Կարմիր խաչ

Վիքիպեդիայից՝ ազատ հանրագիտարանից
Կարմիր խաչի և կարմիր մահիկի միջազգային շարժում
International Red Cross and Red Crescent Movement
Հապավում IFRC
Հիմնադրված 1863 թ. (ICRC), 1919 թ. (IFRC)
Տիպ հասարակական կազմակերպություն
Նպատակներ Օգնել բոլոր նրանց, ովքեր տառապում են առանց որևէ խտրականության, դրանով իսկ նպաստելով խաղաղության աշխարհում
Շտաբակայան Շվեյցարիա Ժնև, Շվեյցարիա
Կոորդինատներ 46°13′40″N 6°8′14″E
Տարածաշրջան համաշխարհային
Հիմնադիրներ Henry Dunant, Gustave Moynier
Բյուջե US$ 3,6 մլրդ (2010)
Կայք redcross.int

Կարմիր խաչ (պաշտոնապես՝ Կարմիր խաչի և կարմիր մահիկի միջազգային շարժում), տարբեր երկրներում ՝ կամավոր ընկերություններ, որոնք պատերազմի ժամանակ կազմակերպում են օգնություն ռազմագերիներին, վիրավոր և հիվանդ ռազմիկներին, խաղաղ պայմաններում՝ բնական աղետներից տուժածներին և վարակիչ հիվանդություններով տառապողներին։ Ադրբեջանում, Թուրքմենստանում, Ուզբեկստանում, Տաջիկստանում, Աֆղանստանում, Թուրքիայում և Պակիստանում կոչվում է «Կարմիր մահիկ», Իրանում՝ «Կարմիր առյուծի և արևի ընկերություն»։

Պատմություն[խմբագրել]

1863 թ. Շվեյցարիայում ստեղծվել է «Հիվանդ ու վիրավոր մարտիկների խնամատարության կոմիտե»։ Հաջորդ տարուց սկսած կազմակերպվել են «Կարմիր խաչի» ազգային ընկերություններ, հետագայում հիմնադրվել է միջազգային «Կարմիր խաչ», ստեղծվել նրա միջազգային կոմիտե։ 1965-ի կանոնադրությամբ միջազգային «Կարմիր խաչի» գերագույն օրգանը կոնֆերանսն է, որը գումարվում է չորս տարին մեկ, իսկ կոնֆերանսների միջև ընկած ժամանակաշրջանում՝ մշտական հանձնաժողովը։ Հայաստանի «Կարմիր խաչի» ընկերությունը հիմնադրվել է 1921 թ.։ Քաղաքներում ու խոշոր բնակավայրերում կազմակերպել է մասնաճյուղեր, կապ հաստատել հայկական գաղութների հետ։ Հիմնել է տրոպիկական կայաններ, ամբուլատորիաներ, վեներական հիվանդներին օգնող բուժկետեր, առաջին օգնության բուժակային ու բժշկական կետեր։ Կազմակերպել է բժշկական ջոկատներ և ուղարկել շրջանները՝ բծավոր տիֆի, տրախոմայի, վեներական հիվանդությունների դեմ պայքարելու։ Բացել է հիվանդանոցներ, ծննդատներ, երկրաշարժի ժամանակ օգնել տուժածներին։

Խորհրդանշանի այլ տարբերակներ[խմբագրել]

Կարմիր խաչ
Կարմիր մահիկ
Կարմիր Դավիթի աստղ - Իսրայել
Կարմիր առյուծ և արև - Պարսկաստան (չի գործում)
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png