Ելենա Շվարց
Ելենա Շվարց ռուս.՝ Елена Андреевна Шварц | |
---|---|
![]() | |
Ծնվել է | մայիսի 17, 1948[1][2] |
Ծննդավայր | Լենինգրադ, ՌԽՖՍՀ, ԽՍՀՄ |
Վախճանվել է | մարտի 11, 2010[2] (61 տարեկան) |
Վախճանի վայր | Սանկտ Պետերբուրգ, Ռուսաստան |
Գերեզման | Վոլկովսկոե գերեզմանատուն |
Գրական անուն | Лавиния Ворон և Арно Царт и др. |
Մասնագիտություն | բանաստեղծուհի, թարգմանչուհի և գրող |
Լեզու | ռուսերեն |
Քաղաքացիություն | ![]() ![]() |
Կրթություն | Սանկտ Պետերբուրգի պետական թատերական արվեստի ակադեմիա |
Պարգևներ | |
![]() |
Ելենա Շվարց (ռուս.՝ Елена Андреевна Шварц, մայիսի 17, 1948[1][2], Լենինգրադ, ՌԽՖՍՀ, ԽՍՀՄ - մարտի 11, 2010[2], Սանկտ Պետերբուրգ, Ռուսաստան), ռուս բանաստեղծուհի, արձակագիր, թարգմանիչ։ 1970-1980-ական թվականների լենինգրադյան ոչ պաշտոնական մշակույթի կարկառուն ներկայացուցիչներից։
Կենսագրություն
[խմբագրել | խմբագրել կոդը]Ծնվել է 1948 թվականին Լենինգրադում։ Մայրը՝ Դինա Շվարցը, գրական գործիչ էր, ղեկավարել է Գ․ Տովստոնոգովի անվան դրամատիկական մեծ թատրոնի գրական բաժինը։ Հայրը՝ Անդրեյ Ջեջուլան (1913-1971), Կիևի համալսարանում պատմության պրոֆեսոր էր։ Ելենա Շվարցի խոսքերով՝ ինքը հորը երբեք չի տեսել։ Պապը՝ Մորիս Շվարցը, ղեկավարել է Մյունցենբերգի անվան կարի ֆաբրիկան, գնդակահարվել է 1937 թվականի մայիսին «կարի արտադրությունը տապալելու համար»։ Տատը նույնպես եղել է բռնադատված։
Որոշ հայտնի գործեր գրել է դեռևս դեռահասության տարիքում՝ «Бурлюк», «О море милое, тебя пересолили!»: Որոշ ժամանակ սովորել է Լենինգրադի համալսարանի բանասիրական ֆակուլտետում։ 1971 հեռակա կերպով ավարտել է Լենինգրադի թատրոնի, երաժշտության և կինոմատոգրաֆիայի ինստիտուտի թատերագիտական բաժինը։
Պաշտոնապես ոչ մի տեղ չի աշխատել, դրամ է վաստակել լենինգրադյան թատրոնների համար պիեսներ թարգմանելով։ Մինչև վերակառուցումը ԽՍՀՄ-ում տպագրվել է միայն ինքնահրատով (սամիզդատ)։ Ելենա Շվարցի մոտիկ շրջապատում էին Վիկտոր Կրիվուլինը, Դմիտրի Բոբիշևը, Սերգեյ Ստրատանովսկին, Յուրի Կուբլանովսկին, Միխայիլ Շվարցմանը։
2001-2002 թվականների ձմռանը Բրոդսկու ֆոնդը հրավիրում է ապրել Մեդիչիի վիլլայում։
Մահացել է 2010 թվականի մարտի 11-ին։ Հոգեհանգիստը տեղի է ունեցել մարտի 14-ին Սանկտ-Պետերբուրգի Ս. Երրորդության տաճարում։
Մրցանակներ
[խմբագրել | խմբագրել կոդը]- Անդրեյ Բելիի մրցանակ (1979)։
- Հյուսիսային Պալմիրա (1999)։
- «Զվեզդա» ամսագրի մրցանակ (2000)։
- «Տրիումֆ» մրցանակ (2003)։
- «Զնամյա» ամսագրի մրցանակ (2006)։
Ծանոթագրություններ
[խմբագրել | խմբագրել կոդը]- ↑ 1,0 1,1 Русская литература XX века. Прозаики, поэты, драматурги (ռուս.) / под ред. Н. Н. Скатов — 2005. — С. 694—697. — ISBN 5-94848-307-X
- ↑ 2,0 2,1 2,2 2,3 2,4 Литераторы Санкт-Петербурга. ХХ век (ռուս.) / под ред. О. В. Богданова
![]() | Վիքիպահեստն ունի նյութեր, որոնք վերաբերում են «Ելենա Շվարց» հոդվածին։ |
- Մայիսի 17 ծնունդներ
- 1948 ծնունդներ
- Սանկտ Պետերբուրգ քաղաքում ծնվածներ
- Մարտի 11 մահեր
- 2010 մահեր
- Սանկտ Պետերբուրգ քաղաքում մահացածներ
- Սանկտ Պետերբուրգում թաղվածներ
- Անդրեյ Բելիի անվան մրցանակի դափնեկիրներ
- Անձինք այբբենական կարգով
- Գրողներ այբբենական կարգով
- Ռուս բանաստեղծուհիներ
- Ռուս արձակագիրներ
- Ռուս թարգմանիչներ
- 20-րդ դարի բանաստեղծներ
- 20-րդ դարի կին գրողներ
- Խորհրդային բանաստեղծուհիներ
- Բանաստեղծներ այբբենական կարգով