Անդրեյ Գուբին

Վիքիպեդիայից՝ ազատ հանրագիտարանից
Jump to navigation Jump to search
Անդրեյ Գուբին
Բնօրինակ անունАндрей Губин
Ի ծնե անունԱնդրեյ Վիկտորովիչ Կլեմենտև
Նաև հայտնի է որպեսАндрей Губин
Ծնվել էապրիլի 30, 1974(1974-04-30) (45 տարեկան)
Ուֆա, ԽՍՀՄ
ԵրկիրԽորհրդային Սոցիալիստական Հանրապետությունների Միություն ԽՍՀՄ
Ռուսաստան Ռուսաստան
Ժանրերփոփ երաժշտություն
Մասնագիտություներգիչ, կոմպոզիտոր, երգահան, երաժշտական պրոդյուսեր
Գործիքներկիթառ, դաշնամուր և վոկալ
Գործունեություն1994—2007
Կայքandreygubin.ru

Անդրեյ Վիկտորովիչ Գուբին (ռուս.՝ Андрей Викторович Губин, ապրիլի 30, 1974, Ուֆա2018), ռուս էստրադային փոփ երաժիշտ, հեղինակ-կատարող, Յուլիա Բերետտայի նախկին պրոդյուսերը։

Կենսագրություն[խմբագրել | խմբագրել կոդը]

Անդրեյ Գուբինը ծնվել է Ուֆայում, նրա ընտանիքը տեղափոխվել է Մոսկվա, երբ տղան 8 տարեկան էր։ Անդրեյ Գուբինը զբաղվել է շախմատով[1], հետագայում պրոֆեսիոնալ ֆուտբոլով և նույնիսկ « հասավ Մոսկվայի հավաքական», բայց ոտքը կոտրելուց հետո, նրա սպորտային կարիերան վերջացավ։ Նա աշխատել է որպես լրագրող, բայց Անդրեյ Մակարևիչի հետ հարցազրույցից հետո, որը նա համարեց անհաջող, որոշում է իրեն փորձել երաժշտության բնագավառում։ Հետագայում Գուբինը խոստովանել է, որ շտապել է եզրակացություններ անելիս[2]։ Այնուհետև ընդունվել է Գնեսինների պետական երաժշտական ուսումնարան, սակայն հեռացվել է առաջին կուրսից հետո՝ հաճախելիության կանոնները չհարգելու պատճառով։

1980-ականների վերջում Անդրեյ Գուբինը «Մինչ 16 և ավելի բարձր» հեռուստատեսային ծրագրի մասնակիցներից մեկն էր, որտեղից էլ սկսել է նրա հանրային գործությունը։

Գործունեություն[խմբագրել | խմբագրել կոդը]

«Թափառական տղան» (ռուս.՝ Мальчик-Бродяга) անվամբ առաջին երգը գրել է 1986 թվականին։ 1989 թվականին թողարկել է կիթառի երաժշտությամբ «Ես անտուն եմ» (ռուս.՝ Я бомж) երաժշտական ալբոմը։ Ալբոմը պրոֆեսիոնալ չէր, դուրս է եկել 200 օրինակով և բաղկացած էր սոցիալ-քաղաքական թեմատիկայով երգերից։ Հետագայում թողարկեց ևս երկու պրոֆեսիոնալ ալբոմ՝ «Ավե Մարիա» (ռուս.՝ Аве Мария և «Արքայազն և չքավոր» (ռուս.՝ Принц и Нищий1994 թվականին Անդրեյ Գուբինը մասնակցեց «Սլավուտիչ-1994» մրցույթին, որտեղ ծանոթացել է Լեոնիդ Ագուտինի հետ։ Նրա աջակցությամբ 1995 թվականին թողարկվել է «Թափառական տղան» (ռուս.՝ Мальчик-Бродяга) առաջին ստուդիական ալբոմը։ 1995 թվականի վերջին վաճառվել է դեբյուտային ալբոմի ավելի քան 500 000 բնօրինակ։

1998 թվականին թողարկվեց Անդրեյ Գուբինի երկրորդ ստուդիական ալբոմը՝ «Միայն դու» (ռուս.՝ Только ты)-ը։ Այս ծրագրով 1998-1999 թվականներին Անդրեյ Գուբինը սկսեց սոլո կարիերան Ռուսաստանում, Ղազախստանում, Ուկրաինայում և Բելառուսում։

2000 թվականի թողարկվում է նրա «Եղել, բայց անցել է» (ռուս.՝ Было, но прошло) անունով երրորդ ստուդիական ալբոմը։ Ալբոմի փիարը սկսվեց զանգվածային հյուրախաղերով ԱՄՆ-ում, Իսրայելում, Գերմանիայում, Լատվիայում, Ադրբեջանում, Ղազախստանում և Ուզբեկստանում։

2001 թվականին Գուբինը թողարկեց «Լավագույնները» (ռուս.՝ Лучшее) ձայնասկավառակը և ժամանակավորապես դադարեցրեց հյուրախաղերն ու համերգները։

2002 թվականին թողարկվեց «Ընդմիշտ խեզ հետ» (ռուս.՝ Всегда с тобой) չորրորդ ստուդիական ալբոմը։

2004 թվականին Գուբինը ձայնագրեց «DJ Պուտին» (ռուս.՝ DJ Путин) քարոզչական երգը՝ թողարկված «Շաուրմա Ռեկորդս» (ռուս.՝ Шаурма рекордз) լեյբլի կողմից, «Песни о Путине»[3] սկավառակում։ Նույն տարվա վերջում գրել է «Լա-լա-լա» (ռուս.՝ Ла-ла-ла) երգը Ժաննա Ֆրիսկեի համար, ով վերջերս էր սկսել մեներգչուհու կարիերան։ Ավելի ուշ նա՝ Ժաննան երգել է նրա «Մամա Մարիա» (ռուս.՝ Мама Мария) երգը։

2007 թվականին թողարկվեց նոր երգը՝ «Լենա» (ռուս.՝ Лена

2009 թվականին համացանցում հայտնվեց նրա անավարտ «Քնքշանք» (ռուս.՝ Нежность) երգը։

Գրել է նաև մի քանի երգեր Մայք Միրոնենկոյի համար (օրինակ, «Եթե դու հիմա հեռանաս» (ռուս.՝ Если ты уйдёшь сейчас))։

Ներկայումս Անդրեյ Գուբինը հազվադեպ է հայտնվում հասարակության մեջ, հիմնականում՝ որպես ժյուրիի անդամ մրցույթներում։ Հարցազրույցներում պնդում է, որ ձայնագրել է մի քանի նոր երգ, հերքում է ալկոհոլի նկատմամբ իր չարաշահումները։

Անտոն Զացեպինի «Հասակով կարճ միայն Գուբինն է» (ռուս.՝ Ниже ростом только Губин) երգը (իսկ Գուբինի հասակը 1.66 մ է), որն առաջացրել է Գուբինի դժգոհությունը։ Հետագայում նա պլանավորել է դատական գործ սկսել երգի հեղինակի՝ Իգոր Նիկոլաևի դեմ[4]։

Հիվանդություն[խմբագրել | խմբագրել կոդը]

Մեծ բեմից հեռանալը Անդրեյ Գուբինը բացատրել է առողջության հետ լուրջ խնդիրներով։ Ավելի քան 10 տարի առաջ նրա մոտ ախտորոշվել է ձախակողմյա պրոզոպալագիա․ այն նյարդային համակարգի հիվանդություն է, որի պատճառով արտիստն ունենում է դիմային ցավեր։ Հիվանդության պատճառը, ըստ բժիշկների, քնի պակասն է, գերծանրաբեռնվածությունն ու քրոնիկ սթրեսը[5]։

Ընտանիք[խմբագրել | խմբագրել կոդը]

Խորթ[6] հայրը՝ Վիկտոր Վիկտորովիչ Գուբինն աշխատել է որպես գիտաշխատող և ծաղրանկարիչ բազմաթիվ խորհրդային ամսագրերում։ Նա Ռուսական ապրանքա-հումքային բորսայի նախկին տնօրենն էր։ Եղել է Անդրեյի պրոդյուսերը, ունեցել է մի քանի ձայնագրող ընկերություններ (մահացել է 2007 թվականի մարտի 3-ին)[7]։

Անդրեյի մայրը՝ Սվետլանա Վասիլևնան տնային տնտեսուհի էր (մահացել է 2012 թվականի հունիսի 14-ին)[8][9]։

Կրտսեր քույրը՝ Նաստյա Կլեմենտևա[1][10][11]։

Ստուդիական ալբոմներ[խմբագրել | խմբագրել կոդը]

  • 1995 — Мальчик-бродяга
  • 1998 — Только ты
  • 2000 — Было, но прошло
  • 2002 — Всегда с тобой

Այլ[խմբագրել | խմբագրել կոդը]

  • 2001 — The Best
  • 2002 — V.I.P
  • 2003 — Платиновая коллекция
  • 2004 — Время романтиков
  • 2008 — The Best
  • 2013 — С тобою рядом

Սկավառակագրություն[խմբագրել | խմբագրել կոդը]

Տարի Տեսահոլովակ Ալբոմ
1994 «Лиза» «Мальчик-бродяга»
1995 «Мальчик-бродяга» «Мальчик-бродяга»
1996 «Ночь» «Мальчик-бродяга»
1996 «Дай мне слово» «Только ты»
1997 «Зима-холода» «Только ты»
1998 «Я знаю, ты знаешь» «Только ты»
1998 «Птица» «Только ты»
1999 «Плачь, любовь» «Было, но прошло»
2000 «Без тебя» «Было, но прошло»
2000 «Облака» «Было, но прошло»
2002 «Танцы» «Всегда с тобой»
2002 «Она одна» «Всегда с тобой»
2002 «Будь со мной» «Всегда с тобой»
2003 «Девушки как звёзды» «Всегда с тобой»
2003 «Я всегда с тобой (feat. Ольга Орлова)» «Всегда с тобой»
2004 «Солнышко» «Время романтиков»
2004 «Те, кто любит (feat. Краски)» «Время романтиков»

Ֆիլմագրություն[խմբագրել | խմբագրել կոդը]

  • 1998 — Գիտեմ ես, գիտես դու

Ծանոթագրություններ[խմբագրել | խմբագրել կոդը]