Տավուշի մարզի ընդհանուր իրավասության դատարան

Տավուշի մարզի ընդհանուր իրավասության դատարան
Երկիր	Հայաստան
Տեղագրություն	ք. Իջևան, Նալբանդյան փողոց, 1/1 ք. Դիլիջան, Շահումյան փողոց, 15 ք. Նոյեմբերյան, Կամոյի փողոց, 3 ք. Բերդ, Այգեստան փողոց, 49ա
Կոորդինատներ	40°52′45″ հս․. լ. 45°08′34″ ավ. ե.
Իրավազորության աղբյուր	ՀՀ Սահմանադրություն
Կայք	Պաշտոնական էջ
Դատարանի նախագահ
Ընթացիկ	Սամվել Կոստյայի Մարդանյան
Սկսած	2004 թվականից

Տավուշի մարզի ընդհանուր իրավասության դատարան, Հայաստանի Հանրապետության դատական համակարգի մաս կազմող ընդհանուր իրավասության դատարան, որին ընդդատյա են քրեական և քաղաքացիական բոլոր գործերը, ինչպես նաև ընտրացուցակների ճշգրտման վերաբերյալ գործերը։ Դատարանի իրավասության ներքո է ՀՀ Տավուշի մարզը։

Իրավասություն

Դատարանին ընդդատյա են քրեական և քաղաքացիական բոլոր գործերը, ինչպես նաև ընտրացուցակների ճշգրտման վերաբերյալ գործերը։ Տավուշի մարզի ընդհանուր իրավասության դատարանը վերահսկողություն է իրականացնում մինչդատական վարույթի նկատմամբ (այդ թվում՝ լուծում է կալանքը՝ որպես խափանման միջոց ընտրելու, բնակարանում խուզարկությունը թույլատրելու հետ կապված հարցերը), ինչպես նաև ըստ էության քննում է քրեական դատավարության օրենսդրությամբ նախատեսված այլ գործեր։

Դատավորներ

Տավուշի մարզի ընդհանուր իրավասության դատարանը կազմված է դատարանի նախագահից և երեք դատավորից.

• Սամվել Կոստյայի Մարդանյան, դատարանի նախագահ,
• Արման Աշոտի Կուրեխյան, դատավոր,
• Զոյա Շաքարի Զաքինյան, դատավոր,
• Ռաֆիկ Գերասիմի Մելքոնյան, դատավոր։

Նստավայրեր

Տավուշի մարզի ընդհանուր իրավասության դատարանը ունի չորս նստավայր հետևյալ հասցեներով.

• ՀՀ, Տավուշի մարզ, ք. Իջևան, Նալբանդյան փողոց, 1/1,
• ՀՀ, Տավուշի մարզ, ք. Դիլիջան, Շահումյան փողոց, 15,
• ՀՀ, Տավուշի մարզ, ք. Նոյեմբերյան, Կամոյի փողոց, 3,
• ՀՀ, Տավուշի մարզ, ք. Բերդ, Այգեստան փողոց, 49ա։