Շահան Արծրունի

Վիքիպեդիայից՝ ազատ հանրագիտարանից
Jump to navigation Jump to search
Շահան Արծրունի
Shahn Arzruni.jpg
Հիմնական տվյալներ
Ծնվել էհունիսի 8, 1943 (76 տարեկան)
Ստամբուլ
ԵրկիրԱՄՆ
Ժանրերդասական
Մասնագիտությունդաշնակահար
Գործիքներդաշնամուր
Գործունեություն1964 մինչ այժմ
ՇրջանավարտՋուլիարդ դպրոց և Նյու Յորքի համալսարան
Sahan Arzruni Audio

Շահան Արծրունի, (հունիսի 8, 1943(1943-06-08), Ստամբուլ, Թուրքիա), հայ դաշնակահար։

Կենսագրություն[խմբագրել | խմբագրել կոդը]

Շահան Արծրունին ծնվել է Ստամբուլում` 1943 թվականին, ապրում է ԱՄՆ-ում: Ստամբուլի կոնսերվատորիան ավարտելուց հետո 1964 թվականին Գյուլբենկյան կրթաթոշակով հաճախել է Նյու Յորքի «Juilliard» կոնսերվատորիան։ Համերգային գործունեությունից բացի, Շահան Արծրունին հայտնի է նաև՝ իբրև ազգային էթնիկ երաժշտության մեկնաբան, մանկավարժ, գրող և պրոդյուսեր։ Իր ձայնագրություններով ու կատարումներով դաշնակահարը մասնակցել է ամերիկյան հեռուստատեսության PBS կայանի «Around the World in 82», «Gala of Stars» և «A Place of Dreams: Carnegie Hall at 100» նշանավոր հաղորդումներին, ձայնագրվել է եվրոպական ռադիոներում, նրա կատարումներն ընդգրկված են BBC-ի երաժշտական ֆոնդում։ Համերգներ է ունեցել նշանավոր բեմերում, նվագել է Սպիտակ տանը, Անգլիայի, Դանիայի, Շվեդիայի և Իսլանդիայի թագավորական պալատներում։ Դասախոսել է Հարվարդի, Կոլումբիայի և Միչիգանի համալսարաններում, իսկ հայկական շարականների մասին դասախոսությամբ հանդես է եկել Կոնգրեսի գրադարանում։ 1996 թվականին Ամենայն Հայոց կաթողիկոս Գարեգին Ա-ն Շահան Արծրունուն պարգևատրել է «Ս. Սահակ» և «Ս. Մեսրոպ» բարձրագույն շքանշանով։ Դաշնակահարն աջակցում է Հայաստանում անցկացվող տարբեր ծրագրերի, Արամ Խաչատրյանի տուն-թանգարանի ու Վանաձորի Տարեցների տան հիմնական հովանավորներից է։ Ունի 24 ձայնասկավառակ[1][2]։ Ամերիկահայ կոմպոզիտոր Ալան Հովհաննեսը կյանքի վերջին տարիներին խնդրել է Շահան Արծրուն, որ նա ձայնագրի իր ստեղծագործությունները։ Շահան Արծրունին ոչ միայն ձայագրել է ստեղծագործությունները, այլ նաև իր համերգների ժամանակ տարածում է Ալան Հովհաննեսի արվեստը[3]:

2017 թվականի մայիս ամսին Շահան Արծրունին բարեգործական համերգներով ելույթ է ունեցել Գյումրի, Վանաձոր, Բերդ, Աշտարակ, Գորիս և Ստեփանակերտ քաղաքներում։ Համերգներից բացի նաև վարպետաց դասեր են անցկացվել, որոնց ընթացքում Շահան Արծրունին խորհուրդներ տվել ապագա երաժիշտ-կատարողներին[4][5]։

2015 թ. սեպտեմբերի 5-ին ՀՀ Նախագահի հրամանագրով պարգևատրվել է Մովսես Խորենացու մեդալով[6]։

Հայաստանում բարեգործական համերգների ժամանակ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]