Լուի Մալ

Լուի Մալ ֆր.՝ Louis Malle
Ծնվել է	հոկտեմբերի 30, 1932(1932-10-30)[…]
Ծննդավայր	Thumeries
Մահացել է	նոյեմբերի 23, 1995(1995-11-23)[…] (63 տարեկան)
Մահվան վայր	Բևերլի Հիլզ, Լոս Անջելես շրջան, Կալիֆոռնիա, ԱՄՆ
Կրթություն	Փարիզի կինեմատոգրաֆիայի ինստիտուտ և Փարիզի քաղաքական հետազոտությունների ինստիտուտ
Քաղաքացիություն	Ֆրանսիա
Կրոն	կաթոլիկություն
Մասնագիտացում	սցենարիստ, կինոպրոդյուսեր, կինոռեժիսոր, կինոօպերատոր, օպերատոր-բեմադրիչ, դերասան, ռեժիսոր և պրոդյուսեր
Ամուսին	Անն-Մարի Դեշոդթ և Քենդիս Բերգեն
Պարգևներ	Prix du meilleur film français du Syndicat français de la critique de cinéma? Ոսկե արմավենի Լուի Դելյուկի մրցանակ BAFTA մրցանակ լավագույն ֆիլմի համար Միացյալ Ազգերի մրցանակ ԱՄՆ կինոքննադատների ազգային միության մրցանակ լավագույն ռեժիսուրայի համար Բրիտանական ակադեմիայի կինոմրցանակ լավագույն ռեժիսուրայի համար Լոս Անջելեսի կինոքննադատների ասոցիացիայի մրցանակ օտար լեզվով լավագույն ֆիլմի համար Լուի Դելյուկի մրցանակ «Սեզար» մրցանակ՝ լավագույն ռեժիսորական աշխատանքի համար Q3703473? լավագույն ֆիլմի համար «Սեզար» մրցանակ «Դավիդ դի Դոնատելլո» մրցանակ օտարերկրացի լավագույն ռեժիսորին «Սեզար» մրցանակ լավագույն սցենարի համար Բրիտանական ակադեմիայի կինոմրցանակ լավագույն ռեժիսուրայի համար «Դավիդ դի Դոնատելլո» մրցանակ օտարերկրացի լավագույն ռեժիսորին BAFTA Academy Fellowship Award Եվրոպական կինոակադեմիայի մրցանակ լավագույն սցենարիստին BAFTA և Սեզար
IMDb	ID ID 0001501

Լուի Մալ (ֆրանս.` Louis Malle, հոկտեմբերի 30, 1932(1932-10-30)<sup>[…]</sup>, Thumeries - նոյեմբերի 23, 1995(1995-11-23)<sup>[…]</sup>, Բևերլի Հիլզ, Լոս Անջելես շրջան, Կալիֆոռնիա, ԱՄՆ), ֆրանսիացի կինոռեժիսոր, օպերատոր, պրոդյուսեր և սցենարիստ։ Հաճախ հիշատակվում է, որպես ֆրանսիական կինեմատոգրաֆի «նոր ալիք» շարժման ներկայացուցիչ, սակայն նրա պատկանելիությունը այդ շարժմանը` վիճելի է։

Կենսագրությունը

Լուի Մալը ծնվել է Ֆրանսիայի Նոր դեպարտամենտի Թյումերի համայնքում, բավականին ապահովված ընտանիքում և հինգերորդն էր յոթ երեխաներից։ Սկզբնական շրջանում ուսումնասիրել է քաղաքագիտություն, իսկ հետո կինեմատոգրաֆիա։ Կինոյում իր առաջին քայլերը կատարել է Ժակ Իվ Կուստոյի մոտ, մասնակցել է «Կալիպսո» նավով Կուստոյի երկամյա արշավանքին, որի ընթացքում ձեռք է բերել կինեմատոգրաֆիական հմտություններ։ Դրա արդյունքն էր 1956 թվականին Կուստոյի հետ համատեղ նկարահանած «Լիակատար լռության աշխարհում» վավերագրական կինոնկարը։ Այդ ֆիլմն արժանացել է «Օսկար» և Կաննի կինոփառատոնի «Ոսկյա արմավենու ճյուղ» մրցանակներին։ Այդ ժամանակ Լուի Մալն ընդամենը 25 տարեկան էր։ Նույն թվականին նա նաև ռեժիսոր Ռոբեր Բրեսոնի օգնականն էր։

Որպես ռեժիսոր, Լուի Մալի առաջին ինքնուրույն ֆիլմը 1957 թվականին նկարահանված «Վերելակ դեպի կառափնարան» կինոնկարն էր։ Հաջորդ կինոնկարը 1958 թվականին նկարահանված «Սիրեկանները» ֆիլմն էր Ժաննա Մորոյի մասնակցությամբ։ Այդ կինոնկարը բանավեճերի ալիք բարձրացրեց` սեքսուալ համատեքստի պատճառով, որն այն ժամանակ դեռևս տաբու էր։ Լուի Մալի որոշ ֆիլմեր, հետագայում նույնպես շոշափում էին այնպիսի թեմաներ, որոնք համարվում էին արգելված։ Այդպիսի ֆիլմերից էին «Թափառող կրակ» (1963թ.) կինոնկարը, որի գլխավոր հերոսը հակված էր ինքնասպանություն գործելուն, «Աղմուկը սրտում» (1971թ.) կինոնկարը, որտեղ մոր և որդու միջև տեղի է ունենում սեռական կապ, իսկ «Լակոմբ Լյուսեն» (1974թ.) կինոնկարը պատմում է Երկրորդ համաշխարհային պատերազմում ֆաշիստական Գերմանիայի հետ ֆրանսիացիների համագործակցության մասին։

1970-ական թվականներին Լուի Մալը զուգահեռաբար ապրում և աշխատում էր Ֆրանսիայում և ԱՄՆ-ում։ Նրա ֆիլմերում նկարահանվել են Բրիժիտ Բարդոն, Ժաննա Մորոն, Սյուզան Սարանդոնը, Մարչելլո Մաստրոյանին, Լեա Մասարին և այլք, նա համագործակցել է նաև գերմանացի ռեժիսոր Ֆոլկեր Շլյոնդորֆի հետ։ Լուի Մալը իր մի քանի ֆիլմերում հանդես է եկել նաև որպես պրոդյուսեր և օպերատոր։

Անձնական կյանքը

1965-1967 թվականներին Լուի Մալն ամուսնացած է եղել դերասանուհի Էնն-Մարի Դեշոդտի հետ։ Ունի որդի գերմանացի դերասանուհի Գիլա ֆոն Վայտերսհաուզենից և դուստր` կանադական դերասանուհի Ալեքսանդրա Ստյուարտից։ 1980 թվականից մինչև իր մահը, Լուի Մալն ամուսնացած է եղել ամերիկյան դերասանուհի Քենդիս Բերգենի հետ և ունի մեկ դուստր։

Լուի Մալը մահացել է 1995 թվականի նոյեմբերի 23-ին, Բևեռլի Հիլզում` լիմֆոմա հիվանդությունից։

Ֆիլմագրության ընտրանին

Թվական	Անվանում	Բնօրինակ անվանում
1953	Կրեյզիոլոգիա	Crazeologie
1954	Կայարան 307	Station 307
1956	Լիակատար լռության աշխարհում	Le monde du silence
1957	Վերելակ դեպի կառափնարան	Ascenseur pour l'échafaud
1958	Սիրեկանները	Les amants
1960	Զազին մետրոյում	Zazie dans le métro
1962	Մասնավոր կյանք	Vie privée
1963	Թափառող կրակ	Le feu follet
1964	Ողջույն Բանգկոկից	Bons baisers de Bangkok
1965	Վիվա Մարիա	Viva Maria!
1967	Գողը	Le voleur
1968	Երեք քայլ ցնորքի մեջ	Histoires extraordinaires
1969	Կալկաթա	Calcutta
1969	Հնդկաստան ուրվականը	L'Inde fantôme
1971	Աղմուկը սրտում	Le souffle au coeur
1972	Մարդկային է, շատ մարդկային է	Humain, trop humain
1972	Հանրապետության հրապարակը	Place de la République
1973	Լակոմբ Լյուսեն	Lacombe Lucien
1975	Սև լուսին	Black Moon
1977	Սքանչելի երեխան	Pretty Baby
1980	Ատլանտիկ-Սիթի	Atlantic City, USA
1981	Իմ ընթրիքը Անդրեի հետ	My Dinner with Andre
1983	Կոտրողները	Crackers
1985	Ալամո ծովածոցը	Alamo Bay
1985	Աստծո երկիրը	God's Country
1986	Երջանկության ետևից	...And the Pursuit of Happiness
1987	Ցտեսություն երեխաներ	Au revoir les enfants
1989	Միլուն մայիսին	Milou en mai
1992	Վնաս	Damage
1994	Վանյան 42-րդ փողոցում	Vanya on 42nd Street

Ծանոթագրություններ

Վիքիպահեստն ունի նյութեր, որոնք վերաբերում են «Լուի Մալ» հոդվածին։