Անտոն Զացեպին
| Անտոն Զացեպին | |
|---|---|
.jpg) | |
| Բնօրինակ անուն | Антон Зацепин |
| Ծնվել է | մայիսի 20, 1982 (41 տարեկան) Սեգեժա, Կարելիայի Հանրապետություն, ՌԽՖՍՀ, ԽՍՀՄ |
| Երկիր |  Ռուսաստան |
| Ժանրեր | փոփ, ռիթմ ընդ բլյուզ, ռոք, սոուլ, ֆանկ |
| Մասնագիտություն | երգիչ, բանաստեղծ, դերասան |
| Երգչաձայն | տենոր |
| Գործիքներ | վոկալ |
| Կրթություն | Ռուսաստանի թատերական արվեստի համալսարան |
| Կայք | antonzatsepin.ru |
 Anton Zatsepin Վիքիպահեստում | |
Անտոն Վլադիմիրովիչ Զացեպին (ռուս.՝ Антон Зацепин, մայիսի 20, 1982, Սեգեժա, Կարելիայի Հանրապետություն, ՌԽՖՍՀ, ԽՍՀՄ), ռուս երգիչ, պարող, դերասան, «Աստղերի ֆաբրիկա-4» նախագծի եզրափակչի մասնակից։
Կենսագրություն[խմբագրել | խմբագրել կոդը]
Անտոնը մանկուց հետաքրքրվել է պարով։ Մեծանալով՝ նա որոշում է բացել բալետային պարերի էստրադային դպրոց, ինչում օգնեց մայրը, ով պրոֆեսիոնալ պարող է։ Մինչև Սանկտ Պետերբուրգի Կրուպսկայայի անվան մշակույթի և արվեստի ինստիտուտ ընդունվելն աշխատել է պարի դպրոց-ստուդիայում (էստրադային վարպետության և գեղարվեստական հաղորդակցման ֆակուլտետի «Պարարվեստ» բաժինը)։
2004 թվականին Սանկտ Պետերբուրգում Անտոն Զացեպինը մասնակցեց «Աստղերի ֆաբրիկա» նախագծի նախընտրական քասթինգին և գնաց Մոսկվա՝ մասնակցելու եզրափակիչ լսումներին, որտեղ էլ դարձավ «Աստղերի ֆաբրիկա-4» նախագծի մասնակից։ Նախագծի պրոդյուսերը Ռուսաստանի ժողովրդական արտիստ, կոմպոզիտոր Իգոր Կրուտոյն էր։ Անտոնը զբաղեցրեց երկրորդ տեղը։ Իգոր Նիկոլաևի «Книжки о любви» երգի համար «Եվգենի Օնեգինի» մոտիվներով նկարահանվեց տեսահոլովակ, որտեղ երգիչը «պուշկինյան» մորուքով խաղում էր 19-րդ դարի սովորական մարդու դեր[1]։ Տեսահոլովակը նկարահանվել է Մոյկայում՝ Պուշկինի տուն-թանգարանում, որոշ ԶԼՄ-ների պնդմամբ՝ կադրում Զացեպինը ձեռքում պահել է բանաստեղծի փետրագրիչը[2]։ 2004 թվականին Անտոնը Նադեժդա Կադիշևայի հետ «Широка река» երգի համար արժանացավ «Ոսկե գրոմոֆոն» մրցանակի[3]։
Ամուսնալուծված է, ունի 1 դուստր՝ Ալեքսանդրա-Մարտա։
2014 թվականին Անտոնն ավարտեց Թատերական արվեստի ռուսական համալսարանը և պայմանագիր կնքեց «Хорошие люди» ձայնագրման լեյբլի հետ։ «Մոնոլիտ» ստուդիայի հետ համատեղ ստեղծեց «Ты знаешь» կոմպոզիցիան։ 2014 թվականի սեպտեմբերին նկարահանվեց տեսահոլովակը, իսկ հոկտեմբերին ռուսական էստրադայի աստղերի, ԶԼՄ-ների մասնակցությամբ տեղի ունեցավ տեսահոլովակի շնորհանդեսը։ Հետագայում Անտոնը ձայնագրեց նոր երգեր և շարունակեց «Զացեպին։ Վերադարձ» հյուրախաղային շրջագայությունը։
2015 թվականի սեպտեմբերին դադարեցրեց «Хорошие люди» լեյբլի հետ կնքված պայմանագիրը։
Սկավառակագրություն[խմբագրել | խմբագրել կոդը]
Ալբոմներ[խմբագրել | խմբագրել կոդը]
- «Тобой одной» (2008)
Սինգլներ[խմբագրել | խմբագրել կոդը]
- Грязнули (Space4 խմբի մասնակցությամբ, 2012)
- Невозможно не любить (Space4 խմբի մասնակցությամբ, 2012)
- Корабли (Space4 խմբի մասնակցությամբ, 2013)
- Метель (2013)
- Кукла вуду (2013)
- Ты знаешь (2014)
- Олюшка (prod. Speen Beatz, 2015)
Տեսահոլովակներ[խմբագրել | խմբագրել կոդը]
| Թվական | Տեսահոլովակ | Ռեժիսոր | Ալբոմ |
|---|---|---|---|
| 2004 | «Ниже ростом только Губин (համերգային)» | - | Тобой Одной |
| 2004 | «Книжки о любви» | Ալեքսանդր Իգուդին | Тобой одной |
| 2004 | «Широка река» (համերգային) | - | Тобой одной |
| 2005 | «Улетаю» | Վլադիսլավ Օպելյանց | Тобой Одной |
| 2008 | «Знаю, будем вместе» | Ռեզո Գիգինեիշվիլի | TBA |
| 2014 | «Ты знаешь» | ||
| 2015 | «Олюшка» | Ի․ Իվլև | TBA |
Ծանոթագրություններ[խմբագրել | խմբագրել կոդը]
- ↑ Антон ЗАЦЕПИН рассказал о причинах своего развода | Гуру Кен Шоу::: все о шоу бизнесе
- ↑ Новый Вестник. Еженедельная газета. Электронная версия. Караганда. Казахстан " Статья " «Серьёзные отношения»
- ↑ «Кадышева, Надежда .::. Артисты от А до Я. Музыкальный каталог .::. Русское Радио». Արխիվացված է օրիգինալից 2016 թ․ մարտի 4-ին. Վերցված է 2016 թ․ մարտի 5-ին.
Արտաքին հղումներ[խմբագրել | խմբագրել կոդը]
- Официальный сайт Արխիվացված 2020-02-17 Wayback Machine