Վեստերգյոտլանդ

Վեստերգյոտլանդ; Landskap Västergötland
	Զինանշան
	;
Երկիր	Շվեդիա
Մասն է	Շվեդիա
Կարգավիճակ	Շվեդիայի նահանգ
Մտնում է	Վեստրա Գյոթալանդ
Բնակչություն (2009)	1 229 167 մարդ
Խտություն	59
Տարածք	20 554
Սահմանակցում է	Սմոլանդ, Հալանդ և Բուհուսլեն
	Վեստերգյոտլանդ Վիքիպահեստում

Վեստերգյոտլանդ (շվեդ.՝ Västergötland), պատմական նահանգ Շվեդիայի արևմուտքում^[2]։

Աշխարհագրություն[խմբագրել | խմբագրել կոդը]

Վեստերգյոտլանդ պատմական նահանգը գտնվում է երկրի արևմտյան հատվածում։ Նահանգը հարավում սահմանակցում է Հալանդ պատմական նահանգի, արևմուտքում՝ Կատեգատ նեղուցի, ինչպես նաև Դալսլանդ և Բուհուսլեն պատմական նահանգների, արևելքում՝ Օստերյոտլանդ և Սմոլանդ նահանգների, հյուսիսում՝ Վերմլանդ և Ներքե նահանգների հետ։

Նահանգի հարավում և արևելքում տարածվում է լեռնային լանդշաֆտը, որը վերածվում է Հարավ-շվեդական բարձրության։ Արևմուտքում և հյուսիսում այստեղ հարթավայրեր են տարածվում, ինչպես նաև Միջին-շվեդական ցածրավայրի մի մասը։ Վեստերգյոտլանդի հյուսիս-արևմուտքում և հյուսիս-արևելքում գտնվում են Շվեդիայի երկու խոշոր լճերը՝ Վենեռնը և Վեթեռնը։ Նահանգի խոշորագույն գետը Գյոթա Էլվն է՝ սկիզբ է առնում Վենեռն լճից և թափվում է Կատեգատ նեղուցի մեջ։

Կլիմա[խմբագրել | խմբագրել կոդը]

Կլիման մեղմ է, խոնավ։ Առափնյա շրջաններում տարեկան տեղումների քանակը կազմում է 900 մմ, նահանգի խորքում՝ մոտ 600 մմ։ Հունվարի միջին ջերմաստիճանը կազմում է +1°С, իսկ հունիսինը՝ +15°С:

Տնտեսություն[խմբագրել | խմբագրել կոդը]

Վեստերգյոտլանդը համարվում է Շվեդիայի խոշոր ագրարային տարածաշրջաններից մեկը։ Արդյունաբերությունը զարգացած է խոշոր քաղաքներում՝ Գյոտեբորգում (նաև երկրի խոշոր նավահանգիստներից մեկն է), Տրոլհյոթենում (Saab գործարանը), Շյովդե (Volvo գործարանները), Բուրոսում (տեքստիլ ձեռնարկություններ)։

Բնակչություն[խմբագրել | խմբագրել կոդը]

Վեստերգյոտլանդ նահանգի բնակչությունը 2009 թվականի դրությամբ կազմում էր 1 229 167 մարդ^[3]։ Բնակչության խտությունը՝ 59 մարդ/կմ²։

Պատմություն[խմբագրել | խմբագրել կոդը]

Առաջին մարդկային կացարանները, որոնք հայտնաբերվել են Վեստերգյոտլանդի տարածքում, թվագրվում են մ.թ.ա. 8-րդ դարին։ Այդ ժամանակ բնակավայրերը կենտրոնացած էին լճերի շուրջը և գետերի ափերին։ Մ.թ.ա. 3000 թվականին նահանգում ի հայտ է գալիս զարգացած համայնք, որն իրենից հետո ներկայիս Ֆալչյոպինգ քաղաքի տարածքում թողնում է գերեզմանոցներ։ Հնագետների կողմից հայտնաբերված զոհաբերության հետքերը և ժայռապատկերները վերաբերում են բրոնզի դարին։