Հելսինգլանդ

Հելսինգլանդ; Hälsingland
Դրոշ	Զինանշան
;	;
Երկիր	Շվեդիա
Մասն է	Շվեդիա
Կարգավիճակ	Շվեդիայի նահանգ
Մտնում է	Նորլանդ
Բնակչություն (2012)	129․221
Խտություն	9.1
Տարածք	14 264

Հելսինգլանդ (նախկինում Գելսինգլանդ, շվեդերեն՝ Hälsingland), Շվեդիայի Նորլանդ շրջանում գտնվող պատմական նահանգ։ Տարածքի մեծ մասը պատկանում է Եվլեբորգ վարչական միավորին՝ լենին, սակայն ոչ մեծ տարածքներ մտնում են Եմտլանդի և Վեստերնորլանդի լենների մեջ։

Բնակչությունը՝ 129,221 մարդ (2012 թվականի դրությամբ)^[1]։

Աշխարհագրություն[խմբագրել | խմբագրել կոդը]

Նահանգը հարավում սահմանակցում է Եստրիքլանդի, արևմուտքում՝ Դալարնայի և Հերյեդալենի, հյուսիսում՝ Մեդելփադի հետ։ Նահանգի մակերեսը կազմում է 14 264 կմ²։

Հելսինգլանդի տարածքի մեծ մասը բլրապատ է։ Բարձունքները աստիճանաբար նվազում են հարավ-արևելքում, սակայն արևելքում գտնվող Յուսնանի հովտում առկա է տեղանքի խիստ կտրտվածություն։ Նահանգի հյուսիս-արևելքում գտնվում են Դելենյան լճերը, որոնց ծագումը կապում են երկնաքարի անկման հետ։

Պատմություն[խմբագրել | խմբագրել կոդը]

Մինչ XIV դարը Հելսինգլանդ անվանում էին Շվեդիայի բոլոր հյուսիսային շրջանները, սակայն հետագայում անվան իմաստը փոխվել է։ 1772 թվականից, երբ առաջացել է Եվլեբորգ լենը, որն ներառեց Հելսինգլանդը և Եստրիքլանդը, քաղաքը որևէ վարչական նշանակություն չունի, սակայն պահպանում է իր մշակութային և պատմական նշանակությունը։

Անվան ծագումնաբանություն[խմբագրել | խմբագրել կոդը]

Լանդսկապ Հելսինգլանդի անվանումը առաջին անգամ հիշատակել է Բրեմենի Ադամը X դարի վերջին որպես շվեդերեն՝ Hälsingland: Հելսինգլանդ անվանումը մեկնաբանվել է որպես «պարանոց» և «բնակիչներ ճանապարհի երկայնքով» բառերի համադրությամբ^[2]։ Մեծ տարածում ունի այն կարծիքը, որ այդ «պարանոցը» (գետաբերանը) Բոտնիկի ծոցն է և մարդիկ, ովքեր բնակվում էին ծոցի երկու ափերի երկայնքով։

Սնորրի Սթուրլուսոնը XII դարում պատմում է հին սկանդինավյան «Երկրային շրջան» առասպելում, երկրի մասին, որը տարածվում էր մինչև Հելսինգլանդ շվեդերեն՝ Hälsingland անունով ափերը^[3]։

Մինչև XVII դարի 90-ական թվականները նահանգի անվանումը կիրառվում էր որպես դժոխքի մեղմասություն^[4]։