Հեբեյ (նահանգ)

Հեբեյ 河北省
Երկիր	Չինաստան
Մասն է	North China?
Կարգավիճակ	Նահանգ
Մտնում է	Չինաստան
Վարչկենտրոն	Շիցզյաչժուան
Ամենաբարձր կետ	Mount Xiaowutai?
Օրենսդրական մարմին	Q106088340?
Բնակչություն (2010)	71 854 202 (6-րդ տեղ)
Խտություն	383,75 ( 13-րդ տեղ)
Տարածք	187 240  (13-րդ տեղ)
Սահմանակցում է	Պեկին, Տյանցզին, Շանսի, Հենան, Շանդուն, Ներքին Մոնղոլիա և Լյաոնին
Ժամային գոտի	UTC+8
Փոխարինեց	Զհիլի, Hebei Province (ROC)? և Q11457583?
ISO 3166-2 կոդ	CN-13
hebei.gov.cn

Հեբեյ (չին.՝ 河北, ( արտասանություն)), նահանգ հյուսիսային Չինաստանում, ողողվում է Դեղին ծովի Լյաոդունյան և Բոխայվան ծոցերով։ Տարածությունը 190 հազար կմ² է, բնակչությունը՝ 42 միլիոն 1975 թվականի տվյալներով, վարչական կենտրոնը՝ Շիցզյաչժուան։ Գտնվում է հիմնականում Չինական Մեծ հարթավայրում, Ցանշան և այլ լեռներն են (1500—2000 մ)։ Ունի գետային խիտ ցանց։ Հեբեյ երկրի ինդուստրիալ շրջաններից է։ Համաչինական նշանակություն ունի ածխի արդյունաբերությունը, մետալուրգիան, մեքենաշինությունը, տեքստիլ և ճենապակու, հախճապակու արտադրությունը։ Արդյունահանվում է երկաթ, պղինձ, նավթ։ Կան ոսկու հանքեր։ Մշակում են հացահատիկ, սոյա, գետնընկույզ, քունջութ, կանեփ, բամբակենի, ծխախոտ և այլն։ Զբաղվում են անասնապահությամբ, ափամերձ շրջաններում՝ ձկնորսությամբ։ Երկաթուղիների երկարությունը 1830 կմ է։ Խոշոր ծովային նավահանգիստ է Ցինհուանդաոն։

Աշխարհագրություն

Գավառը գտնվում է Դեղին գետի ստորին հոսանքում, որտեղ այն թափվում է Դեղին ծով։  Հյուսիսում սահմանակից է Լյաոնինգ նահանգի և Ներքին Մոնղոլիայի հետ, արևմուտքում ՝ Շանսի նահանգի, հարավում ՝ Շանդոնգ նահանգի հետ։

Հեբեյ նահանգն ամբողջությամբ շրջապատում է կենտրոնական ենթակայության Պեկին և Տյանցզին քաղաքների տարածքները։

Գավառի տարածքը կազմում է 187,240 կմ² (13 -րդ տեղը երկրի բոլոր նահանգներից)։

Պատմություն

Մինգ կայսրության օրոք այս հողերի վրա ձեւավորվեց Բեյչիլի նահանգը։  1928 թվականին Չժիլի նահանգը վերանվանվեց Հեբեյ։

Բնակչություն

Ազգությունները Հեբեյ նահանգում, 2000թվականի տվյալներ

Հան - 63781603 մարդ - 95,65 %

Մանջուրներ - 2118711 մարդ - 3,18 %

Հուիզու - 542639 մարդ - 0,85 %

Մոնղոլներ - 169887 մարդ - 0,26 %

Զհուաներ - 20832 մարդ - 0,031 %

Վարչական բաժանումներ

Հեբեյ նահանգը բաժանված է 11 քաղաքային շրջանների

1. Շիցզյաչժուան

2. Բաոդին

3. Ցանչժոու

4. Չենդե

5. Խանդան

6. Խենշուհ

7. Լանֆան

8. Ցինհուանդաո

9. Տանշան

10. Սինտահ

11. Չժանցզյակոու

Մշակույթ

Հեբեյ նահանգում կան բազմաթիվ բուդդայական և դաոսական տաճարներ, որոնք այս նահանգի ամենավառ մշակութային ժառանգությունն են։

Արդյունաբերություն

Հեբեյ նահանգը Չինաստանում պողպատի խոշորագույն արտադրողն է։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 329)։