Քերեջ

Վիքիպեդիայից՝ ազատ հանրագիտարանից
Jump to navigation Jump to search
Բնակավայր
Քերեջ
պարս․՝ کرج
Karaj, winter.jpg
Կոորդինատներ: 35°49′0″ հս․ լ. 50°58′0″ ավ. ե. / 35.81667° հս․. լ. 50.96667° ավ. ե. / 35.81667; 50.96667
ԵրկիրԻրան Իրան
Մակերես162 կմ²
ԲԾՄ1312 մետր
Պաշտոնական լեզուպարսկերեն
Բնակչություն1 592 492 մարդ (սեպտեմբերի 24, 2016)[1]
Ժամային գոտիUTC+3:30
Հեռախոսային կոդ026
Պաշտոնական կայքkermancity.kr.ir և kerman.kr.ir
##Քերեջ (Իրան)
Red pog.png

Քերեջ[2] (պարս․՝ کرج), Իրանի հյուսիսում գտնվող քաղաք, Թեհրանի արվարձանը՝ տեղակայված Էլբուրս լեռան լանջերին: Ալբորզ օստանի վարչական կենտրոնն է:

Բնակչությունը կազմում է 1 967 005 բնակիչ: Քերեջը կարևոր տրանսպորտային կենտրոն է, որով անցնում են Կասպից ծովից Թեհրան ուղարկվող բոլոր բեռները: Քերեջը մայրաքաղաքի հետ կապված է ավտոմագիստրալով, երկաթգծով և մետրոյի գծով:

Պամություն[խմբագրել | խմբագրել կոդը]

Իրանցիները շատ դարեր առաջ ներկայիս Քերեջ քաղաքի շրջանում ստեղծել էին բնակեցված ավաններ, իսկ այդ վայրի բնակեցված լինելու ամենահին վկայությունը զրադաշտական շրջանի տաճարն է: Իր չափազանց բարենպաստ աշխարհագրական դիրքի շնորհիվ բավականին երկար ժամանակ Քերեջը ծառայել է որպես խոշոր առևտրական կենտրոն, որը Թեհրանն ու Կասպից ծովի ափը կապում էր միմյանց:

18-րդ դարի վերջում Քերեջն սկսեց բարգավաճել, հայտնվեց տրանսպորտ, քաղաքը զինվեց ինֆրակառուցվածքային օբյեկտներով:

20-րդ դարում քաղաքի ինտենսիվ զարգացումը հնարավորություն տվեց քաղաքին՝ դառնալու Իրանի[3] արդյունաբերական ամենախոշոր կենտրոններից մեկը:

Կլիմա[խմբագրել | խմբագրել կոդը]

Քերեջի կլիման չոր է, կլիմայի վրա ազդեցություն են թողնում լեռները, որոնք գտնվում են քաղաքի մերձակայքում: Ամռանը շոգ է և չորային, իսկ ջերմաստիճանն առանձնապես բարձր ցուցիչի է հասնում հուլիսին և օգոստոսին: Ձմեռը շատ ցուրտ չէ, բայց կարող են լինել ջերմաստիճանի կտրուկ անկումներ և սառնամանիքներ[3]:

Տրանսպորտ[խմբագրել | խմբագրել կոդը]

Քերեջում է գտնվում «Պայմ» միջազգային օդանավակայանը, որը տեղակայված է քաղաքի վարչական սահմանին: Քերեջով է անցնում Թեհրանի մետրոն: Քաղաքում զարգացած են երկաթուղային և ավտոճանապարհային տրանսպորտը, գերիշխում են ավտոբուսները և տաքսիները[3].

Քերեջ-Չալյուս ճանապարհի և Քերեջ գետի տեսարանը
Քերեջ-Չալյուս ճանապարհի և Քերեջ գետի տեսարանը


Տեսարժան վայրեր[խմբագրել | խմբագրել կոդը]

  • Մարգարտե դղյակ (պարս․՝ Քահ-է Մորվարիդ). կառուցվել է 1966-1968 թվականներին, Մոհամեդ-Ռեզա Փեհլևիի քրոջ՝ Շամս Փեհլևիի պատվերով, Ուեսլի Փիթերսի և Ֆրենկ Լլոյդ Ռայթի նախագծով: դղյակի մակերեսը 111 հեկտար է: Դղյակի ներսում գտնվող բոլոր տարածքները նման են մարգարտահատիկների, ինչն էլ անվան ծագման հիմնական պատճառն է[4]:

Այգիներ և պարտեզներ[խմբագրել | խմբագրել կոդը]

  • Ֆաթեհ այգի (բառացի՝ «Բացվող»). գտնվում է Ջահանշահր թաղամասում, անմիջապես այգուն հարող տարածքում կան ավանդական և ժամանակակից[5] ռեստորաններ:
  • Չամրան պարտեզ. այն մասամբ կազմված է բնական աճող ծառերից, մասամբ՝ արհեստական տնկված[6]:

Դեմավենդ լեռան վրա՝ քաղաքից ոչ շատ հեռու, գործում են լեռնադահուկային հանգստյան գոտիներ, այդ թվում՝ Դիզինը, որը համարվում է լավագույնն Իրանում: Նաև աչքի են ընկնում Շեմշակը (իրանական ամենահին հանգստյան գոտին) և Տոշալը[3]:

Ծանոթագրություններ[խմբագրել | խմբագրել կոդը]