Մխիթար Մնացականյան

Վիքիպեդիայում կան հոդվածներ Մնացականյան ազգանունով այլ մարդկանց մասին։

Մխիթար Մնացականյան
ծնված դեկտեմբերի 24
Գիտական աստիճան՝	բժշկական գիտությունների թեկնածու
Մասնագիտություն՝	քաղաքական գործիչ, բժիշկ, պետական գործիչ, կոմպոզիտոր և վիրաբույժ
Ազգություն	հայ
Ծննդյան օր	հունիսի 6, 1950(1950-06-06) (74 տարեկան) կամ հունիսի 16, 1950(1950-06-16) (74 տարեկան)
Ծննդավայր	Սևան, Հայկական ԽՍՀ, ԽՍՀՄ
Քաղաքացիություն	Հայաստան

Մխիթար Էդվարդի Մնացականյան (հունիսի 6, 1950(1950-06-06) կամ հունիսի 16, 1950(1950-06-16), Սևան, Հայկական ԽՍՀ, ԽՍՀՄ), ՀՀ քաղաքական, պետական և առողջապահության համակարգի գործիչ։

Կրթություն

• 1972 թ. ավարտել է Երևանի պետական բժշկական ինստիտուտի բուժական ֆակուլտետը՝ բժշկի մասնագիտությամբ։
• 1984 թ. ավարտել է ԽՍՀՄ ՆԳՆ ղեկավար աշխատողների բարձրագույն դպրոցը։ Բժշկական գիտությունների թեկնածու։

Աշխատանքային գործունեությունը

• 1972-1975 թթ. աշխատել է Սևանի շրջանային հիվանդանոցում՝ որպես վիրաբույժ։
• 1975-1977 թթ. - Ապարան-Արագած միջշրջանային դատաբժշկական փորձագետ,
• 1976 թ. - աշխատել՝ է ՆԳՆ համակարգում որպես հիվանդանոցի պետ,
• 1994-1995 թ. - աշխատել է Կարմիր Խաչի միջազգային վերականգնողական կենտրոնում որպես ադմինիստրատիվ տնօրեն։
• 1995-2001 թթ. - Կարմիր Խաչի միջազգային վերականգնողական կենտրոնի գլխավոր տնօրեն։
• 2001-2007 թթ. - Հայկական Կարմիր Խաչի ընկերության նախագահ։

Քաղաքական գործունեությունը

• 2007 թ. մայիսի 12-ին Ազգային ժողովի պատգամավոր է ընտրվել «Բարգավաճ Հայաստան» կուսակցության համամասնական ընտրացուցակով։ Առողջապահության, մայրության և մանկության հարցերի մշտական հանձնաժողովի անդամ։
• 2007 թ. դեկտեմբերի 6-ին ընտրվել է ՀՀ Ազգային ժողովի Մարդու իրավունքների պաշտպանության և հանրային հարցերի մշտական հանձնաժողովի նախագահ։
• 2009 թ. մայիսի 31-ին կայացած Երևանի ավագանու ընտրություններում երկրորդն էր «Բարգավաճ Հայաստան» կուսակցության համամասնական ընտրացուցակում։
• 2009 թ. նոյեմբերի 23-ին ՀՀ Նախագահի հրամանագրով նշանակվել է ՀՀ աշխատանքի և սոցիալական հարցերի նախարար։
• 2010 թ. հունիսի 23-ին ՀՀ Նախագահի հրամանագրով ազատվել է ՀՀ աշխատանքի և սոցիալական հարցերի նախարարի պաշտոնից՝ իր դիմումի համաձայն։
• 2011 թվականից կրկին Հայկական Կարմիր Խաչի ընկերության նախագահն է։
• Եղել է Հայաստանում ՄԻԱՎ-ՁԻԱՀ, տուբերկուլյոզի և մալարիայի դեմ տարվող պայքարի միջպետական կառավարական հանձնաժողովի նախագահ։

Պարգևներ և կոչումներ

• Եվրոպական համալսարանի Մոսկովյան ակադեմիայի պատվավոր պրոֆեսոր։
• Եվրոպական համալսարանի պատվավոր պրոֆեսոր։
• ՌԴ բժշկատեխնիկական ակադեմիայի իսկական անդամ։
• ՌԴ բնական գիտությունների ակադեմիայի անդամ։
• Խորհրդային միության ըմբշամարտի գծով «Բուրեվեստնիկ» ընկերության չեմպիոն, սպորտի վարպետ։
• Երգահան, բազում ստեղծագործությունների հեղինակ։
• Պարգևատրվել է ԽՍՀՄ «Առողջապահության գերազանցիկ» պատվոգրով։
• ԽՍՀՄ և ՀՀ շքանշաններ ու մեդալ։
• «Կարմիր Խաչ» շնորհակալագիր։

Ամուսնացած է, ունի երկու երեխա։

Աղբյուրներ

Նախորդող Արևիկ Պետրոսյան

ՀՀ Ազգային ժողովի Մարդու իրավունքների պաշտպանության և հանրային հարցերի մշտական հանձնաժողովի նախագահ Մխիթար Մնացականյան 6 դեկտեմբերի 2007 - 23 նոյեմբերի 2009

Հաջորդող Արամ Սաֆարյան

Նախորդող Գևորգ Պետրոսյան

ՀՀ Աշխատանքի և սոցիալական հարցերի նախարար Մխիթար Մնացականյան 23 նոյեմբերի 2009 - 23 հունիսի 2010

Հաջորդող Արթուր Գրիգորյան