Ժողովող

Ժողովող բիբլիական եբրայերեն՝ מגלת קהלת
Հեղինակ	Qohelet?
Տեսակ	կրոնական գիրք և Աստվածաշնչի գիրք
Ժանր	wisdom literature?
Կազմված է	Ժողովող 1, Ժողովող 2, Ժողովող 3, Ժողովող 4, Ժողովող 5, Ժողովող 6, Ժողովող 7, Ժողովող 8, Ժողովող 9, Ժողովող 10, Ժողովող 11 և Ժողովող 12
Մասն է	Hamesh Megillot?, Կտուվիմ, Հին Կտակարան և Sapiential Books?
Բնօրինակ լեզու	Late Biblical Hebrew? և եբրայերեն
Նախորդ	Առակներ
Հաջորդ	Երգ երգոց
Վիքիդարան	Ժողովող
Book of Ecclesiastes Վիքիպահեստում

Ժողովող (եբրայերեն՝ קהלת ‎, Կոհելեթ. հին հունարեն՝ Εκκλησιαστής , Եկլեզիաստես), Աստվածաշունչ մատյանի Հին Կտակարանի կանոնի գրքերից մեկը, պատկանում է իմաստության գրքերի թվին։ Ըստ հուդայականության և քրիստոնեական ավանդության գրքի հեղինակը Իսրայելի թագավոր Դավթի որդի Սողոմոնն է։ Սակայն ժամանակակից ուսումնասիրողների կարծիքով գիրքը գրվել է մ.թ.ա. IV-III դդ.։ Գիրքն ըստ բնույթի իմաստուն մտքերի, կյանքի, մահվան, երջանկության, մարդկային գործունեության տարբեր ոլորտների մասին խորհրդածությունների հավաքածու է։

Անվան ծագում

Գրքի հեղինակը իրեն կոչում է «Ժողովող» (Դաւթի որդու՝ Երուսաղէմում Իսրայէլի թագաւոր Ժողովողի խօսքերը (ա։1))։ Ըստ ուսումնասիրողների, այդ անունը, հավանաբար, մատնանշում է Սողոմոնի կյանքի երկու իրադարձություններ, որոնց մասին հիշատակվում է Հին Կտակարանում։ Առաջին դրվագն այն է, երբ Սողոմոնը իմաստություն է ստացել Գաբավոնում, «բազմամարդ ժողովրդի մեջ» (Գ Թագ., գ։8), երկրորդը՝ երբ Երուսաղեմի տաճարի օծման առթիվ ժողովել է իսրայելցիներին ու օրհնել ժողովրդին՝ ժողովը (քահալ) (Գ Թագ, ը։2 և 14)։

Ոճ

Գիրքը գրված է հանգավոր արձակով, բազմաթիվ զուգահեռականություններով ու տարբեր ձևերի մեջ առնված միևնույն գաղափարի կրկնությամբ։ Նախադասությունները սովորաբար երկար են և խճճված։ Կան սիրելի բառեր ու արտահայտություններ («ունայն է», «արեգակի ներքո», «իմաստություն»)։

Արտաքին հղումներ

• Ժողովողի գիրքը արևելահայերեն թարգմանությամբ
• Ժողովողի արևելահայերեն տարբերակը Վիքիդարանում

Վիքիդարանն ունի նյութեր, որոնք վերաբերում են «Ժողովող» հոդվածին։

Վիքիպահեստն ունի նյութեր, որոնք վերաբերում են «Ժողովող» հոդվածին։