Նելսոն Ստեփանյանի կիսանդրի (Երևան)

Նելսոն Ստեփանյանի կիսանդրի
Նելսոն Ստեփանյանի կիսանդրին
Ընդհանուր տեղեկություններ
Կարգավիճակ	Հայաստանի պետական հուշարձան ID 1.6/142
Համայնք	Կենտրոն
Գտնվում է	Մանկական այգի
Բարձրություն	4 մետր
Քանդակագործ(ներ)	Արա Սարգսյան
Ճարտարապետ(ներ)	Գրիգոր Աղաբաբյան
Հիմնադրում	1950
Նյութ	բազալտ, բրոնզ
Ներկա վիճակ	կանգուն

Նելսոն Ստեփանյանի կիսանդրի, գտնվում է Երևանի կենտրոնում՝ Մովսես Խորենացու, Գրիգոր Լուսավորչի, Բեյրութի և Զաքյան փողոցների միջև գտնվող մանկական զբոսայգում, տեղադրվել է 1950 թվականին։ Ընդգրկված է Երևանի Կենտրոն վարչական շրջանի պատմության և մշակույթի անշարժ հուշարձանների ցանկում։

Հեղինակներ

• Ճարտարապետ՝ Գրիգոր Աղաբաբյան
• Քանդակագործ՝ Արա Սարգսյան

Տվյալներ

Կիսանդրին կառուցված է բազալտից ու բրոնզից, բարձրությունը 4 մետր է։

Պատվանդանին պատկերված են Նելսոն Ստեփանյանի պարգևները՝ Խորհրդային Միության հերոսի երկու աստղը, Լենինի շքանշանը, ինչպես նաև փորագրված է ԽՍՀՄ Գերագույն խորհրդի նախագահության նախագահի՝ Նելսոն Ստեփանյանին ԽՍՀՄ հերոսի երկրորդ ոսկե մեդալով պարգևատրելու և նրա ծննդավայրում բրոնզե կիսանդրի տեղադրելու մասին 1945 թվականի մարտի 6-ի որոշումը։

Կիսանդրու հետնամասում փորագրված են քանդակի հեղինակ Արա Սարգսյանի անունը և քանդակը ստեղծելու տարեթիվը՝ 1950։

Պատմություն

Կիսանդրին տեղադրվել է 1950 թվականի նոյեմբերի 8-ին Կիրովի անվան մանկական այգում։

Պատկերասրահ

• 
  Նելսոն Ստեփանյանի կիսանդրի. տեսք հեռվից
• 
  Նելսոն Ստեփանյանի կիսանդրու պատվանդանը
• 
  Նելսոն Ստեփանյանի կիսանդրին հետևից
• 
  Նելսոն Ստեփանյանի կիսանդրին խոշոր պլանով
• 
  Հեղինակի անուն-ազգանունը և ստեղծման տարեթիվը կիսանդրու հետնամասում
• 
  Հանդիսություն կինսանդրու մոտ ծննդյան 105-ամյակի օրը

Արտաքին հղումներ

Նելսոն Ստեփանյանի կիսանդրի (Երևան) էջը Վիքիպահեստում