Եհովայի վկաներ

Վիքիպեդիայից՝ ազատ հանրագիտարանից
«Դիտարան» ընկերության գլխամասը Բրուքլինում (Նյու Յորք, ԱՄՆ)։
Դիտարանի ընկերության ակտիվ անդամների թիվը 1945-2013 թթ.

Եհովայի վկաներ (մինչև 1931 թ. կոչվում էին «Աստվածաշունչ ուսումնասիրողներ»), 19-րդ դարի ավարտին Միացյալ Նահանգներում ստեղծված համաշխարհային կրոնական կազմակերպություն։ Ընդունում են մեկ միասնական Աստծուն՝ միայն Եհովային, իսկ Քրիստոսին համարում են նրանից ծնված և նրա կամքը կատարող։

Եհովայի վկաները հայտնի են դռնեդուռ այցերի և փողոցում պատահական անցորդների հետ զրուցելով։ Նրանք հանդես են գալիս որպես վերջին ժամանակի շարժում, այսինքն՝ հավատում են, որ մարդկությունը գտնվում է Աստվածաշնչում հիշատակված Վերջին դատաստանին նախորդող ժամանակաշրջանում։

Եհովայի վկաները ընդունում են միայն որոշակի գիտակցական տարիքի հասած անձանց մկրտությունը, որով նորահավատը նրանց կազմակերպության անդամ է դառնում։ Քարոզչական գործը վերահսկվում է մի խումբ տղամարդկանց՝ «կառավարիչ մարմնի» կողմից, որը զբաղվում է կրոնական գրականության հրատարակմամբ։ ։

2004 թ. պետության կողմից գրանցվել է Հայաստանում գործող կրոնական կազմակերպությունների ցանկում։

Պատմություն[խմբագրել | խմբագրել կոդը]

Կազմակերպության հիմնադիր Չարլզ Ռասելն իր առաջին խմբակն անվանել էր «Գրքերի ուսումնասիրողներ», որն էլ հենց «Եհովայի վկաներ»-ի առաջին անվանումն է։ Հետագայում կազմակերպությունը վերանվանվում է «Գրքերի ուսումնասիրողների ընկերության»։ 1884 թվականին «Եհովայի վկաներ»-ը Փենսիլվանիայի նահանգում գրանցվում են «Սիոնի դիտարանի հրատարակության ընկերություն» (Zion’s Watchtower Bible & Tract) անվամբ։

Դատական գործընթացներ[խմբագրել | խմբագրել կոդը]

Հայաստան[խմբագրել | խմբագրել կոդը]

2012 թվականի նոյեմբերին Մարդու իրավունքների եվրոպական դատարանը վճիռ կայացրեց «Եհովայի վկաներ» կրոնական կազմակերպության 19 հետևորդներն ընդդեմ Հայաստանի գործով։ Դատարանը բավարարեց դիմողների իրավունքի խախտումը՝ այլընտրանքային զինվորական ծառայությունից խուսափելու համար կալանքի տակ պահելը։ Որոշման համաձայն հետևորդներին պատճառված բարոյական վնասի համար Հայաստանի Հանրապետությունը նրանց պետք է վճարեր 134.000 եվրո[1]։