Թաջ Մահալ

Վիքիպեդիայից՝ ազատ հանրագիտարանից
Դամբարանային տաճար
Թաջ Մահալ
հինդի՝ ताज महल, անգլ.՝ Taj Mahal
Թաջ Մահալ դամբարանը
Թաջ Մահալ դամբարանը
Երկիր Հնդկաստան
Կրոնադավանություն իսլամ
Հիմնադիր Շահ Ջահան
Հիմնադրման թվական 1632 թվական
Շինարարություն 1632-1653 թվականներ

27°10′29.75″ հս. լ. 78°02′31.55″ ավ. ե. / 27.174931° հս. լ. 78.042097° աե. ե.


Թաջ Մահալի դամբարանը։

Թաջ Մահալը (հնդկերեն՝ ताज महल; պարսկերեն՝ تاج محل) դամբարան է Ագրա քաղաքում՝ Հնդկաստանում, որը կառուցվել է Շահ Ջահան մուղալ կայսեր կողմից իր ամենասիրած կնոջ՝ Մումթազ Մահալի համար։ Կառուցման աշխատանքները սկսվել են մոտավորապես 1632թ և ավարտվել 1653 թվականին։ Շինարարությանը մասնակցել են ավելի քան 22 000 վարպետներ[1] կայսրության բոլոր կողմերից, ինչպես նաև վարպետներ Միջին Ասիայից, Պարսկաստանից ու Մերձավոր Արևելքից:

Թաջ Մահալի բարձրությունը գմբեթի հետ միասին 74մ է: Նրա չորս կողմում կառուցված մինարեթների բարձրությունը 42մ է: Մինարեթները փոքր-ինչ թեք են կառուցված, որպեսզի քանդվելու դեպքում չվնասեն տաճարը:

Թաջ Մահալն ամբողջությամբ կառուցված է ձյունասպիտակ մարմարից: Ողջ շինությունը դրվագազարդված է թանկարժեք եւ կիսաթանկարժեք քարերից պատրաստված ծաղիկներով, տերևներով, ինչպես նաև Ղուրանի որոշ սուրահներով:

Յամունա գետի մյուս ափին՝ Թաջ Մահալի դիմաց, Շահ Ջահանը մտադիր էր մեկ այլ դամբարան կառուցել: Դա էլ իր համար, որը պետք է լիներ սև մարմարից: Երկու դամբարանները պետք է միմյանց միանային կամրջով: Սակայն նրա որդին՝ Ջահանգիրը, որին արդեն հոգնեցրել էին հոր անտեղի հսկայական ծախսերը, Շահ Ջահանին գահընկեց է անում և տնային կալանքի տակ առնում իր պալատում: Շահ Ջահանի մահից հետո նրան թաղում են նույն դամբարանում՝ իր սիրած կնոջ կողքին:

Մումթազ Մահալի պապի՝ Իտիմադ-Ուդ-Դաուլի (1622—1628) դամբարանը, որ կոչվում է նաև Փոքր Թաջ (անգլ.՝ Baby Taj) գտնվում է Ագրա քաղաքում: Իտիմադ-Ուդ-Դաուլի դամբարանը նման է Թաջ Մահալին, բայց չափերով ավելի փոքր է:

Արգելվում է ինքնաթիռով թռչել Թաջ Մահալի վրայով:

Պատկերասրահ[խմբագրել]

Ծանոթագրություններ[խմբագրել]