Վերմլանդ

Վիքիպեդիայից՝ ազատ հանրագիտարանից
Picto infobox map.png
Վերմլանդ
շվեդ.՝ Värmland

Զինանշան
Զինանշան
Երկիր Շվեդիա Շվեդիա (պ)
Կարգավիճակ նահանգ
Մտնում է Սվեալանդ
Հիմնական լեզու շվեդերեն
Բնակչություն (2009) 311,652
Խտություն 17 մարդ/կմ²
Տարածք 18,164 կմ²
Վերմլանդ վարչական միավորը երկրի քարտեզին
Ժամային գոտի +1


Վերմլանդ (շվեդ.՝ Värmland), պատմական նահանգ Շվեդիայում, որը գտնվում է Սվեալանդ շրջանում: Նահանգի լատիներեն անվանումներն են՝ Vermelandia[1] և Wermelandia[2]: Ընդհանուր մակերեսը կազմում է 18,164 կմ², բնակչության թիվը 2009 թվականի դրությամբ կազմում էր 311,652 մարդ[3]:

Աշխարհագրություն[խմբագրել | խմբագրել կոդը]

Վերմլանդը հարավում սահմանակցում է Վեստերգյոտլանդի և Դալսլանդի, արևմուտքում՝ Նորվեգիայի, արևելքում՝ Դալարնայի, Վեստմանլանդի և Ներքեյի հետ: Նահանգի տարածքի մեծ մասը բաղկացած է Վերմլանդի լենի հողերից, սակայն Սյոդրա Ռոդա տարածքը պատկանում է Վեստրա-Գյոտալանդ լենին, իսկ Դեգերֆորս և Կարլսկուգա կոմունաների տարածքի մի մասը՝ Էրեբրու լենին:

Վերմլանդին է պատկանում Շվեդիայի խոշորագույն Վենեռն լճի հյուսիսային մասը:

Պատմություն[խմբագրել | խմբագրել կոդը]

Վերմլանդում հայտնաբերվել են հնադարյան պատմության համեմատաբար քիչ քանակությամբ վկայություններ: Դրանց թվում է մոտ 500 բնակավայր, որոնց մեծ մասն իրենցից ներկայացնում էին ձկնորսական բնակավայրեր, որոնք տեղակայված էին լճերի ափերին: Վերմլանդի հարավ-արևմուտքում հայտնաբերվել են նաև ժայռապատկերներ: Վեներնի շրջանում հայտնաբերվել են նեոլիթի ժամանակաշրջանի առանձին իրեր: Ուշ նեոլիթին են պատկանում 138 պատկերասրահային դամբարան, որոնք հայտնաբերվել են հնագետների կողմից նահանգի հարավ-արևմուտքում: Դամբարանների հյուսիսային սահմանը ձգվում է մինչև Արվիկան:

Բրոնզի դարն իրենից հետո թողել է մոտ 2200 դոլմեն, որոնց մեծ մասը գտնվում է Վենեռն, Գլաֆսֆյորդ և Ֆրյուկենյան լճերի (Էվրե Ֆրյուկեն, Մելան Ֆրյուկեն և Նեդրե Ֆրյուկեն) շուրջը: Այդ շինությունները թողած մշակույթի մասին գրեթե ոչինչ հայտնի չէ:

Վաղ երկաթի դարին պատկանող գտածոներ Վերմլանդում գրեթե չեն հայտնաբերվել: Այդ սակավաթիվ գտածոների թվում են երկու տասնյակ գերեզմանոցային դաշտեր (դրանց մեծ մասը հայտնաբերվել է Վերմլանդսնես թերակղզում) և քարե օղակներ:

Ուշ երկաթի դարից պահպանվել է ավելի քան 2200 դամբարանաբլուր: Հիմնականում, դրանք կենտրոնացված են Վերմլանդսնեսում և Բյուելվեն, Նորսելվեն և Կլարելվեն գետահովիտներում, սակայն դրանցից մի քանիսը հայտնաբերվել են Վենեռնից արևելք և Չյոլայի շրջանում՝ արևմուտքում: Դրանց մեծ մասը թվագրվում է Ժողովուրդների մեծ գաղթի ժամանակաշրջանին, իսկ մնացյալները պատկանում են վիկինգների ժամանակաշրջանին:

Նահանգի անվանումը ծագել է 13-րդ դարից ոչ շուտ: Միջին դարերում այդ ժամանակ քիչ բնակեցված Վերմլանդի սահմաններն, ենթադրաբար, մեծամասամբ համընկնում էին այժմյան Վերմլանդի սահմանների հետ:

Այն մասին, թե ինչպես է քրիստոնեությունն եկել Վերմլանդ, գրեթե ոչինչ հայտնի չէ: Սկարայի թեմի կազմի մեջ մտնող այս նահանգում երբեք վանքեր չեն եղել:

Ծանոթագրություններ[խմբագրել | խմբագրել կոդը]

  1. Fredrik Fryxell as per Svenskt biografiskt lexikon below pdf here
  2. Graesse
  3. Statistics Sweden


Flag of Sweden.svg Շվեդիայի նահանգներ Flag of Sweden.svg

Բլեքինգե | Բուհուսլեն | Գոթլանդ | Դալարնա | Դալսլանդ | Եստրիքլանդ | Եմթլանդ | Լափլանդ | Հալանդ | Հելսինգլանդ | Հերյեդալեն | Մեդելփադ | Ներքե | Նորբոթեն | Սկոնե | Սմոլանդ | Սոդերմանլանդ | Վեստերբոթեն | Վեստերյոտլանդ | Վեստմանլանդ | Վերմլանդ | Ուփլանդ | Օլանդ | Օնգերմանլանդ | Օստերյոտլանդ