Լոռու մարզի ընդհանուր իրավասության դատարան

Վիքիպեդիայից՝ ազատ հանրագիտարանից
Jump to navigation Jump to search
Լոռու մարզի ընդհանուր իրավասության դատարան
ԵրկիրՀայաստան Հայաստան
Տեղագրությունք. Վանաձոր, Մխիթար Գոշի, 6,

ք. Ալավերդի, Թումանյան, 8,
ք. Տաշիր, Ջահուկյան, 19,
ք. Սպիտակ, Ալեք Մանուկյան 2 նրբ., 10,

ք. Ստեփանավան, Սուրբ Վարդանի, 53[1]
Կոորդինատներ40°48′37″ հս․. լ. 44°29′25″ ավ. ե. / 40.810399° հս․. լ. 44.490384° ավ. ե. / 40.810399; 44.490384Կոորդինատներ: 40°48′37″ հս․. լ. 44°29′25″ ավ. ե. / 40.810399° հս․. լ. 44.490384° ավ. ե. / 40.810399; 44.490384
Իրավազորության աղբյուրՀՀ Սահմանադրություն
ԿայքՊաշտոնական էջ
Դատարանի նախագահ
ԸնթացիկՄուշեղ Պապիկի Հարությունյան[1]
Սկսած2014 թվականի հոկտեմբերի 25-ից[1]

Լոռու մարզի ընդհանուր իրավասության դատարան, Հայաստանի Հանրապետության դատական համակարգի մաս կազմող ընդհանուր իրավասության դատարան, որին ընդդատյա են քրեական և քաղաքացիական բոլոր գործերը, ինչպես նաև ընտրացուցակների ճշգրտման վերաբերյալ գործերը: Դատարանի իրավասության ներքո է ՀՀ Լոռու մարզը[1]:

Իրավասություն[խմբագրել | խմբագրել կոդը]

Դատարանին ընդդատյա են քրեական և քաղաքացիական բոլոր գործերը, ինչպես նաև ընտրացուցակների ճշգրտման վերաբերյալ գործերը: Լոռու մարզի ընդհանուր իրավասության դատարանը վերահսկողություն է իրականացնում մինչդատական վարույթի նկատմամբ (այդ թվում՝ լուծում է կալանքը՝ որպես խափանման միջոց ընտրելու, բնակարանում խուզարկությունը թույլատրելու հետ կապված հարցերը), ինչպես նաև ըստ էության քննում է քրեական դատավարության օրենսդրությամբ նախատեսված այլ գործեր[1]։

Դատավորներ[խմբագրել | խմբագրել կոդը]

Լոռու մարզի ընդհանուր իրավասության դատարանը կազմված է դատարանի նախագահից և ինը դատավորից[2].

  • Մուշեղ Պապիկի Հարությունյան, դատարանի նախագահ,
  • Վարդուհի Սուրիկի Հովնանյան, դատավոր,
  • Բորիկ Մկրտչի Գրիգորյան, դատավոր,
  • Սուրեն Ժորայի Բաղդասարյան, դատավոր,
  • Գուրգեն Սողոմոնի Գագիկյան, դատավոր,
  • Աղասի Արշակի Մկոյան, դատավոր,
  • Արթուր Լյուդվիգի Աթաբեկյան, դատավոր,
  • Գնել Ժորայի Զաքարյան, դատավոր,
  • Լուսինե Լևոնի Աբգարյան, դատավոր,
  • Սուսաննա Վասիլի Գզոգյան, դատավոր:

Կաշառակերության դեպքեր[խմբագրել | խմբագրել կոդը]

2014 թվականի դեկտեմբերի 26-ին ժամը 02.35-ին Լոռու մարզի ընդհանուր իրավասության դատարան դատավոր Խաչատուր Խաչատրյանն իր իսկ աշխատասենյակում ձերբակալվել է ՀՀ ԱԱԾ աշխատակիցների կողմից՝ «Զոսեկար» ՍՊԸ տնօրեն Սեյրան Կարապետյանից 20000 ԱՄՆ դոլարի չափով կաշառք ստանալու պահին։ Կաշառքը պահանջվել է ընկերությունը սնանկ ճանաչելուց հետո գրավադրված գույքի աճուրդով վաճառքի ժամկետը երկարաձգելու և իր համար շահեկան տարբերակով դրանք ձեռք բերելու հնարավորություն ստանալու համար։ Դեկտեմբերի 26-ին ՀՀ գլխավոր դատախազ Գևորգ Կոստանյանի միջնորդության հիման վրա ՀՀ Արդարադատության խորհուրդը որոշեց առաջարկել Հանրապետության Նախագահին համաձայնություն տալ ՀՀ Լոռու մարզի ընդհանուր իրավասության առաջին ատյանի դատարանի դատավոր Խաչատուր Խաչատրյանին որպես մեղադրյալ ներգրավելու և կալանավորելու մասին։

2014 թվականի դեկտեմբերի 27-ին ՀՀ Նախագահ Սերժ Սարգսյանը մերժեց Արդարադատության խորհրդի առաջարկությունը։ Նույն օրը ՀՀ գլխավոր դատախազը նոր միջնորդություն ներկայացրեց Արդարադատության խորհուրդ՝ նշելով նոր հանգամանքներ։ Արդարադատության խորհուրդը միջնորդությունը բավարարեց, իսկ դեկտեմբերի 28-ին ՀՀ Նախագահը ընդունեց առաջարկությունը դատավորին կալանավորելու վերաբերյալ։

Նստավայրեր[խմբագրել | խմբագրել կոդը]

Լոռու մարզի ընդհանուր իրավասության դատարանը ունի հինգ նստավայր հետևյալ հասցեներով[1].

Ծանոթագրություններ[խմբագրել | խմբագրել կոդը]