Լունա 2

Վիքիպեդիայից՝ ազատ հանրագիտարանից
Լունա 2
ԿազմակերպությունԽորհրդային Սոցիալիստական Հանրապետությունների Միություն ՓԿԲ-1
COSPAR ID[1] 1959-014A[1]
NSSDCA ID1959-014A
SCN00114
Գործարկման ամսաթիվ1959 սեպտեմբերի 12
06:39:42 GMT[2]
Գործարկման վայրԲայկոնուր
Գործարկման հրթիռԼունա
Զանգված390,2 կգ[3]

Լունա-2 (ռուս.՝ Луна 2), սկզբում անվանվում էր Երկրորդ Սովետական տիեզերական հրթիռ և կրում էր Լունիկ 2 մականունը մամուլում։ Սովետական Միության տիեզերքի հետազոտության ծրագրի շրջանակներում իրականացվող Լունա ծրագրի վեցերորդ արձակված և երկրորդ հաջողությամբ ավարտված առաքելությունն էր։ Այն առաջին տիեզերական սարքն էր, որ բախվեց Լուսնի մակերևույթին։

Միջմոլորակային կայանը արձակվել է 1959 թվականի սեպտեմբերի 12-ին Լունա կրող հրթիռի միջոցով Բայկոնուր տիեզերակայանից։ Բացի կայանի տեղորոշման և այլ սարքավորումներից կայանի վրա տեղադրված հատուկ սարքավորումներով արտանետվում էր նատրիումի գազային ամպ կայանի հետագծի վիզուալ հետևման համար։ 1959 թվականի սեպտեմբերի 13-ին կայանը բախվեց Լուսնի մակրևույթին Անձրևների ծովի արևելյան մասում Արիստիդ, Արքիմեր և Ավտոկլուս խառնարանների միջև։

Լունա-2 կայանի մետաղյա հնգանկյուններով գնդի կրկնօրինակը։ Ցուցադրվում է Կանզասի Կոսմոսֆեր կենտրոնում:

Մինչ մակերևույթին բախվելը կայանը պայթեցրել է գունդ մետաղյա հնգանկյուններով, որոնց վրա գրված էր «ԽՍՀՄ» և արձակման ամսաթիվը։ Այս հնգանկյունները պայթյունի հետևանքով սփռվել են բախման վայրից տարբեր ուղղություններով։

«Լունա 2»-ը չի հայտնաբերել որևէ ճառագայթում կամ մագնիսական դաշտ Լուսնի շուրջ։

«Լունա 2»-ի մետաղյա գնդի կրկնօրինակը նվեր է տրվել ԱՄՆ նախագահ Էյզենհաուերին և պահվում էր «Էյզենհաուերի նախագահական կենտրոնի» գրադարանում, ԱՄՆ Կանզաս նահանգի Աբիլին քաղաքում[4]։ Այս գնդի կրկնօրինակը գտնվում է Կանզաս նահանգի Հաթչինսոն քաղաքում գտնվող Կոսմոսֆեր կենտրոնում[5]։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «Luna 2 Launch and Trajectory Information». NASA Space Science Data Coordinated Archive. Վերցված է 2019 թ․ մարտի 28-ին.
  2. Siddiqi, Asif A. (2018). Beyond Earth: A Chronicle of Deep Space Exploration, 1958–2016 (PDF). NASA.
  3. «Luna 2». NASA Space Science Data Coordinated Archive. Վերցված է 2023 թ․ հունվարի 9-ին.
  4. Ivanov, Stepan (2017 թ․ սեպտեմբերի 12). «58 years ago: the Soviet space probe, Luna 2, was launched». Russia Beyond. Վերցված է 2019 թ․ մարտի 18-ին.
  5. Dickinson, David (2014 թ․ փետրվարի 6). «A History of Curious Artifacts Sent Into Space». Universe Today. Վերցված է 2019 թ․ մարտի 16-ին.

Գրականություն[խմբագրել | խմբագրել կոդը]