Ուղեգրություն

Վիքիպեդիայից՝ ազատ հանրագիտարանից
Jump to navigation Jump to search

Ուղեգրություն, ճանապարհորդի գրառումները՝ ուղևորության, այցելած երկրների ու բնակչության, կենցաղի և հասարակական կյանքի վերաբերյալ։ Ուղեգրությունները բազմաբնույթ են (նկարագրողական, տեղեկատու, գիտաճանաչողական, փիլիսոփայական, գեղարվեստական, արկածային և այլն), կապված հեղինակի նպատակադրման հետ։ Անտիկ շրջանի ուղեգրությունները (Հերոդոտոսի, Ստրաբոնի, Տակիտոսի և այլոց գործերը) հիմնականում ունեն պատմաաշխարհագրական, միջնադարինը (Մարկո Պոլոյի, Ա․ Կարպինիի, Վ․ Ռուբրուքի և այլոց երկերը)՝ առևտրաճանապարհորդական բնույթ։ Ծովային ճանապարհների և նոր աշխարհամասի վերաբերյալ մեծ թվով ուղեգրություններ (Ք․ Կոլումբոսի նավամատյանը, Ամերիգո Վեսպուչիի նամակները, Ա․ Պիգաֆետայի օրագիրը են) ստեղծվեցին աշխարհագրական մեծ հայտնագործությունների ժամանակաշրջանում (15-րդ–16-րդ դարերում)։ 17-րդ-18-րդ դարերում ուղեգրությունները ստացան ծովային և ցամաքային արշավախմբերի (Ջ․ Կուկի, ժ․ Ֆ․ Լապերուզի, Վ․ Ի․ Բերինգի և ուրիշների) գրառումների և հաշվետվությունների բնույթ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png