Կասել

Կասել
Բնակավայր
	Կասել
	գերմ.՝ Kassel
Դրոշ	Զինանշան
	51°18′56.8″N 9°29′52.5″E / 51.315778°N 9.497917°E
Երկիր	Գերմանիա
Համայնք	Կասելի ադմինիստրատիվ օկրուգ, Province of lower Hesse?, district Kassel? և Province of lower Hesse?
Հիմնադրված է	1330 թ.
Մակերես	106,78 կմ²
ԲԾՄ	176 մետր
Բնակչություն	▼196 799 մարդ (դեկտեմբերի 31, 2025)
Հեռախոսային կոդ	0561
Փոստային դասիչ	34117, 34128 և 34117–34134
Ավտոմոբիլային կոդ	KS
Պաշտոնական կայք	kassel.de(գերմ.)
	Կասել (Գերմանիա)
	Կասել (Գերմանիա)
	Կասել Վիքիպահեստում

Կասել (գերմ.՝ Kassel), քաղաք Գերմանիայի Հեսսեն նահանգում, Ֆուլդա գետի ափին։ Բնակչությունը՝ 197,984 մարդ (2015 թվականի դեկտեմբերի 31-ի դրությամբ)։

Պատմություն

Կասել քաղաքն առաջին անգամ հիշատակվել է 913 թվականին։ Անվանումը ենթադրաբար առաջացել է լատիներեն Castellum Cattorum բառակապակցությունից, որը թարգմանաբար նշանակում է «խաթերի ամրոց»։ 1189 թվականին հավաստագիրը Կասելին քաղաքի իրավունքներ է շնորհել։

19-րդ դարի սկզբին Կասելում բնակություն են հաստատել Գրիմ եղբայրները, այստեղ նրանք հավաքում էին իրենց հեքիաթների հավաքածուն։ 1803 թվականին լանդգրաֆությունը բարձրացրել է իր կարգավիճակը մինչև իշխանությունը, սակայն շուտով Կասելը գրավվել է Նապոլեոնի կողմից, իսկ 1807 թվականին Կասելը ոչ երկար ժամանակով դարձել է Վեսթֆալիայի թագավորության մայրաքաղաքը, որը ղեկավարում էր Նապոլենի եղբայր Ժերոն Բոնապարտը։ 1813 թվականին գրավվել է Ալեքսանդր Չերնիշովի պարտիզանական ջոկատի անսպասելի հարձակմամբ և շուտով վերականգնվել իշխանության մայրաքաղաքի կարգավիճակում։

Տեսարժան վայրեր

Ֆրիդրիխի կենտրոնական հրապարակը հատակագծվել է 18-րդ դարում բարոկկո ոճով։ Իր անվանումը ստացել է լանդգրաֆ Ֆրիդրիխ II-ի պատվին։ Հրապարակում տեղակայված է կլասիցիզմի ոճով շինությունը, որը կառուցվել է 1769-1779 թվականներին։ Դա Ֆրիդերիցիանումն է՝ Եվրոպայի հանրամատչելի թանգարաններից առաջինը։ Հինգ տարին մեկ անգամ այստեղ անցկացվում է ժամանակակից արվեստի հայտնի documenta ցուցահանդեսը։

Քաղաքից արևմուտք, բլրի վրա գտնվում է զբոսայգին, որտեղ տեղակայված է Վիլհելմսհյոյե (Schloss Wilhelmshöhe(գերմ.)) իշխանական նստավայրը (1786-1801 թվականներ)։ Պալատը 1956 թվականից զբաղեցնում է Կասելի պատկերասրահը։ Ոչ հեռու գտնվում է Հերկուլեսի արձանը՝ Կասելի ոչ պաշտոնական խորհրդանիշը գրեթե երեք դարերի ընթացքում։

Բացի վերը թվարկվածներից, Կասելի թանգարանների թվում աչքի են ընկնում պաստառների թանգարանը (Deutsches Tapetenmuseum(գերմ.)), Գրիմ եղբայրների տուն-թանգարանը և Օտտոնեումում բնական գիտությունների թանգարանը՝ 17-րդ դարի սկզբի թատրոնի շենք, որը ամբողջ Գերմանիայի ամենահին շինությունն է։

Մշակույթ

Ժամանակակից արվեստի ցուցահանդես documenta: Անցկացվում է հինգ տարին մեկ անգամ։
«Kasseler Dokfest» փաստագրական կինոնկարի և վիդեոարվեստի փառատոն։ Անցկացվում է ամեն տարի։