Ինֆեռնո (ֆիլմ, 2016)

Ինֆեռնո Inferno
Երկիր	ԱՄՆ
Ժանր	թրիլեր, գրական ստեղծագործության էկրանավորում, դրամա, քրեական և միստիկ ֆիլմ
Հիմք	Ինֆերնո
Թվական	հոկտեմբերի 28, 2016 և հոկտեմբերի 13, 2016
Լեզու	անգլերեն
Ռեժիսոր	Ռոն Հովարդ
Պրոդյուսեր	Բրայան Գրեյզեր
Սցենարի հեղինակ	Դևիդ Քեփ
Դերակատարներ	Թոմ Հենքս, Ֆելիսիթի Ջոնս, Սիդսե Բաբեթ Կնուդսեն, Իրֆան Խան, Օմար Սի, Բեն Ֆոստեր, Անա Ուլարու, Fortunato Cerlino?, Attila Árpa?, Francesca Inaudi?, Philip Arditti?, Vincent Riotta? և Բյորն Ֆրայբերգ
Օպերատոր	Սալվատորե Տոտինո
Երաժշտություն	Հանս Ցիմեր
Պատմվածքի վայր	Թուրքիա
Նկարահանման վայր	Korda Studios?, Վենետիկ, Ֆլորենցիա և Բուդապեշտ
Կինոընկերություն	Սոնի Փիքչերս Էնթերթայմենթ
Տևողություն	121 րոպե
Շահույթ	220 000 000 ԱՄՆ դոլար
Նախորդ	Հրեշտակներ և հրեշներ (ֆիլմ)
Պաշտոնական կայքէջ

«Ինֆեռնո» (անգլ.՝ Inferno), ամերիկյան դետեկտիվ թրիլեր՝ ըստ Դեն Բրաունի համանուն վեպի: Ռեժիսորը՝ Ռոն Հովարդն է: Հանդիսանում է «Դա Վինչիի ծածկագիրը» (2006 թ.) և «Հրեշտակներն և հրեշները» (2009 թ.) ֆիլմերի շարունակությունը, որոնք նույնպես նկարահանել է Ռոն Հովարդը: Իրադարձությունների կենտրոնում դարձյալ հանդես է գալիս Հարվարդի համալսարանի սիմվոլագիտության պրոֆեսոր Ռոբերտ Լենդոնը: Պրեմիերան կայացել է 2016 թվականի հոկտեմբերի 13-ին:

Սյուժեն

Հայտնվելով Իտալիայի ամենախորհրդավոր քաղաքում՝ Ֆլորենցիայում, ծածկագրերի, խորհրդանշանների և մշակույթի պատմության մասնագետ պրոֆեսոր Լենգդոնն անսպասելիորեն հայտնվում է իրադարձությունների հորձանուտի մեջ, որոնք ի զորու են կործանման տանել մարդկությանը: Եվ միայն Դանթեի «Աստվածային կատակերգություն» պոեմի մասերից՝ «Դժոխքի» վերաբերյալ գաղտնիքի բացահայտումը կարող է կասեցնել դա:

Դերերում

Դերակատար	Դեր
Թոմ Հենքս	Ռոբերտ Լանգդոն Ռոբերտ Լանգդոն
Ֆելիսիթի Ջոնս	Ֆելիսիթի Սիենա Բրուքս Ֆելիսիթի Սիենա Բրուքս
Սիդսե Բաբեթ Կնուդսեն	Էլիզաբեթ Սինսկի Էլիզաբեթ Սինսկի
Իրֆան Խան	Հարրի «Շեֆ» Սիմս Հարրի «Շեֆ» Սիմս
Օմար Սի	Քրիստոֆ Բուշար Քրիստոֆ Բուշար
Բեն Ֆոստեր	Բերտրան Զոբրիստ Բերտրան Զոբրիստ
Անա Ուլարու	Վայենտա Վայենտա

Ֆիլմի արտադրությունը

Ֆիլմի արտադրությամբ զբաղվել է Sony Pictures Entertainment ընկերությունը, որն էկրանավորել էր Դեն Բրաունի նախկին երկու վեպերը: Ռեժիսորը կրկին Ռոն Հովարդն է, սցենարի հեղինակը՝ Դեվիդ Քեփն է, իսկ Ռոբերտ Լենգդոնի դերում կրկին հանդես է եկել Թոմ Հենքսը:

Քաստինգը

2014 թվականի դեկտեմբերի 2-ին Ֆելիսիթի Ջոնսը սկսել էր բանակցել ֆիլմարտադրողների հետ՝ ստանձնելու համար գլխավոր հերոսուհու և Ռոբերտ Լենգդոնի ուղեկցի դերը: Հաջորդ տարվա փետրվարին բոլիվուդյան դերասան Իրֆան Խանը ստացավ «Կոնսուրցիում» կազմակերպության ղեկավար Հարրի Սիմսի դերը, որ ֆիլմում հաճախ կոչվում է պարզապես «Շեֆ»: Դանիացի դերասանուհի Սիդսե Բաբեթ Կնուդսենը ստանձնեց Առողջապահության համաշխարհային կազմակերպության ղեկավար Էլիզաբեթ Սինսկիի դերը: Օմար Սին մարմնավորել է գործակալ Բրյուդերի դերը: 2015 թվականի մարտի 10-ին հայտարարվեց, որ դերասան Բեն Ֆոստերը պետք է խաղա ֆիլմում գլխավոր հակառակորդի՝ Բերտրան Զոբրիստի դերում:

Նկարահանումները և քննադատությունները

Նկարահանումները սկսվեցին 2015 թվականի ապրիլին: Աշխատանքները նախ ընթացան Ֆլորենցիայում, ապա Վենետիկում և Ստամբուլում: Նկարահանումներն ավարտվեցին 2015 թվականի հուլիսի 21-ին: Ֆիլմի նկարահանումներն անցկացան «Գլխացավ» պայմանական վերնագրի ներքո, որ հավանաբար կապված էր ֆիլմի սկզբում Ռոբերտ Լենգդոնի կրած ուղեղի ցնցման հետ: Դեռևս 2013 թվականի հուլիսին Sony-ից հայտարարել էին, որ ֆիլմի պրեմիերան կկայանա 2015 թվականի դեկտեմբերի 18-ին: Այնուհանդերձ, Աստղային պատերազմներ։ Էպիզոդ VII։ Ուժի արթնացում ֆիլմի հետ մրցակցությունից խուսափելու համար «Ինֆեռնո»-ի հրապարակումը հետաձգվեց մինչև 2016 թվականի հոկտեմբերի 14-ը: 2016-ի սկզբին որոշվեց պրեմիերան հոկտեմբերի 14-ից տեղափոխել նույն ամսի 28-ը: Ֆիլմը պատրաստված է ոչ միայն 2D, այլև 3D ֆորմատով: 2016 թվականի մայիսի 9-ին Sony Pictures-ը թողարկեց ֆիլմի առաջին թրեյլերը: Պրեմիերան կայացավ հոկտեմբերի 8-ին Ֆլորենցիայի Նոր Օպերային թատրոնում: Կինոքննադատները մեծամասամբ բացասաբար արձագանքեցին: Rotten Tomatoes կայքում նրա վարկանիշը կազմում էր 20 տոկոս, իսկ արձագանքողների կողմից շնորհված միավորները 10 հնարավորից կազմեցին միայն 4,5: