[1] Ասկերան, Մյասնիկյան փողոց, 1[2] |
| Կոորդինատներ | 39°49′25″ հս․. լ. 46°45′50″ ավ. ե.HGЯO |
| Իրավազորության աղբյուր | ԱՀ Սահմանադրություն |
| Դատարանի նախագահ | |
| Ընթացիկ | Անատոլի Թադևոսյան[1] |
| Սկսած | 2011 հուլիսի 7-ից[9] |
Արցախի Հանրապետության ընդհանուր իրավասության առաջին ատյանի դատարան, Արցախի Հանրապետության դատական համակարգի մաս կազմող ընդհանուր իրավասության դատարան, որին ընդդատյա են քրեական և քաղաքացիական բոլոր գործերը, ինչպես նաև ընտրացուցակների ճշգրտման վերաբերյալ գործերը[10]։ Դատարանի իրավասության ներքո է Արցախի Հանրապետության ողջ տարածքը։ Դատարանի կենտրոնական նստավայրը գտնվում է Ստեփանակերտ քաղաքում[10]։ Դատարանի նախագահն է Անատոլի Թադևոսյանը (2011 հուլիսի 7-ից)[9]
Իրավասություն[խմբագրել | խմբագրել կոդը]
Արցախի Հանրապետության Սահմանադրության 136-րդ հոդվածի 1-ին մասի համաձայն Հանրապետությունում գործում են Արցախի Հանրապետության Գերագույն դատարանը, Արցախի Հանրապետության վերաքննիչ դատարանը և Արցախի Հանրապետության ընդհանուր իրավասության առաջին ատյանի դատարանը[11]։
Արցախի Հանրապետության ընդհանուր իրավասության առաջին ատյանի դատարաին ընդդատյա են քրեական և քաղաքացիական բոլոր գործերը, ինչպես նաև ընտրացուցակների ճշգրտման վերաբերյալ գործերը։ Արցախի Հանրապետության ընդհանուր իրավասության դատարանը վերահսկողություն է իրականացնում մինչդատական վարույթի նկատմամբ (այդ թվում՝ լուծում է կալանքը՝ որպես խափանման միջոց ընտրելու, բնակարանում խուզարկությունը թույլատրելու հետ կապված հարցերը), ինչպես նաև ըստ էության քննում է քրեական դատավարության օրենսդրությամբ նախատեսված այլ գործեր[10]։
Դատարանում գործերը քննվում են դատավորի կողմից՝ միանձնյա։ Դատարանի դատական ակտերը կարող են բողոքարկվել միայն վերաքննության կարգով[10]։
Դատավորներ[խմբագրել | խմբագրել կոդը]
Արցախի Հանրապետության ընդհանուր իրավասության դատարանը կազմված է դատարանի նախագահից և տասնմեկ դատավորից[10][12].
- Անատոլի Թադևոսյան, դատարանի նախագահ (կենտրոնական նստավայր),
- Դավիթ Ավանեսյան, դատավոր,
- Մարատ Ավանեսյան, դատավոր,
- Սպարտակ Գրիգորյան, դատավոր,
- Հասմիկ Հարությունյան, դատավոր,
- Ռաֆայել Ջհանգիրյան, դատավոր,
- Կարեն Բեգլարյան, դատավոր (Ասկերանի նստավայրեր),
- Արսեն Ամիրջանյան, դատավոր (Հադրութի նստավայրեր),
- Կարեն Մելքումյան, դատավոր (Շահումյանի և Մարտունու նստավայրեր),
- Մհեր Ստեփանյան, դատավոր (Շուշիի նստավայր),
- Վիտալի Հայրապետյան, դատավոր (Քաշաթաղի նստավայր)։
Դատարանի նախագահ[խմբագրել | խմբագրել կոդը]
Դատարանի նախագահը ունի հետևյալ լիազորությունները[10].
- ապահովում է դատարանի բնականոն գործունեությունը.
- Դատարանների նախագահների խորհրդի սահմանած կարգով բաշխում, իսկ դատավորի արձակուրդի կամ ժամանակավոր այլ բացակայության դեպքում ըստ անհրաժեշտության վերաբաշխում է գործերը.
- դատավորի կողմից վարքագծի կանոնների խախտում հայտնաբերելիս այդ մասին համապատասխան հաղորդում է ներկայացնում դատավորների Ընդհանուր ժողովի էթիկայի և կարգապահական հարցերի հանձնաժողով (այսուհետ՝ Էթիկայի և կարգապահական հարցերի հանձնաժողով).
- դատավորներին օրենքով սահմանված կարգով տրամադրում է արձակուրդ.
- վերահսկում է դատարանի աշխատակազմի գործունեությունը.
- ներկայացնում է դատարանն այլ մարմինների հետ հարաբերություններում.
- դատարանի բնականոն գործունեության ապահովման հետ կապված հարցերով դիմում է Բարձրագույն դատական խորհուրդ և Ընդհանուր ժողով,
- իրականացնում է օրենքով իրեն վերապահված այլ լիազորություններ։
Աշխատակազմ[խմբագրել | խմբագրել կոդը]
Դատարանն ունի աշխատակազմ, որը հանդիսանում է Արցախի Հանրապետության դատական դեպարտամենտի առանձնացված ստորաբաժանումը և կոչված է ապահովելու դատարանի բնականոն գործունեությունը։ Աշխատակազմի իրավական վիճակն ու գործունեության կարգը սահմանվում են Արցախի Հանրապետության օրենքներով, աշխատակազմի կանոնադրությամբ, հիմնադրի որոշումներով (հրամաններով) և այլ իրավական ակտերով[10]։
Նստավայրեր[խմբագրել | խմբագրել կոդը]
Արցախի Հանրապետության ընդհանուր իրավասության դատարանը ունի ընդհանուր առմամբ ութ նստավայր, որից կենտրոնական նստավայրը գտնվում է Ստեփանակերտ քաղաքում։ Յոթ շրջանային նստավայրերը գտնվում են հետևյալ հասցեներով[10].
- Կենտրոնական նստավայր՝ Արցախի Հանրապետություն, ք. Ստեփանակերտ, Ազատամարտիկների փողոց, 42[1],
- Ասկերանի նստավայր՝ Արցախի Հանրապետություն, Ասկերանի շրջան, ք. Ասկերան, Մյասնիկյան փողոց, 1[2],
- Հադոութի նստավայր՝ Արցախի Հանրապետություն, Հադրութի շրջան, ք. Հադրութ, Կասպարովի փողոց, 6ա[3],
- Մարտակերտի նստավայր՝ Արցախի Հանրապետություն, Մարտակերտի շրջան, ք. Մարտակերտ, Ազատամարտիկների փողոց, 101[4]։
- Մարտունու նստավայր՝ Արցախի Հանրապետություն, Մարտունու շրջան, ք. Մարտունի, Արզումանյան փողոց, 7[5]։
- Շահումյանի նստավայր՝
- Իրավաբանական հասցե՝ Արցախի Հանրապետություն, Շահումյանի շրջան, Քարվաճառ։
- Գրասենյակ՝ Արցախի Հանրապետություն, ք. Ստեփանակերտ, Ազատամարտիկների փողոց, 42[6]։
- Շուշիի նստավայր՝ Արցախի Հանրապետություն, Շուշիի շրջան, ք. Շուշի, Ղազանչեցոց փողոց, 43[7]։
- Քաշաթաղի նստավայր՝ Արցախի Հանրապետություն, Քաշաթաղի շրջան, ք. Բերձոր, Երևանյան փողոց, 5ա[8]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Արցախի Հանրապետության ընդհանուր իրավասության դատարանիի կենտրոնական նստավայրի հասցե(չաշխատող հղում)
- ↑ 2,0 2,1 Արցախի Հանրապետության ընդհանուր իրավասության դատարանի Ասկերանի նստավայր(չաշխատող հղում)
- ↑ 3,0 3,1 «Արցախի Հանրապետության ընդհանուր իրավասության դատարանի Հադրութի նստավայր». Արխիվացված է օրիգինալից 2017 թ․ հուլիսի 31-ին. Վերցված է 2017 թ․ դեկտեմբերի 27-ին.
- ↑ 4,0 4,1 «Արցախի Հանրապետության ընդհանուր իրավասության դատարանի Մարտակերտի նստավայր». Արխիվացված է օրիգինալից 2017 թ․ նոյեմբերի 12-ին. Վերցված է 2017 թ․ դեկտեմբերի 27-ին.
- ↑ 5,0 5,1 Արցախի Հանրապետության ընդհանուր իրավասության դատարանի Մարտունու նստավայր(չաշխատող հղում)
- ↑ 6,0 6,1 Արցախի Հանրապետության ընդհանուր իրավասության դատարանի Շահումյանի նստավայր(չաշխատող հղում)
- ↑ 7,0 7,1 Արցախի Հանրապետության ընդհանուր իրավասության դատարանի Շուշիի նստավայր(չաշխատող հղում)
- ↑ 8,0 8,1 Արցախի Հանրապետության ընդհանուր իրավասության դատարանի Քաշաթաղի նստավայր(չաշխատող հղում)
- ↑ 9,0 9,1 «Անատոլի Վլադիմիրի Թադեվոսյան». Արխիվացված է օրիգինալից 2018 թ․ մարտի 18-ին. Վերցված է 2017 թ․ դեկտեմբերի 27-ին.
- ↑ 10,0 10,1 10,2 10,3 10,4 10,5 10,6 10,7 «Արցախի Հանրապետության ընդհանուր իրավասության առաջին ատյանի դատարանի մասին». Արխիվացված է օրիգինալից 2019 թ․ մայիսի 30-ին. Վերցված է 2017 թ․ դեկտեմբերի 27-ին.
- ↑ «Արցախի Հանրապետության դատական օրենսգիրք». Արխիվացված է օրիգինալից 2018 թ․ փետրվարի 6-ին. Վերցված է 2017 թ․ դեկտեմբերի 27-ին.
- ↑ Արցախի Հանրապետության ընդհանուր իրավասության դատարանի դատավորներ(չաշխատող հղում)
| ||||||||||||||||||
| ||||||||||||||||||||||||||||||||||||||||||||||||||||||
