Ռուբեն Աբրահամյան (պետական գործիչ)
- Վիքիպեդիայում կան հոդվածներ Աբրահամյան ազգանունով այլ մարդկանց մասին։
| Ռուբեն Աբրահամյան | |
| Կրթություն՝ | Հայաստանի ազգային ագրարային համալսարան (1935) |
|---|---|
| Մասնագիտություն՝ | գյուղատնտես և պետական գործիչ |
| Ծննդյան օր | 1907 |
| Ծննդավայր | Սարուխան, Նոր Բայազետի գավառ, Երևանի նահանգ, Կովկասի փոխարքայություն, Ռուսական կայսրություն |
| Վախճանի օր | 1982 |
| Քաղաքացիություն |  ԽՍՀՄ
|
Ռուբեն Տիգրանի Աբրահամյան (1907, Սարուխան, Նոր Բայազետի գավառ, Երևանի նահանգ, Կովկասի փոխարքայություն, Ռուսական կայսրություն - 1982), խորհրդային տնտեսական, պետական և քաղաքական գործիչ։
Կենսագրություն[խմբագրել | խմբագրել կոդը]
Ծնվել է 1907 թվականին, Նոր Բայազետի Դալիկարդաշ (Սարուխան) գյուղում՝ գյուղացու ընտանիքում։ Միջնակարգ կրթություն ստանալուց հետո Մարտունու շրջանում կատարել է մանկավարժական և կոմերիտական աշխատանք[1]։ 1935 թվականին ավարտել է Հայկական գյուղատնտեսական ինստիտուտը։ Որպես գյուղբաժնի ագրոնոմ՝ գործուղվել Իջևանի շրջան[1]։
1937-1946 թվականներին աշխատել է ՀԿԿ Էջմիածնի շրջկոմի առաջին քարտուղար։ 1946-1948 թվականներին եղել է ՀԽՍՀ մսեղենի և կաթնեղենի արդյունաբերության նախարար, 1948-1950 թվականներին՝ ՀԿԿ Ալավերդու շրջկոմի առաջին քարտուղար։
1954-1957 թվականներին աշխատել է ՀԽՍՀ գյուղատնտեսության նախարար[2], ապա՝ նախարարի տեղակալ (մինչև 1972)։ 1972-1974 թվականներին եղել է երկրագործության գիտահետազոտական ինստիտուտի տնօրեն։
Եղել է ՀԽՍՀ Գերագույն խորհրդի պատգամավոր[1]։
Մահացել է 1982 թվականին։ Թաղված է Երևանում՝ Թոխմախի գերեզմանատանը[3]։
Տես նաև[խմբագրել | խմբագրել կոդը]
| Նախորդող Աղասի Չիլինգարյան |
ՀԽՍՀ գյուղատնտեսության նախարար Ռուբեն Աբրահամյան 1954 - 1957 |
Հաջորդող Հրանտ Հովհաննիսյան |
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 «Աբրահամյան Ռուբեն Տիգրանի ։». persons.anau.am. Վերցված է 2023 թ․ օգոստոսի 29-ին.
- ↑ Ռուբեն Աբրահամյանի կենսագրությունը ՀՀ գյուղատնտեսության նախարարության կայքում
- ↑ Ռուբեն Աբրահամյանի գերեզմանաը ըստ hush.am կայքի տվյալների
| ||||||||||||||
.svg)