Գեղամ Բադալյան

Վիքիպեդիայում կան հոդվածներ Բադալյան ազգանունով այլ մարդկանց մասին։

Գեղամ Բադալյան (հոկտեմբերի 3, 1960(1960-10-03), Երևան, Հայկական ԽՍՀ, ԽՍՀՄ), քարտեզագիր, պատմաբան։

Գեղամ Բադալյան
Ծնվել է	հոկտեմբերի 3, 1960 (63 տարեկան)
Ծննդավայր	Երևան, Հայկական ԽՍՀ
Քաղաքացիություն	Հայաստան
Ազգություն	հայ
Մայրենի լեզու	հայերեն, ռուսերեն, անգլերեն
Կրթություն	Երևանի պետական համալսարան
Մասնագիտություն	պատմաբան, քարտեզագիր
Աշխատանք	դասախոս
Աշխատավայր	Երևանի պետական համալսարան
Կայք	facebook.com/badalyan.gegham

Կենսագրություն

Ծնվել է 1960 թվականի հոկտեմբերի 3-ին Երևանում։ 1977 թվականին ավարտել է Երևանի Պեյո Յավորովի անվան թիվ 131 միջնակարգ դպրոցը։ 1977–1982 թթ. ուսանել է ԵՊՀ Պատմության ֆակուլտետում։ 1982–1988 թթ. որպես գիտաշխատող աշխատել է Մեսրոպ Մաշտոցի անվան Մատենադարանում։ 1988 թվականից որպես գիտաշխատող աշխատանքի է անցել ԵՊՀ Պատմության ֆակուլտետի Հայաստանի պատմական աշխարհագրության և քարտեզագրության լաբորատորիայում։ 1997–2000 թթ. ուսանել է ասպիրանտուրայում։ 2000 թվականից ԵՊՀ Պատմության ֆակուլտետի Հայոց պատմության ամբիոնի ասիստենտ է։ 2004-2006 թվականներին եղել է ԵՊՀ Պատմության ֆակուլտետի Հայաստանի պատմական աշխարհագրության և քարտեզագրության լաբորատորիայի պատմության բաժնի վարիչը։ Գեղամ Բադալյանը շուրջ երեք տասնյակ գիտական հոդվածների և 40–ից ավելի պատմական քարտեզների հեղինակ է։ Նրա հեղինակած քարտեզները հրատարակվել են «Հայաստանի ազգային ատլաս»-ում (Երևան, 2008) և «ԼՂՀ ատլաս»-ում (Երևան, 2009): Աշխատակցել է Հայկական հանրագիտարանի տարբեր հրատարակություններին։

Կարդացվող դասընթացներ

• Հայաստանի և հարակից երկրների պատմական աշխարհագրություն։
• Հայոց պատմության հիմնահարցեր։
• Հայաստանի պատմական ժողովրդագրություն։
• Իրանի և Թուրքիայի պատմություն։
• Օսմանյան կայսրության պատմական աշխարհագրություն։

Գիտական հետաքրքրությունների շրջանակ

• Հայաստանի պատմական աշխարհագրություն,
• Արևմտյան Հայաստանի պատմական ժողովրդագրություն,
• Հայաստանի պատմական քարտեզագրություն։

Լեզուների իմացություն

• Հայերեն (մայրենի),
• Ռուսերեն (ազատ),
• Անգլերեն,
• Պարսկերեն (բառարանի օգնությամբ)։

Մասնակցությունը դրամաշնորհների

• «Հայաստանի ազգային ատլաս»,
• «Լեռնային Ղարաբաղի Հանրապետության ատլաս»։

Պարգևներ

• Լեռնային Ղարաբաղի Հանրապետության «Երախտագիտություն» մեդալ։

Երկեր և քարտեզներ

• Շիրակի որոշ բնակավայրերի տեղադրության հարցի շուրջ | Հոդված/Article «Պատմության հարցեր» տարեգիրք, Երևան, 2013, թիվ 2, էջ 92-111։
• Հայկական կիսանկախ իշխանություններն ու մելիքությունները Արևմտյան Հայաստանում և Լեռնային Կիլիկիայում (17-րդ դար – 19-րդ դարի երկրորդ կես) | Հոդված/Article, «Վէմ» համահայկական հանդես, Երևան, 2013, թիվ 3, էջ 137-155։
• Դարբինյան Արտավազդ, Բադալյան Գեղամ, Ընդհանուր պատմության միասնական քննության ուղեցույց, | Գիրք/Book, ԵՊՀ հրատ., Երևան, 2012։
• Սասունը 1914 թվականին, Երևան, 2010 | Քարտեզ, Մասշտաբ 1:160000։
• Մուշ-Տարոնը 1914 թվականին, Երևան, 2010 | Քարտեզ, Մասշտաբ 1:160000։
• Արևմտահայության 1890-ական թվականների կոտորածների ժողովրդագրական և տնտեսական հետևանքները | Հոդված/Article, «Հայոց պատմություն», ՀՀ ԳԱԱ, հատ. 3-րդ, գիրք 1-ին, Երևան, 2010, էջ 539-544։
• Սուլթանական կառավարության վարչաժողովրդագրական քաղաքականությունը | Հոդված/Article, «Հայոց պատմություն», ՀՀ ԳԱԱ, հատ. 3-րդ, գիրք 1-ին, Երևան, 2010, էջ 448-456։
• Օսմանյան վարչական բաժանումներն Արևմտյան Հայաստանում և Կիլիկիայում 1850-1860 թվականներին։ Ժողովրդագրական իրավիճակը | Հոդված/Article, «Հայոց պատմություն», ՀՀ ԳԱԱ, հատ. 3-րդ, գիրք 1-ին, Երևան, 2010, էջ 399-406։
• Հայոց ձոր 2009 | Քարտեզ, մասշտաբ 1:220000 /Կյուրեղյան Երվանդ, Իմ հուշերի ճանապարհով (Երևան, 2009) գրքում/:
• Երևանի բերդի գրավումը (25.09-01.10.1827 թ.) | Քարտեզ, Մասշտաբ 1:2800։
• Հայաստանյայց առաքելական եկեղեցու Արցախի թեմը | Քարտեզ, Մասշտաբ 1:750000։
• Խամսայի մելիքությունների միությունը (1735-1752 թթ.) | Քարտեզ, Մասշտաբ 1:960000։
• Հայկական Գանձակ (XX դարի սկիզբ) | Քարտեզ, Մասշտաբ 1:350000, 2009 թ.:
• Երևանի նահանգը XX դարի սկզբին | Քարտեզ, Մասշտաբ 1:1000000։
• 42 պատմական քարտեզ «Հայաստանի ազգային ատլասում» | Գիրք/Book, Երևան, 2008։
• Գուգարքի հյուսիսարևելյան գավառների հայ բնակչությունը 1886-2002 թվականներին | Հոդված/Article, Եզերք, Երևան, 2007, թիվ 2, էջ 44-57։
• Արևմտահայերի թվաքանակի ճշգրտման որոշ սկզբունքների մասին | Հոդված/Article, Պատմություն և կրթություն, Երևան, 2006, թիվ 3-4, էջ 75-82։
• Խնուսը 1914 թվականին, Երևան, 2005 | Քարտեզ, Մասշտաբ 1:200000։
• Աղահեճք-Քաշաթաղի տեղանունների պատմությունից (պատմ-աշխարհագրական ճշգրտումներ) | Հոդված/Article, «20-րդ դարասկզբին ԼՂՀ Քաշաթաղի շրջանի հայկական գյուղերի բնակիչների բռնի տեղահանման 100-ամյակին նվիրված գիտաժողովի նյութերի ժողովածու», Բերձոր, 2005, էջ 83-90։
• Վանի վիլայեթը 1914 թվականին | Ներդիր-քարտեզ, Մասշտաբ 1:500000 /Թօքաթ Յ., Հայ արծաթագործ վարպէտներ (Լոս Անջելէս, 2005) գրքում/:
• Վարազդատ Տերոյանի վիճակագրական նյութերը Արևմտյան Հայաստանի բնակավայրերի վերաբերյալ | Հոդված/Article, Բանբեր Հայաստանի արխիվների, Երևան, 2005, թիվ 1(105), էջ 212-220։
• Արևմտահայության թվաքանակի ճշգրտման որոշ սկզբունքներ (Էրզրումի և Վանի վիլայեթների օրինակով) | Հոդված/Article, «Հայագիտության արդի վիճակը և զարգացման հեռանկարները» (զեկուցումների ժողովածու), Երևան, 2003, էջ 137-142։
• Էրզրումի վիլայէթի որոշ կազաների հայ բնակչութեան թուաքանակի ճշգրտումն ըստ Արևելեան Հայաստանում ապաստանած արևմտահայ գաղթականների ցուցակների | Հոդված/Article, Հայկազեան հայագիտական հանդէս, հատոր Ի, Պէյրութ, 2000, էջ 207-224։
• Վանի էյալեթի քրդական իշխանությունները (հուքյումեթները) 14-րդ դար - 19-րդ դարի 40-ական թվականներ | Հոդված/Article, Իրան-Նամէ, Երևան, 1998, թիվ 2-3, էջ 23-37։
• Տարոնի Ս. Հովհաննեսի վանքի 1445 թվականի կոնդակը (պատմ-աշխարհագրական ակնարկ) | Հոդված/Article, (կից` քարտեզ), «Էջմիածին» ամսագիր, Վաղարշապատ, 1997, թիւ 7, էջ 88-105։
• Վանի նահանգի հայաբնակ բնակավայրերի ցուցակներն ըստ առանձին գավառակների և գյուղախմբերի | Հոդված/Article, «Բանբեր Երևանի համալսարանի», Երևան, 1987, թիվ 2, էջ 83-110։
• Վանի նահանգը 1840-ական-1914 թվականներին (վարչա-քաղաքական ուսումնասիրություն) | Հոդված/Article, «Բանբեր Երևանի համալսարանի», Երևան, 1986, թիվ 3, էջ 13-28։

Գրականություն

• Երևանի պետական համալսարանի 90-ամյա պատմության ֆակուլտետը, խմբ. Էդիկ Մինասյան, Երևան, 2009, էջ 199։