Լուչիանո Պավարոտի

Վիքիպեդիայից՝ ազատ հանրագիտարանից
Picto infobox music.png
Լուչիանո Պավարոտի
Պավարոտտին Սանկտ Պետերբուրգում, 2003 թ.
Հիմնական տվյալներ
Ծնվել է հոկտեմբերի 12, 1935
Մոդենա, Իտալիա
Երկիր Իտալիա Իտալիա
Մահացել է սեպտեմբերի 6, 2007
Մոդենա, Իտալիա
Մասնագիտություն երգիչ
Գործունեություն 1961—2004
Կայք lucianopavarotti.com

Լուչիանո Պավարոտտի (իտալ.՝ Luciano Pavarotti, ծնվ. հոկտեմբերի 12 1935, Մոդենա, Իտալիա, մահ. սեպտեմբերի 6, 2007 նույն տեղում) իտալացի օպերային երգիչ-տենոր։ Բոլոր ժամանակների ամենահաջող օպերային տենորներից մեկը։ Լուչիանո Պավարոտտին իտալական օպերայի տենոր էր, ով նաև ներխուժել է փոփ երաժշտության բնագավառ՝ արդյունքում դառնալով բոլոր ժամանակների կոմերցիոն առումով ամենահաջողակ տենորներից մեկը։ Նա ունեցել է ամբողջական օպերաների և առանձին արիաների բազմաթիվ ձայնագրումներ՝ ստանալով համաշխարհային հռչակ ի շնորհիվ իր ձայնի տոնի որակի և գեղեցկության, որը հատկապես նկատվում է վերին ռեգիստրներում՝ արդյունքում ստանալով 20-րդ դարի ամենալավ տենորներից մեկի կոչումը։ [1][2]

Լինելով Երեք Տենորներից մեկը՝ Պավարոտտին հայտնի է դարձել իր համերգների և մեդիա ելույթների շնորհիվ։ Սկսելով իր երաժշտական կարիերան 1961 թվականին Իտալիայում որպես տենոր և եզրափակելով այն «Nessun dorma» ներկայացմամբ 2006 թվականի Թուրինի [3]Ձմեռային օլիմպիադայի ժամանակ՝ Լուչիանո Պավարոտտին իր հաջողության գագաթնակետին էր հասել բել կանտո օպերաների ժամանակ, ինչպես նաև Վերդիի «Աիդա», Ջակոմո Պուչչինիի Բոհեմ, Տոսկա, Մադամ Բատերֆլայ ստեղծագործություններում խաղացած դերերի ժամանակ։ Պավարոտտին աչքի էր ընկնում այլ արտիստների մեջ արտագաղթյալների և Կարմիր խաչի համար կատարած բարեգործություններով։ Նա մահացել է ենթաստամոքսային գեղձի քաղցկեղից 2007 թվականի սեպտեմբերի 6-ին։

Վաղ կյանք և երաժշտական կրթություն[խմբագրել]

Լուչիանո Պավարոտին ծնվել է 1935 թվականին Իտալիայի հյուսիսում գտնվող Մոդենայի ծայրամասում։ Հայրը՝ Ֆերնանդո Պավարոտիին, հացթուխ էր և տենոր։ Մայրը՝ Ադել Վենտուրին, աշխատում էր ծխախոտի գործարանում։ Պավարոտին մանկությունից շրջապատված է եղել սիրով և հոգատարությամբ, բայց ընտանիքի եկամուտները փոքր էին. ընտանիքի չորս անդամները տեղավորվել էին երկու սենյականոց բնակարանում։ Ըստ Պավարոտիի` հայրն ուներ հրաշալի տենորային ձայն, բայց մերժել է երգչի կարիերայի հնարավորությունը նյարդերի պատճառով։ Երկրորդ համաշխարհային պատերազմի ժամանակ ընտանիքը ստիպված է լինում հեռանալ քաղաքից 1943 թվականին։ Հետևյալ տարում նրանք վարձակալում են սենյակ հարևան գյուղական բնակավայրում, որտեղ երիտասարդ Պավարոտին զարգացնում է իր ֆերմերային հմտությունները։

Դարպասապահ դառնալու ցանկությունից հրաժարվելուց հետո Պավարոտին յոթ տարի հաճախել է վոկալի դասերի։

Ծանոթագրություններ[խմբագրել]

  1. Obituary: Թայմս «Լուչիանո Պավարոտտի», սեպտեմբերի 6, 2007
  2. Warrack, John and Ewan West (1996). "Luciano Pavarotti." The Concise Oxford Dictionary of Opera. (3rd Ed.), ... an excellent technique, and a conquering personality."(Անգլերեն)
  3. Kington, Tom (7 April 2008). «Pavarotti mimed at final performance». The Guardian (London). http://music.guardian.co.uk/classical/story/0,,2271470,00.html։ Վերցված է 2008 թ․ ապրիլի 7. (Անգլերեն)