Սյունիքի մարզի ընդհանուր իրավասության դատարան

Սյունիքի մարզի ընդհանուր իրավասության դատարան
Երկիր	Հայաստան
Տեղագրություն	ք. Կապան, Մելիք Ադամյան, 3/2, ք. Գորիս, Անկախության, 4, ք. Սիսիան, Գարեգին Նժդեհի, 6, ք. Մեղրի, Զորավար Անդրանիկի, 24/1:
Կոորդինատներ	39°12′10″ հս․. լ. 46°24′03″ ավ. ե.
Իրավազորության աղբյուր	ՀՀ Սահմանադրություն
Կայք	Պաշտոնական էջ
Դատարանի նախագահ
Ընթացիկ	Սամվել Լևոնի Գրիգորյան
Սկսած	2008 թվականից

Սյունիքի մարզի ընդհանուր իրավասության դատարան, Հայաստանի Հանրապետության դատական համակարգի մաս կազմող ընդհանուր իրավասության դատարան, որին ընդդատյա են քրեական և քաղաքացիական բոլոր գործերը, ինչպես նաև ընտրացուցակների ճշգրտման վերաբերյալ գործերը։ Դատարանի իրավասության ներքո է ՀՀ Սյունիքի մարզը։

Իրավասություն

Դատարանին ընդդատյա են քրեական և քաղաքացիական բոլոր գործերը, ինչպես նաև ընտրացուցակների ճշգրտման վերաբերյալ գործերը։ Սյունիքի մարզի ընդհանուր իրավասության դատարանը վերահսկողություն է իրականացնում մինչդատական վարույթի նկատմամբ (այդ թվում՝ լուծում է կալանքը՝ որպես խափանման միջոց ընտրելու, բնակարանում խուզարկությունը թույլատրելու հետ կապված հարցերը), ինչպես նաև ըստ էության քննում է քրեական դատավարության օրենսդրությամբ նախատեսված այլ գործեր։

Դատավորներ

Սյունիքի մարզի ընդհանուր իրավասության դատարանը կազմված է դատարանի նախագահից և երեք դատավորից.

• Սամվել Լևոնի Գրիգորյան, դատարանի նախագահ,
• Նապոլեոն Գրիշայի Օհանյան, դատավոր,
• Մուրադ Մարտինի Հովակիմյան, դատավոր,
• Իգնատ Վազգենի Բեգլարյան, դատավոր,
• Անահիտ Ալվարոյի Թումանյան, դատավոր։

Նստավայրեր

Սյունիքի մարզի ընդհանուր իրավասության դատարանը ունի չորս նստավայր հետևյալ հասցեներով.

• ՀՀ, Սյունիքի մարզ, ք. Կապան, Մելիք Ադամյան, 3/2,
• ՀՀ, Սյունիքի մարզ, ք. Գորիս, Անկախության, 4,
• ՀՀ, Սյունիքի մարզ, ք. Սիսիան, Գարեգին Նժդեհի, 6,
• ՀՀ, Սյունիքի մարզ, ք. Մեղրի, Զորավար Անդրանիկի, 24/1: