Սիրաք (գիրք)

Վիքիպեդիայից՝ ազատ հանրագիտարանից
Picto infobox book.png
Սիրաք
Zentralbibliothek Zürich - Alle Weissheit ist bey Gott dem Herrn - 000012138.jpg
Սիրայի որդի Ջոշուայի իմաստության գիրք, առաջին գլուխ, անհայտ նկարիչ, 1654
Հեղինակ Ben Sira
Տեսակ կրոնական գիրք և գրական ստեղծագործություն
Ժանր խրատական
Մասն է Աստվածաշունչ և Երկրորդականոն գրքեր
Լեզու եբրայերեն, հունարեն
Ստեղծման տարեթիվ մ.թ.ա. 170 թվականին (կամ մ. թ. ա. 290)
Հրատարակում(ներ) Q29552979?
Կայք Սիրաք
Ecclesiasticus Վիքիպահեստում

Սիրաք, Բեն Սիրայի գիրք[1], Սիրաքի իմաստություն կամ Ամենաառաքինի իմաստության մասին Ջոշուա Բեն Սիրայի գիրք[2], հիմնականում հայտնի է Սիրաքի իմաստություն (Wisdom of Sirach), որպես եկեղեցական գիրք նաև` Էկլեսիաստիկուս (Σοφία Ἰησοῦ Σειράχ-Ecclesiasticus)[3][4]։ Աստվածաշունչ մատյանի Հին Կտակարանի ոչկանոնիկ գիրք։ Գիրքը կազմվել է մ.թ.ա. 170 թվականին[5] (կամ մ. թ. ա. 290 թվականին[6])։ Ստեղծագործության մեջ, որը գրվել է եբրայերեն, ապա թոռան ձեռքով թարգմանվել հունարեն, հեղինակը փորձում է պաշտպանել հրեական կրոնն ու մշակույթը հելլենիզմից։ Արծարծված են բազում թեմաներ՝ ընկերություն, ազնվություն, երեխաների դաստիարակություն, կանայք, բժիշկներ, հիվանդներ, Իսրայելի հին պատմություն, պաշտամունք, ազատություն, մահ և այլն[6]։

Կառուցվածք[խմբագրել | խմբագրել կոդը]

Գրքի բովանդակությունը հնարավոր չէ դասել այս կամ այն գրելաձևին, մտքի որոշակի հոսքին և այլն հստակ համակարգված պայմանական ոճերից կամ կառուցվածքներից որևէ մեկին։ Կարելի է գիրքը բաժանել խրատական (Սիր.1-42:15) և պատմական (գլուխ 44-50) մասերի։ Դրանց միջև աշխարհի արարման ժամանակ «Աստծո գործերի մասին հիշողությունների» գովքն է (Սիր., գլուխ 42:15-43), իսկ երկրորդ մասի վերջում հեղինակը աղոթքով անդրադառնում է իր նկատմամբ Տիրոջ ողորմածությանը (գլուխ 51)։ Սակայն որոշ հետազոտողներ գիրքը բաժանում են յոթ մասի[6].

  1. իմաստության էություն և էական և առանձնակի հատկանիշներ (Сир.1-16:23)
  2. Տեր Աստված և նրա նկատմամբ մարդու վերաբերմունքը (16:24-23:27)
  3. հասարակական կյանքի իմաստություն և օրենք կամ կանոններ (24:1-30:27)
  4. Տերը և Նրա ժողովուրդը կամ ուսմունք խոհեմության և առաքինության մասին (30:28-36:22)
  5. հասարակական կյանքի ուսուցանում և կանոններ (36:23-39:11)
  6. աշխարհում մարդու ստեղծագործությունը և դիրքը (39:12-42:14)
  7. Տիրոջ փառաբանում բնության և պատմության մեջ Նրա հայտնության համար (42:15-50:26, ամփոփում (50:27-29), առդրություն (51)։

Բովանդակություն[խմբագրել | խմբագրել կոդը]

Ընդհանուր առմամբ, գրքի բովանդակությունը արտացոլում է գործնական աշխարհիկ իմաստություն, որը հեղինակը ձեռք բերել բիբլիական ուսմունքի մանրակրկիտ ուսումնասիրության, իր կյանքի եւ այլ իմաստունների կյանքի, բարքերի եւ ճակատագրերի դիտարկմամբ: Այս ամենը նկարագրված է սահուն, իմաստության եւ բարոյականության մասին գեղեցիկ աֆորիզմներով և ասույթներով: Հեղինակը ուրվագծել է ամբողջ մարդկային կյանքը, իր բոլոր հարաբերություններով, եւ խորհուրդներ է տալիս բոլոր հանգամանքների եւ պայմանների համար: Նա ներկայացնում է պարտականությունները ըստ անհատների. ցածրի վերաբերմունքը բարձրին, աղքատինը հարուստին, ստրուկների եւ տերերի միմյանց նկատմամբ վերաբերմունքը; ըստ տարիքի. երիտասարդների եւ ծերունիների, երեխաների եւ ծնողների, ամուսինների, ընկերների ապրելակերպը եւ հարաբերությունները; ​​հասարակության առանձին անդամների վերաբերմունը հասարակության, կառավարության, պետության քաղաքական կարգավիճակի նկատմամբ; սահմանում է, թե ինչպես կարող է իմաստուն մարդը իր պատիվն ու արժանապատվությունը փրկել բազմազան իրավիճակներում, բախումների, եւ փոխհարաբերությունների ժամանակ։ Հեղինակը մատնանշում է յուրաքանչյուրի պարտականությունները նաև ինքն իր նկատմամբ. թե ինչպես հոգ տանել մարմնի պահանջները եւ ինչպես ձևավորել հոգին։ Խորհուրդներ է տալիս ուրիշների հետ «վարվելու» եւ «հասարակության մեջ» վարքագծի մասին, եւ այլն, եւ այլն։ Ընդհանրապես, այստեղ հեղինակը մատնանշում է ամբողջ մարդկային կյանքը հիմնականում գործնական առումով։

Ժամանակաշրջան և թարգմանություն[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Book of Ben Sira Salem Communications Corporation. BibleStudyTools.com. կայքում գրքի էլեկտրոնային տարբերակը (անգլ.)
  2. կամ ... Սիրայի որդի Ջոշուա
  3. MLA citation. Gigot, Francis. Ecclesiasticus The Catholic Encyclopedia. Vol. 5. New York: Robert Appleton Company, 1909. 25 Oct. 2013
  4. Д.Г. Добыкин. Лекции по введению в Священное Писание Ветхого Завета. Санкт-Петербург.: Санкт-Петербургская православная духовная академия, 2012.— C. 23, 27
  5. Бен-Сиры Премудрость. // Краткая еврейская энциклопедия, том 1, кол. 348–350
  6. 6,0 6,1 6,2 Проф. П. А. Юнгеров. «"Введение в Ветхий Завет. Книга Премудрости Иисуса сына Сирахова.»։ www.sbible.ru։ Վերցված է 2015-04-10 

Արտաքին հղումներ[խմբագրել | խմբագրել կոդը]