Էրիկ Հեսելբերգ

Վիքիպեդիայից՝ ազատ հանրագիտարանից
Jump to navigation Jump to search
Picto infobox artiste.png
Էրիկ Հեսելբերգ
Ծնվել է հունիսի 4, 1914(1914-06-04)
Ծննդավայր Բրևիկ, Telemark, Էստլանն, Նորվեգիա
Վախճանվել է սեպտեմբերի 15, 1972(1972-09-15) (58 տարեկանում)
Մահվան վայր Լարվիկ, Վեստֆոլ, Էստլանն, Նորվեգիա
Քաղաքացիություն Flag of Norway.svg Նորվեգիա
Մասնագիտություն քանդակագործ և նկարիչ

Էրիկ Բրյուն Հեսելբերգ (նորվ.՝ Erik Bryn Hesselberg , հունիսի 4, 1914(1914-06-04), Բրևիկ, Telemark, Էստլանն, Նորվեգիա - սեպտեմբերի 15, 1972(1972-09-15), Լարվիկ, Վեստֆոլ, Էստլանն, Նորվեգիա), նորվեգացի նկարիչ, քանդակագործ, ճանապարհորդ: Թուր Հեյերդալի հետ մասնակցել է «Կոն-Տիկի» լաստանավի գիտարշավին:

Կենսագրություն[խմբագրել | խմբագրել կոդը]

Էրիկ Բրյուն Հեսելբերգը ծնվել է 1914 թվականի հունիսի 4-ին Նորվեգիայի Բրևիկ քաղաքում՝ Տելեմարկ կոմսությունում[1]: Մանկությունն անցել է Լարվիկում (Վեսթֆոլ կոմսություն), Սվեյնսգաթե 14 հասցեում: Դեռևս մանկուց ընկերություն է արել ապագա աշխարհահռչակ ճանապարհորդ Թուր Հեյերդալի հետ: Դպրոցն ավարտելուց հետո Էրիկ Բրյուն Հեսելբերգը ընդունվում է ծովագնացության ուսումնարան: Դրանից հետո դառնում է պրոֆեսիոնալ ծավային: Շուրջ հինգ տարի աշխատում է առևտրային նավերի վրա: Էրիկ Բրյուն Հեսելբերգը մի քանի անգամ շուրջերկրյա ճանապարհորդություններ է կատարել: Դրանից հետո ստանում է նկարչական կրթություն գերմանական Համբուրգ քաղաքում: Երկրորդ համաշխարհային պատերազմի սկսվելու պահին Էրիկ Բրյուն Հեսելբերգը գտնվում էր Գերմանիայում: Նա չկարողացավ վերադառնալ հայրենիք, ուստի և անցնում է աշխատանքի որպես բեմանկարիչ Բրաունշվայգում: Միաժամանակ նկարիչը կատարում էր նաև Նորվեգիայի դիմադրության շարժման հրահանգները[1]: 1945 թվականին, պատերազմի ավարտից հետո, ի վերջո կարողանում է վերադառնալ հայրենիք: Կնոջ՝ գերմանացի Լիզոլետ (Լիս) Գյուլդների հետ հիմնավորվում է Լիլեհամերում (Նորվեգիա)[2]:

Գիտարշավ Թուր Հեյերդալի հետ[խմբագրել | խմբագրել կոդը]

1947 թվականին Էրիկ Բրյուն Հեսելբերգն ապրում էր Բորրե քաղաքում կնոջ՝ Լիսի և նորածին աղջկա՝ Աննե-Կարինի հետ: Այստեղ նա զբաղվում էր գեղանկարչությամբ: Սակայն ամեն ինչ փոխվում է, երբ նրան ճանապարհորդելու է հրավիրում մանկության ընկեր Թուր Հեյերդալը: Նրանք պետք է «Կոն-Տիկի» լաստանավով Պերուից ուղևորվեին դեպի Պոլինեզիա. Հեսելբերգը պետք է մասնակցեր որպես ղեկապետ:

Արդյունքում Էրիկ Բրյուն Հեսելբերգը համաձայնվում է և նրանք դուրս են գալիս բաց օվկիանոս: Խաղաղ օվկիանոսում հարյուրմեկօրյա ուղևորության ընթացքում Էրիկը ոչ միայն ղեկապետի պաշտոնն էր իրականացնում, այլ նաև աստղագիտական հետազատություններ էր իրականացնում և որոշում էր լաստանավի տեղադիրքը, նշումներ անում քարտեզին և որոշում ուղղությունները:

Ազատ ժամանակ, երբ տեղորոշմամբ չէր զբաղվում, Էրիկ Բրյուն Հեսելբերգը նկարչությամբ էր ժամանակն անցկացնում, ինչպես նաև փայտյա արձանիկներ էր քանդակում և կիթառ նվագում: Հենց նրան է պատկանում «Կոն-Տիկի» լաստանավի վրա տեղադրված առագաստի վրայի Աստծո նկարը:

Վերադառնալով ճանապարհորդությունից, որն ավարտվեց օգոստոսի 7-ին, Էրիկ Բրյուն Հեսելբերգը գրում է յոթանասուներկու էջանոց մի գիրք, որը կոչվեց «Կոն-Տիկին և ես»: Գիրքը նկարազարդած էր անձամբ իր կողմից. վերջինս լույս տեսավ նորվեգական «Dreyers Vorlag» հրատարակչության կողմից 1949 թվականին:

Ամբողջ աշխարհին հայտնի այդ գիտարշավից հետո Էրիկ Բրյուն Հեսելբերգը կառուցում է իր սեփական նավը, որն անվանեց «Տիկի»: Այս նավով նկարիչը ուղևորվեց իր հայրենի Նորվեգիայից դեպի Ֆրանսիա: Շուրջ տասնմեկ տարի նա ապրեց իր առագաստանավում Լազուրե ափին՝ Կորսիկայի ափերին: Այստեղ նա աշխատում էր որպես նկարիչ և քանդակագործ: Ընկերություն էր անում աշխարհահռչակ Պաբլո Պիկասոյի, Ժորժ Սիմենոնի, Ժան Կոկտոյի հետ:

Ավելի ուշ Էրիկ Բրյուն Հեսելբերգը վաճառում է իր առագաստանավը: Ապրում է Միացյալ Նահանգներում, Գերանիայում, Շվեդիայում: Հետո կրկին վերադառնում է իր մանկության օրերի քաղաք՝ Լարվիկ:

Էրիկ Բրյուն Հեսելբերգն իր մահկանացուն կնքում է 1972 թվականի սեպտեմբերի 15-ին՝ հիսունութ տարեկան հասակում Լարվիկում. հենց այստեղ էլ նրան հուղարկավորում են: Մահվանից հետո թողեց բազմաթիվ լուսանկարներ, գրաֆիկական աշխատանքներ, քանդակներ և ավելի քան երկու հարյուր երգեր կիթառի համար:

Նկարիչ-ճանապարհորդը ուներ երեք երեխաներ տարբեր ամուսնություններից՝ Աննե-կարին դուստրը (1946 թվական), որդին՝ Քաելուն (1958 թվական) և դուստր Սուզաննան (1967 թվական): Ավագ դուստրը ապրում է նորվեգական Դրոբյակում և կազմակերպում է հորը նվիրված ցուցահանդեսներ:

Տե՛ս նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Գրականություն[խմբագրել | խմբագրել կոդը]

  • Kon-Tiki und ich Nymphenburger Verlagshandlung, 1950.

"Kon-Tiki und ich. Mit dem Balsafloss über den Stillen Ozean.." In neuer Übersetzung und mit dem handgeschriebenen Text der norwegischen Originalausgabe angepasst. Herausgegeben von Anne Karin Hesselberg 2006.

Արտաքին հղումներ[խմբագրել | խմբագրել կոդը]