Սուրինամ

Վիքիպեդիայից՝ ազատ հանրագիտարանից
Coat of arms of Suriname.svg
Flag of Suriname.svg
Suriname in its region.svg

Սուրինամ, փոքր պետություն է Հարավային Ամերիկայի Գվիանական սարահարթի հյուսիս–արևելքում՝ Ատլանտյան օվկիանոսի ափին։ Ափամերձ գոտին ճահճապատ է (Գվիանական դաշտավայր

Ընդերքը[խմբագրել]

Ընդերքում կան բոքսիտների խոշոր պաշարներ, մանգանի, ոսկու հանքավայրեր։

Կենդանական աշխարհ[խմբագրել]

Կլիման արևադարձային է, խոնավ։ Գետերը (Կորանտեյն, Կոպենամե, Սուրինամ, Մարոնի) ջրառատ են, սահանքավոր, նավարկելի են միայն գետաբերանում։ Տարածքի 90 %-ը զբաղեցնում են արժեքավոր ծառատեսակներով հարուստ մշտադալար անտառները։ Կենդանական աշխարհը հարուստ և բազմազան է (կապիկներ, ամերիկյան հովազ, կատվառյուծ, գետակինճ և այլն)։ Շատ են թռչունները, սողունները (այդ թվում՝ անակոնդան), ջրերում՝ ձկները, ծովախեցգետինները։

Պատմություն[խմբագրել]

Սուրինամի տարածքն առաջին անգամ հետազոտվել է 1499 թվականին։ 1551 թվականին հոլանդացի առևտրականները Սուրինամի գետաբերանում հիմնել են բնակավայր։ XVI դարի վերջին երկրի տարածքը զավթել են իսպանացիները, 1630 թվականին՝ անգլիացիները, 1667 թվաականին՝ հոլանդացիները։ 1954 թվականին ստացել է ինքնավարություն, անկախություն ձեռք է բերել 1975 թվականի նոյեմբերի 25-ին։

Բնակչություն[խմբագրել]

Սուրինամում բնակվում են հնդկացիներ, կրեոլներ, ինդոնեզացիներ, մարոններ (անտառային նեգրեր), չինացիներ և այլք։ Խոշոր քաղաքներն են Պարամարիբոն և Նյիվ Նիքերին։

Տնտեսություն[խմբագրել]

Երկիրն ունի համեմատաբար զարգացած հանքարդյունաբերություն։ Արդյունահանում են մեծ քանակությամբ բոքսիտներ, որից ստացվող ալյումինն արտահանվում է։ Կան նաև փայտամշակման, սննդի արդյունաբերության ձեռնարկություններ։ Զարգացած է երկրագործությունը։ Մշակում են բրինձ, շաքարեղեգ, ցիտրուսներ, ադամաթուզ։ Բնակչության ավանդական զբաղմունքը ձկնորսությունն ու ծովախեցգետնի որսն են։