Լովինգ շրջան (Տեխաս)

Վիքիպեդիայից՝ ազատ հանրագիտարանից
Picto infobox map.png
Լովինգ շրջան
Loving County
Երկիր Ամերիկայի Միացյալ Նահանգներ ԱՄՆ (պ)
Մտնում է Տեխաս
Վարչկենտրոն Մենտոն
Կազմավորում 1931 թ.
Բնակչություն (2000) 67
Տարածք 1.743 կմ²
Լովինգ շրջան վարչական միավորի քարտեզը
FIPS ինդեքս 48301

Լովինգ շրջան (անգլ.՝ Loving County), ԱՄՆ Տեխաս նահանգի 254 վարչական միավորներից մեկը։ ԱՄՆ-ի բնակչության թվով ամենափոքր շրջանն է[1]: 2000 թվականի մարդահամարի տվյալներով բնակչության թիվը կազմում էր ընդամենը 67 մարդ, իսկ 2010 թվականի դրությամբ՝ 82 մարդ: Շրջկենտրոնը Մենտոն բնակավայրն է։

Պատմություն[խմբագրել | խմբագրել կոդը]

Մենտոնի շրջանային դատարանը

Առաջին եվրոպացին, ով այցելել է ժամանակակից շրջանի տարածքը, իսպանացի կոնկիստադոր Անտոնիո դե Էսպեխոն էր, ով 1583 թվականին անցել է Պեկոս գետը: 1837-1874 թվականները տարածքն եղել է Բեխար շրջանի մի մասը, 1874 թվականին եղել է Թոմ շրջանի կազմի մեջ: 1893 թվականին կազմավորվել է Լովինգ շրջանը: Իր անվանումը ստացել է ֆերմեր Օլիվեր Լովինգի պատվին, ով խոշոր եղջերավոր կենդանիներ էր բուծում և այստեղ ագարակատուն ուներ:

1897 թվականին մտել է Ռիվս շրջանի կազմի մեջ:

1921 թվականին այստեղ նավթի հանք է բացվել, ինչը բնակչության մեծ հոսքի պատճառ է դարձել: 1931 թվականին շրջանը կրկին վերակազմավորվել է: 1933 թվականին գրանցվել է բնակչության թվի ամենամեծ ցուցանիշը՝ ավելի քան 600 մարդ:

Քաղաքական դիրքորոշում[խմբագրել | խմբագրել կոդը]

Բոլոր նախագահական ընտրություններում Լովինգ շրջանը քվեարկում է հանրապետական կուսակցության թեկնածուի օգտին՝ երբեմն բացառություն անելով անկախ թեկնածուներին:

Աշխարհագրություն[խմբագրել | խմբագրել կոդը]

ԱՄՆ-ի Մարդահամարի բյուրոյի տվյալներով, շրջանի ընդհանուր տարածքը կազմում է 1 753 կմ², որոնցից 1 743 կմ²-ն ցամաք է և 10 կմ²-ն կամ 0,56 %-ը՝ ջրամբարներ:

Պեկոս գետը համարվում է շրջանի արևմտյան սահմանը, Ռեդ Բլաֆ ջրամբարը գոյացնում է հյուսիս-արևմտյան սահմանը Ռիվս և Էդի շրջանների հետ: Լովինգ շրջանի լանդշաֆտը իրենից ներկայացնում է հարթ անապատ, մի քանի ոչ բարձր լեռներով: Բուսականությունն աղքատ է, ներկայացված է անապատային խոտաբույսերով և թփուտներով, զանազան կակտուսներով և գետի երկայնքով աճող կարմրանի մացառուտներով: Բարձրությունների տատանումները փոփոխվում են ծովի մակարդակից 818-1009 մետրի վրա:

Հարևան շրջաններ[խմբագրել | խմբագրել կոդը]

Բնակչություն[խմբագրել | խմբագրել կոդը]

Մարդահամար Բնակչություն  %±
1890 3
1900 33 1000%
1910 249 654,5%
1920 82 −67,1%
1930 195 137,8%
1940 285 46,2%
1950 227 −20.4%
1960 226 −0,4%
1970 164 −27,4%
1980 91 −44,5%
1990 107 17,6%
2000 67 −37,4%

2000 թվականի մարդահամարի տվյալներով շրջանի բնակչությունը կազմում էր 67 մարդ, իսկ 2010 թվականի դրությամբ՝ 82 մարդ[2]: Բնակչության խտությունը կազմում էր 0,0384 մարդ/կմ²: Բնակչության ռասայական կազմը՝ 60 սպիտակամորթ, այլ ռասաների 6 ներկայացուցիչ և երկու կամ ավելի ռասաների 1 ներկայացուցիչ: 7 մարդ իսպանախոս էին կամ լատինոամերիկացի:

Լովինգը միակ շրջանն է Միացյալ Նահանգներում, որտեղ ոչ մեկ չի ապրում աղքատության սահմանաշենից ցածր մակարդակի վրա[3]:

Տնտեսություն[խմբագրել | խմբագրել կոդը]

Շրջանի տնտեսությունը գրեթե ամբողջությամբ հիմնված է նավթագազային հորատապայթեցման աշխատանքների և ֆերմերային տնտեսության վրա:

Բնակավայրեր[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]