Ալբորզ օսթան (պարս.՝ استان البرز, Օսթան-է Ալբորզ), օսթան (նահանգ) Իրանի Իսլամական Հանրապետությունում, Իրանի 31 օսթաններից մեկը։ Գտնվում է երկրի կենտրոնական մասում, արևելքից սահմանակից է Թեհրան, հարավից` Մարքազի, արևմուտքից` Ղազվին, հյուսիսից` Մազանդարան օսթաններին։ Օսթանի տարածքը կազմում է 5833 կմ², բնակչությունը՝ ▲2 712 400 մարդ (2016)[1]։ Տարածքով Ալբորզը Իրանի ամենափոքր օսթանն է։ Մայրաքաղաքը Քարաջ քաղաքն է։
Օսթանը ձևավորվել է 2010 թվականին՝ Թեհրան օսթանի հյուսիս-արևմտյան շրջանների անջատման արդյունքում[2]։ 2014 թվականից օսթանը մասն է կազմում Իրանի 1-ին տարածաշրջանի[3], որի կենտրոնն է Թեհրանը։
2006 թվականի մարդահամարի տվյալներով այն շրջանների բնակչությունը, որոնք հետագայում մտան օսթանի կազմի մեջ, կազմում էր 2 053 233 մարդ[4]։ 2011 թվականի մարդահամարը հաշվառել էր 2 412 513[5], իսկ վերջին` 2016 թվականի մարդահամարն արդեն 2 712 400 մարդ[6]։
Խոշոր քաղաքներն են Քարաջը (բնակչությունը 2016 թվականի դրությամբ` 1 592 492 մարդ), Ֆարդիսը (181 174 մարդ), Քամալշահրը (141 669 մարդ), Նազարաբադը (119 512 մարդ), Մոհամմադշահրը (119 418 մարդ), Մահդաշտը (62 910 մարդ), Մեշկին Դաշտը (62 005 մարդ), Հաշտգերդը (55 640 մարդ)[7]։ Ընդհանուր առմամբ քաղաքներում է ապրում օսթանի բնակչության 92.6%-ը[6]։
Իրան
