Արկածային տուրիզմ

Վիքիպեդիայից՝ ազատ հանրագիտարանից
Jump to navigation Jump to search
Քայլարշավ, Ատլասի լեռնաշղթա

Արկածային տուրիզմ, տուրիզմի տեսակ, որը ենթադրում է որևէ ուսումնասիրություն և իրական (կամ հավանական) ռիսկեր պարունակող ճամփորդություն:

Ըստ Արկածային տուրիզմի առևտրային ասոցիացիայի՝ արկածային տուրիզմ կարող է լինել ցանկացած ճամփորդական գործունեություն, որը ներառում է երեք բաղադրիչ՝ ֆիզիկական ակտիվություն, մշակութային փոխանակում և բնության հետ կապ[1]:

Արկածային տուրիստները կարող են ձգտել հաղթահարելու լարված և դժվար իրավիճակներ[2], որոնք առաջանում են նրանց՝ հարմարավետության գոտին լքելու արդյունքում: Սա կարող է տեղի ունենալ մշակութային շոկ (ցնցություն) ապրելու կամ կոնկրետ գործողությունների հետևանքով, որոնք պահանջում են զգալի ջանքեր և ներկայացնում են ֆիզիկական վտանգ կամ ռիսկի որոշակի աստիճան ունեն:

Արկածային տուրիզմի տեսակներ[խմբագրել | խմբագրել կոդը]

Արկածային տուրիզմի տեսակներից են լեռնագնացությունը, բարձունքից պարանով թռիչքները, հեծանվային լեռնագնացությունը, թիավարությունը (կանոյե, կայակ), ջրասուզումը, լաստանավով ճամփորդությունը, զիպլայնը, պառապլանով թռիչքը, քայլարշավը, ձիարշավը, հետազոտական ճամփորդությունը, սենդբոարդինգը (ավազի վրայով), սպելեոտուրիզմը (քարանձավային տուրիզմ) և ժայռամագլցումը[3] և հիչհայկինգը (ավտոստոպով ճամփորդություն): Արկածային տուրիզմի որոշ տարօրինակ ձևեր ներառում են տուրիզմ աղետավայրերում և գեթո տուրիզմ[4]: Արկածային տուրիզմի այլ զարգացող ձևերից են սոցիալական տուրիզմը և տուրիզմը Ջունգլիներում: Սպառողական մատչելի տեխնոլոգիաների կիրառումը, մասնավորապես Global Positioning Systemsflashpackingsocial networking և լուսանկարչությունը բարձրացրին համաշխարհային հետաքրքրվածությունը դեպի արկածային տուրիզմ[5]:

Հետաքրքրվածությունը դեպի անհատական արկածային տուրիզմը նույնպես բարձրացավ, քանի որ հայտնվեցին արկածային տուրիզմի վերոհիշյալ տեսակներն առաջարկող մասնագիտական ճամփորդական բազմաթիվ կայքեր:

Ծանոթագրություններ[խմբագրել | խմբագրել կոդը]

  1. «ATTA VALUES STATEMENT» (PDF)։ adventuretravel.biz։ Adventure Travel Trade Association։ February 2013։ էջ 2։ Վերցված է 27 July 2015 
  2. Buckley Ralf (2012)։ «Rush as a key motivation in skilled adventure tourism: Resolving the risk recreation paradox»։ Tourism Management 33 (4): 961–970։ doi:10.1016/j.tourman.2011.10.002 
  3. «Adventure Travel»։ Centers for Disease Control and Prevention։ 26 April 2013։ Վերցված է 27 July 2015 
  4. «Citypaper online»։ Արխիվացված օրիգինալից 13 October 2007-ին։ Վերցված է 2007-11-10 
  5. The Development of Social Network Analysis Vancouver: Empirical Press.

Արտաքին հղումներ[խմբագրել | խմբագրել կոդը]