Ահմեդ Համդի Թանփընար

Ահմեդ Համդի Թանփընար; թուրքերեն՝ Ahmet Hamdi Tanpınar
Ծնվել է	հունիսի 23, 1901
Ծննդավայր	Ստամբուլ, Օսմանյան կայսրություն
Վախճանվել է	հունվարի 24, 1962 (60 տարեկան)
Վախճանի վայր	Ստամբուլ, Թուրքիա
Գերեզման	Աշյան գերեզմանատուն
Մասնագիտություն	գրող, քաղաքական գործիչ և համալսարանի դասախոս
Քաղաքացիություն	Թուրքիա
Կրթություն	Ստամբուլի համալսարանի գրականության ֆակուլտետ, Halkalı Ziraat Mekteb-i Âlisi? և Ստամբուլի համալսարան
Ուշագրավ աշխատանքներ	Խաղաղություն, The Time Regulation Institute? և Suat'ın Mektubu?
Աշխատավայր	Ստամբուլի համալսարան
	Ahmet Hamdi Tanpınar Վիքիպահեստում

Ահմեդ Համդի Թանփընար (հունիսի 23, 1901(1901-06-23), Ստամբուլ, Օսմանյան կայսրություն - հունվարի 24, 1962(1962-01-24), Ստամբուլ, Թուրքիա), թուրք գրող, հասարակական- քաղաքական գործիչ և էսսեիստ։ 1942- 1946 թվականներին եղել է Թուրքիայի խորհրդարանի անդամ։ Նրա ամենահայտնի գործերից մեկն «Խաղաղություն» վեպն է։ Վերջինս թարգմանվել է նաև հայերեն։

Կենսագրություն[խմբագրել | խմբագրել կոդը]

Թանփընարը ծնվել է 1901 թվականի հունիսի 23-ին Ստամբուլում։ Նրա հայրը եղել է դատավոր Հուսեյին Ֆիքրի Էֆենդին։ Հուսեյին Ֆիքրի Էֆենդին եղել է Մաչահելի վրացի^[1]^[2]։

Ահմեդի մայրը մահացել է Մոսուլում, երբ երեխան դեռ տասներեք տարեկան էր։ Քանի որ նրա հայրը դատավոր էր նշանակվում տարբեր քաղաքներում, Թանփընարը ստիպված էր կրթություն ստանալ մի շարք քաղաքներում, ներառյալ Ստամբուլը, Սինոպը, Սղերդը, Քիրքուքը և Անթալիան։ Ավարտելով անասնաբուժական քոլեջը, նա շարունակեց իր կրթությունը Ստամբուլի համալսարանի գրականության ֆակուլտետում, որը նա ավարտեց 1923 թվականին։

Ահմեդ Համդի Թանփընարը դասախոսել է դպրոցներում և բարձրագույն ուսումնական հաստատություններում։ Դասավանդել է Էրզրումի, Կոնիայի, Անկարայի դպրոցներում։ 1939 թվականին սկսում է դասավանդել ժամանակակից թուրք գրականություն։ 1942- 1946 թվականներին Մարաշում պատգամավոր է դառնում։ Ահմեդ Համդի Թանփընարն աշխատել է Կրթության նախարարությունում, 1949 թվականին շարունակել դասավանդել Ստամբուլի համալսարանում։ 1953 թվականին ճանապարհորդել է Եվրոպայով՝ լինելով Ֆրանսիայում, Բելգիայում, Նիդերլանդներում, Անգլիայում, Իսպանիայում և Իտալիայում։ Ամեն տարի Ստամբուլում անց է կացվում «Ահմեդ Համդի Թանփընարի անվան գրականության փառատոն»։ Թանփընարը թուրք գրականության ամենակարևոր հեղինակներից է, որն իր ստեղծագործության մեջ հաջողությամբ միախառնում է արևելյան ու արևմտյան մշակույթը։ Թանփընարը թարգմանվել է մի շարք լեզուներով, այդ թվում նաև անգլերեն, ուկրաիներեն, հունարեն, եբրայերեն և հայերեն։

Ծանոթագրություններ[խմբագրել | խմբագրել կոդը]

↑ «Gdd, Hüseyin Fikri Efendi»։ gdd.org.tr։ Արխիվացված է օրիգինալից 2015-02-05-ին։ Վերցված է մայիսի 31, 2014
↑ M. Orhan Okay, Bir hülya adamının romanı: Ahmet Hamdi Tanpınar, Dergâh Yayınları, 2010, ISBN 9789759951900, p. 26.

Արտաքին հղումներ[խմբագրել | խմբագրել կոդը]

[1] «Gdd, Hüseyin Fikri Efendi»։ gdd.org.tr։ Արխիվացված է օրիգինալից 2015-02-05-ին։ Վերցված է մայիսի 31, 2014

[Okay-2] M. Orhan Okay, Bir hülya adamının romanı: Ahmet Hamdi Tanpınar, Dergâh Yayınları, 2010, ISBN 9789759951900, p. 26.

[1]

[2]