Արչիլ Գոմիաշվիլի

Արչիլ Գոմիաշվիլի; վրաց.՝ არჩილ გომიაშვილი
Ծնվել է	մարտի 23, 1926
Ծննդավայր	Ճիաթուրա, Իմերեթի մարզ, Վրաստան
Մահացել է	մայիսի 31, 2005 (79 տարեկան)
Մահվան վայր	Մոսկվա, Ռուսաստան
Գերեզման	Տրոեկուրովյան գերեզմանատուն
Կրթություն	ՄԳԱԹ-ի դպրոց-ստուդիա
Քաղաքացիություն	ԽՍՀՄ և Ռուսաստան
Մասնագիտություն	դերասան և ձեռնարկատեր
Ամուսին(ներ)	Տատյանա Օկունևսկայա
Երեխա(ներ)	Նինա Գոմիաշվիլի
Պարգևներ և մրցանակներ	Վրացական ԽՍՀ ժողովրդական արտիստ և National artist of the Abkhaz ASSR?

Արչիլ Գոմիաշվիլի (վրաց.՝ არჩილ გომიაშვილი, մարտի 23, 1926(1926-03-23), Ճիաթուրա, Իմերեթի մարզ, Վրաստան - մայիսի 31, 2005(2005-05-31), Մոսկվա, Ռուսաստան), վրացի խորհրդային և ռուսական թատրոնի և կինոյի դերասան, գործարար, Վրացական ԽՍՀ ժողովրդական արտիստ (1966 թ.):

Կենսագրություն[խմբագրել | խմբագրել կոդը]

Արչիլ Գոմիաշվիլին ծնվել է վրացական Ճիաթուրա քաղաքում։ 1940-1942 թվականներին սովորել է Թբիլիսիում գտնվող գեղարվեստի ակադեմիային կից տեխնիկումում։ Հրապուրված լինելով թատրոնով, այնուհետև ընդունվել է Մոսկվայի գեղարվեստական ակադեմիական թատրոնին (ՄԳԱԹ) կից դպրոց-ստուդիա։ Մի քանի տարի սովորելուց հետո վերադարձել է Թբիլիսի և ընդգրկվել Վրաստանի Կոնստանտին Մարջանիշվիլու անվան ակադեմիաական թատրոնի խմբի մեջ։ 1958 թվականին մեկնել է Փոթի, աշխատել Գեորգի Էրիսթավիի անվան թատրոնում, իսկ հետո` Թբիլիսիի Ալեքսանդր Գրիբոյեդովի անվան ռուսական դրամատիկական թատրոնում։

Փոթիում նա բեմադրել է Իլյա Իլֆի և Եվգենի Պետրովի «Ոսկե հորթը» վեպի մոտիվներով` «Օստապ Բենդերի արկածները» ներկայացումը։ Այն մեկ դերասանի թատերական ներկայացում էր, որտեղ նա կատարել է ոչ միայն Մեծ Կոմբինատորի, այլ նաև ընդհատակյա միլիոնատեր Կորեյկոյի, Պանիկովսկու, Բալագանովի և նույնիսկ Զոսյա Սինիցկայայի դերերը։

Այնուամենայնիվ Արչիլ Գոմիաշվիլին համաժողովրդական ճանաչման արժանացավ 1971 թվականին, երբ նկարահանվեց Լեոնիդ Գայդայի «12 աթոռ» կատակերգությունում` կատարելով Օստապ Բենդերի դերը։ Երկու տարի անց նա Լենկոմ թատրոնի դերասան էր, իսկ մի քանի տարի անց տեղափոխվել է Մոսկվայի Ալեքսանդր Պուշկինի անվան դրամատիկական թատրոն։

1990 թվականին Արչիլ Գոմիաշվիլին «Սիթի-բիզնես» բաժնետիրական ընկերության նախագահն էր, իսկ 1992 թվականին Մոսկվայում բացել է «Ոսկե Օստապ» ակումբը։

Անձնական կյանքը[խմբագրել | խմբագրել կոդը]

Արչիլ Գոմիաշվիլին ամուսնացել է երեք անգամ և ունի չորս երեխա` երկու որդի և երկու դուստր։ Նրա դուստրերից մեկը` Նինա Գոմիաշվիլին նույնպես դերասանուհի է։ Երրորդ կինը` ՌԽՖՍՀ վաստակավոր արտիստ Տատյանա Օկունևսկայան էր։

2004 թվականին Արչիլ Գոմիաշվիլիի մոտ ախտորոշվել էր թոքերի քաղցկեղ։ Նա մահացել է Մոսկվայում, 2005 թվականի մայիսի 31-ին^[1]։ Թաղված է Տրոեկուրովյան գերեզմանատանը։

Ֆիլմագրություն[խմբագրել | խմբագրել կոդը]

Թվական	Անվանում	Բնօրինակ անվանում	Կերպար
1957	Անձամբ ճանաչում եմ	-	Մանթաշերով
1962	Խլուրդը	Крот	Զուրաբ
1965	Արտակարգ հանձնարարություն	-	Մանթաշերով
1965	Հիմա ժամանակներն ուրիշ են	Иные нынче времена	Կոստայա
1966	Ներեցեք, ձեզ սպասում է մահը	Простите, вас ожидает смерть	-
1969	Պայթյուն կեսգիշերից հետո	-	-
1971	12 աթոռ	12 стульев	Օստապ Բենդեր
1977	Միմինո	Мимино	Նուգզար Պապիշվիլի
1977	Այս անհավանական երաժիշտները կամ Շուրիկի նոր երազները	Эти невероятные музыканты, или Новые сновидения Шурика	Օստապ Բենդեր
1978	Կովկասյան վիպակ	Кавказская повесть	Երոշկա
1978	Իմ սեր, իմ թախիծ	Любовь моя, печаль моя (Bir Aşk Masalı Ferhat ile Şirin)	Աշրաֆ
1980	Վաղուց անցած օրերի կատակերգություն	Комедия давно минувших дней	Օստապ Բենդեր
1981	Ոսկե գեղմը	Золотое руно	Յակով
1983	Վաղ, վաղ առավոտ	Раннее, раннее утро	Գորդեյ Լուկիչ
1984	Պղնձե հրեշտակը	Медный ангел	Անտոնիո Վալդես
1985	Սկապենի արարքները	Проделки Скапена	Սկապեն
1986	Պետական սահման. Քառասունմեկ թվականը	Государственная граница. Год сорок первый	Իոսիֆ Ստալին
1986	Իմ սիրելի ծաղրածուն	Мой любимый клоун	Պաշա Ֆոկին
1986	Առանց վաղեմության ժամկետի	Без срока давности	-
1989	Ստալինգրադ	Сталинград	Իոսիֆ Ստալին
1990	Պատերազմ արևմտյան ուղղությամբ	Война на западном направлении	Իոսիֆ Ստալին
1990	Սուպերմենթ	Супермент	Կադաև
1990	Մարդասպանի տեղը թափուր է	Место убийцы вакантно…	ՆԳ վարչության պետ
1992	Ոսկե սկուտեղով մատուցողը	Официант с золотым подносом	Շոթա Ճանտուրիա
1993	Մահվան հրեշտակները	Ангелы смерти	Իոսիֆ Ստալին
1993	Դարի ողբերգությունը	Трагедия века	Իոսիֆ Ստալին

Ծանոթագրություններ[խմբագրել | խմբագրել կոդը]

↑ Заседание закончилось, господа присяжные… Сегодня на восьмидесятом году жизни скончался актёр и бизнесмен Арчил Гомиашвили // Газета.ру, 31.05.2005.

[1] Заседание закончилось, господа присяжные… Сегодня на восьмидесятом году жизни скончался актёр и бизнесмен Арчил Гомиашвили // Газета.ру, 31.05.2005.

[1]