Իկեր Մունիաին

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Իկեր Մունիաին
Iker Muniain (15961406985).jpg
Մունիաինը Ատլետիկ Բիլբաոյի կազմում 2014 թվականին
Անձնական տվյալներ
Ամբողջական անուն Iker Muniain Goñi
Քաղաքացիությունը Իսպանիա Իսպանիա
Ծննդյան ամսաթիվ դեկտեմբերի 19, 1992(1992-12-19)[1] (26 տարեկան) կամ հունիսի 28, 1980(1980-06-28)[2] (39 տարեկան)
Ծննդավայր Պամպլոնա, Իսպանիա
Հասակ 169 սմ
Քաշ 58 կգ
Դիրք վինգեր, հարձակվող
Ակումբային տեղեկություններ
Ներկա ակումբ Իսպանիա Ատլետիկ Բիլբաո
Համար 10
Պատանեկան կարիերա
2000-2005 Իսպանիա Չանտրեա
2005-2009 Իսպանիա Ատլետիկ Բիլբաո
Մասնագիտական կարիերա*
Տարի Ակումբ Խաղ (գոլ)
2009-2010 Իսպանիա Ատլետիկ Բիլբաո Բ 19 (3)
2009-ներկա Իսպանիա Ատլետիկ Բիլբաո 242 (29)
Ազգային հավաքական
2008 Իսպանիա Իսպանիա (մինչև 16) 2 (1)
2008-2009 Իսպանիա Իսպանիա (մինչև 17) 20 (2)
2010 Իսպանիա Իսպանիա (մինչև 19) 5 (0)
2011 Իսպանիա Իսպանիա (մինչև 20) 1 (0)
2011-2014 Իսպանիա Իսպանիա (մինչև 21) 31 (7)
2012 Իսպանիա Իսպանիա (մինչև 23) 3 (0)
2012-ներկա Իսպանիա Իսպանիա 1 (0)
2010-ներկա Բասկերի երկիր Բասկերի Երկիր 3 (1)
* Մասնագիտական կարիերայում ընդգրկված են միայն առաջնության խաղերը և գոլերը:

Իկեր Մունիաին (իսպ.՝ Iker Muniain, դեկտեմբերի 19, 1992(1992-12-19)[1] կամ հունիսի 28, 1980(1980-06-28)[2], Պամպլոնա, Իսպանիա), իսպանացի պրոֆեսիոնալ ֆուտբոլիստ, ով ներկայումս հանդես է գալիս Ատլետիկ Բիլբաոյի կազմում՝ հիմնականում ձախ վինգերի դիրքում[3]։

Երիտասարդ տարիքում ԶԼՄ-ները Մունիաինին կոչում էին «իսպանացի Մեսսի» իր խաղաոճի և հասակի համար[4]։ Նա իր ամբողջ պրոֆեսիոնալ կարիերայի ընթացքում խաղացել է Ատլետիկ Բիլբաոյի կազմում: Իր առաջին խաղն անցկացրել է 2009 թվականին՝ դառնալով ամենաերիտասարդ ֆուտբոլիստը, որ խաղացել է Ատլետիկ Բիլբաոյի կազմում: Ատլետիկի կազմում անցկացրել է ավելի քան 300 խաղ՝ ներառյալ Իսպանիայի գավաթի և Եվրոպա Լիգայի եզրափակիչները 2012 թվականին:

Իսպանիայի երիտասարդական հավաքականների կազմում անցկացրել է 59 հանդիպում և Իսպանիայի մինչև 21 տարեկանների հավաքականի հետ հաղթել է Եվրոպայի մինչև 21 տարեկանների առաջնությունը 2011 և 2013 թվականներին:

Ակումբային կարիերա[խմբագրել | խմբագրել կոդը]

Իկեր Մունիաինը միացել է Ատլետիկ Բիլբաոյի ակադեմիային 11 տարեկանում: 2009 թվականի հունվարին նա իր դեբյուտն է նշել Ատլետիկ Բիլբաո Բ-ի կազմում 16 տարեկան 16 օրական հասակում և այդ մակարդակում իր առաջին գոլը խփել է 19 օր անց:

Առաջին թիմում իր դեբյուտը Մունիաինը նշել է 2009 թվականի հուլիսի 30-ին Յանգ Բոյզի դեմ Եվրոպա Լիգայի որակավորման խաղում՝ փոխարինման դուրս գալով խաղի 59-րդ րոպեին[5]։ Այսպես նա դարձավ ամենաերիտասարդ ֆուտբոլիստը, ով խաղացել է Ատլետիկ Բիլբաոյի կազմում պաշտոնական խաղում՝ դաշտ դուրս գալով 16 տարեկան, 7 ամսական և 11 օրական հասակում: 1 շաբաթ անց՝ Յանգ Բոյզի դեմ պատասխան խաղում[6] նա նորից դաշտ դուրս եկավ Ատլետիկ Բիլբաոյի կազմում և այս խաղում դարձավ գոլի հեղինակ՝ նորից մտնելով Ատլետիկ Բիլբաոյի ռեկորդների գրքի մեջ որպես ամենաերիտասարդ ֆուտբոլիստ, ով գոլ է խփել Ատլետիկի կազմում:

2009 թվականի օգոստոսի 30-ին Էսպանյոլի դեմ տնային խաղում Մունիաինը կրկին դաշտ դուրս եկավ՝ դառնալով Ատլետիկի ամենաերիտասարդ ֆուտբոլիստը, ով խաղացել է Լա Լիգայում: 2 շաբաթ անց նա նորից գոլի հեղինակ դարձավ եվրոպական առաջնությանը՝ գրավելով Աուստրիայի դարպասը:

Նույն թվականի հոկտեմբերի 4-ին Մունիաինը դարձավ Ատլետիկի ամենաերիտասարդ ֆուտբոլիստը, ով գոլի հեղինակ է դարձել Լա Լիգայում՝ գրավելով Վալյադոլիդի դարպասը 16 տարեկան 289 օրական հասակում[7][8]։ Դեկտեմբերի 1-ին նա կնքեց իր առաջին պրոֆեսիոնալ պայմանագիրը Ատլետիկի հետ՝ նախատեսված մինչև 2015 թվականի հունիսը: Դեկտեմբերի 6-ին Մունիաինը վնասվածք ստացավ, սակայն մոտ 1 ամիս անց նա վերադարձավ՝ փոխարինման դուրս գալով Վալենսիայի դեմ խաղում և առաջ մղելով իր թիմին՝ դառնալով գոլի հեղինակ: Իր առաջին մրցաշրջանը պրոֆեսիոնալ մակարդակում Մունիաինը ավարտեց 6 գոլով 35 խաղերում բոլոր մրցաշարերում:

Մունիաինը Եվրոպա Լիգայում՝ Շախտյորի դեմ խաղի ժամանակ

2010-2011 մրցաշրջանում Մունիաինը Ատլետիկի անվիճելի մեկնարկային կազմի խաղացող էր: Օսասունայի դեմ արտագնա խաղի վերջին րոպեներին Մունիաինը հաղթական գոլ խփեց՝ օգնելով Ատլետիկին կամային հաղթանակ տանել 2-1 հաշվով: Այս մրցաշրջանը նա ավարտեց 5 գոլով 38 անցակացրած խաղերում:

2011-2012 մրցաշրջանում Մունիաինը անցկացրեց 58 հանդիպում և գրավեց հակառակորդի դարպասը 9 անգամ: Նա Ատլետիկի հետ հասավ Եվրոպա Լիգայի և Իսպանիայի գավաթի եզրափակիչներ, սակայն երկուսում էլ պարտություն կրեց:

2015 թվականի ապրիլի 4-ին Մունիաինը իր կարիերայի առաջին լուրջ վնասվածքը ստացավ՝ վնասելով ձախ ծունկը[9]: Վնասվածքի պատճառով նա բաց թողեց այդ տարվա Իսպանիայի գավաթի և սուպերգավաթի եզրափակիչները: Վերադարձավ խաղադաշտ դեկտեմբերի 20-ին Լևանտեի դեմ խաղում:

Միջազգային կարիերա[խմբագրել | խմբագրել կոդը]

2011 թվականի փետրվարի 8-ին ընդամենը 18 տարեկան հասակում Մունիաինն իր դեբյուտը նշեց Իսպանիայի մինչև 21 տարեկանների հավաքականում՝ փոխարինման դուրս գալով Դանիայի դեմ խաղում: 2011 թվականի մինչև 21 տարեկանների Եվրոպայի առաջնությանը Մունիաինը մասնակցեց Իսպանիայի բոլոր խաղերին, իսկ Իսպանիայի հավաքականը 3-րդ անգամ հաղթեց այդ առաջնությունում և 2012 թվականի ամառային օլիմպիական խաղերի ուղեգիր նվաճեց[10]։

Մունիաինը (հետևում) 2012 թվականի Օլիմպիական խաղերին

2012 թվականի փետրվարի 24-ին Մունիաինն առաջին անգամ հրավիրվեց Իսպանիայի ազգային հավաքական Վենեսուելայի դեմ ընկերական խաղի համար: 5 օր անց նա առաջին խաղն անցկացրեց Իսպանիայի հավաքականի կազմում՝ փոխարինման դուրս գալով 74-րդ րոպեին Սեսկ Ֆաբրեգասի փոխարեն: Նա հայտավորվեց 2012 թվականի օլիմպիական խաղերին և Իսպանիայի կազմում անցկացրեց 2 խաղ, սակայն Իսպանիան դուրս մնաց խմբային փուլից չխփելով ոչ մի գոլ:

Մունիաինն անցկացրեց 31 խաղ մինչև 21 տարեկանների հավաքականի կազմում, որը ռեկորդ էր համարվում մինչև Ժերար Դելոֆեուն չգերազանցեց այս արդյունքը: Մունիաինը նաև Բասկերի Երկրի ոչ պաշտոնական հավաքականի խաղացող է և վերջինիս կազմում անցկացրել է 3 խաղ՝ գրավելով հակառակորդի դարպասը 1 անգամ[11]։

Վիճակագրություն[խմբագրել | խմբագրել կոդը]

2017 թվականի մայիսի 24-ի դրությամբ

Ակումբ Մրցաշրջան Առաջնություն Գավաթ Եվրոպա Այլ Ընդհանուր
Խաղեր Գոլեր Խաղեր Գոլեր Խաղեր Գոլեր Խաղեր Գոլեր Խաղեր Գոլեր
Ատլետիկ Բիլբաո Բ 2008–09 13 1 13 1
2009–10 6 2 6 2
Ընդհանուր 19 3 19 3
Ատլետիկ Բիլբաո 2009–10 26 4 0 0 9 2 0 0 35 6
2010–11 35 5 3 0 38 5
2011–12 33 2 9 2 16 5 58 9
2012–13 33 1 2 0 8 1 43 2
2013–14 35 7 4 2 39 9
2014–15 25 1 7 0 9 1 41 2
2015–16 20 2 3 0 5 0 28 2
2016–17 35 7 3 0 8 0 46 7
Ընդհանուր 242 29 31 4 55 9 0 0 328 42
Կարիերայի ընդհանուր 252 32 31 4 53 9 0 0 347 45

Միջազգային[խմբագրել | խմբագրել կոդը]

2012 թվականի փետրվարի 29-ի դրությամբ

Ազգային հավաքական Տարի Խաղեր Գոլեր
Իսպանիա 2012 1 0
Ընդհանուր 1 0

Նվաճումներ[խմբագրել | խմբագրել կոդը]

Ակումբ[խմբագրել | խմբագրել կոդը]

Երկրի հավաքական[խմբագրել | խմբագրել կոդը]

Իսպանիա (մինչև 21)[խմբագրել | խմբագրել կոդը]
  • Եվրոպայի մինչև 21 տարեկանների առաջնություն. 2011, 2013
Իսպանիա (մինչև 19)[խմբագրել | խմբագրել կոդը]
  • Եվրոպայի մինչև 19 տարեկանների առաջնություն. երկրորդ տեղ 2010
Իսպանիա (մինչև 17)[խմբագրել | խմբագրել կոդը]
  • Աշխարհի մինչև 17 տարեկանների առաջնություն. երրորդ տեղ 2009

Անհատական[խմբագրել | խմբագրել կոդը]

  • Լա Լիգայի տարվա հայտնություն. 2010-11
  • Golden Boy-ի թեկնածու. 2010, 2011, 2012[12]

Ծանոթագրություններ[խմբագրել | խմբագրել կոդը]

  1. 1,0 1,1 Transfermarkt.com — 2000.
  2. 2,0 2,1 Soccerway
  3. «Iker Muniain | Football Stats | Athletic Bilbao | Age 24 | Soccer Base»։ www.soccerbase.com։ Վերցված է 2017-05-31 
  4. «Iker Muniain: The long journey of a man labelled the Spanish Messi - Planet Football»։ Planet Football (en-US)։ 2017-03-02։ Վերցված է 2017-05-31 
  5. «Athletic Bilbao vs. Young Boys - Football Match Report - July 30, 2009 - ESPN»։ ESPN.com։ Վերցված է 2017-05-31 
  6. «BSC Young Boys - Athletic Bilbao, 06.08.2009 - Europa League Qualifikation - Spielbericht | Transfermarkt» (գերմաներեն)։ Վերցված է 2017-05-31 
  7. «Real Valladolid vs. Athletic Bilbao - Football Match Report - October 4, 2009 - ESPN»։ ESPNFC.com։ Վերցված է 2017-05-31 
  8. «Athletic Bilbao Prodigy Iker Muniain Becomes Primera Division's Youngest Ever Goalscorer - Goal.com»։ Goal.com (անգլերեն)։ 2009-10-05։ Վերցված է 2017-05-31 
  9. MARCA.com (2015-04-07)։ «Muniain estará siete meses de baja»։ MARCA.com (իսպաներեն)։ Վերցված է 2017-05-31 
  10. «Muniain se despide de la selección sub-21»։ El Desmarque Bizkaia - Todo el deporte, al minuto (es-ES)։ Վերցված է 2017-05-31 
  11. «Euskadiko Futbol Federakundea | Federación Vasca de Fútbol»։ Վերցված է 2017-05-31 
  12. «Iker Muniain candidato de nuevo al 'Golden Boy'»։ El Desmarque Bizkaia - Todo el deporte, al minuto (es-ES)։ Վերցված է 2017-05-31 

Արտաքին հղումներ[խմբագրել | խմբագրել կոդը]