Անդրանիկ Ծառուկյան

Անդրանիկ Ծառուկյան
Ծնվել է	հոկտեմբերի 4, 1913
Ծննդավայր	Կյուրին, Սիվասի մարզ, Թուրքիա
Վախճանվել է	մայիսի 23, 1989 (75 տարեկան)
Վախճանի վայր	Փարիզ
Մասնագիտություն	արձակագիր, բանաստեղծ, ուսուցիչ, լրագրող, խմբագիր և գրող
Քաղաքացիություն	Սիրիա
Կրթություն	Համազգայինի Մելանքթոն և Հայկ Արսլանյան ճեմարան (1934) և Ազգային Զավարյան վարժարան (1942)
Կուսակցություն	Հայ Յեղափոխական Դաշնակցութիւն (1956)
Աշխատավայր	Նայիրի և Արևելք
	Անդրանիկ Ծառուկյան Վիքիդարանում

Անդրանիկ Թորոսի Ծառուկյան (հոկտեմբերի 4, 1913(1913-10-04), Կյուրին, Սիվասի մարզ, Թուրքիա - մայիսի 23, 1989(1989-05-23)^[1], Փարիզ), սփյուռքահայ գրող, բանաստեղծ, արձակագիր։

Կենսագրություն[խմբագրել | խմբագրել կոդը]

1915 թ. Մեծ եղեռնի օրերին զրկվել է ծնողներից։ 1918-1922 թթ. եղել է Հալեպի որբանոցում։ Ավարտել է Հալեպի Հայկազյան ազգային վարժարանը (1928 թ.)։ 1930-1934 թթ. սովորել է Բեյրութի Համազգայինի ճեմարանում։ 1935-1942 թթ. դասավանդել է Հալեպի Զավարյան վարժարանում։ 1941 թ. հիմնադրել է «Նայիրի» պարբերականը, 1946 թ. խմբագրել «Արևելք» օրաթերթը։ Եղել է դաշնակցական կուսակցության անդամ, հեռացել է 1956 թ.^[2]։

Ստեղծագործական կյանք[խմբագրել | խմբագրել կոդը]

Ծառուկյանի «Եղերաբախտ քերթողներ» առաջին գործը Պետրոս Դուրյանի, Միսաք Մեծարենցի, Վահան Տերյանի, Մատթեոս Զարիֆյանի մասին է։

Բանաստեղծություններում և արձակում արտացոլված են աշխարհասփյուռ հայության հույզերն ու ձգտումները, որբացած սերնդի կյանքը, վերաբերմունքը Խորհրդային Հայաստանի հանդեպ։

Լույս են տեսել Ծառուկյանի «Մոխրաման» (1935) պարսավագրական վիպակը, «Թուղթ առ Երևան» (1945) պոեմը և այլ գործեր։ Ճանաչված է «Մանկություն չունեցող մարդիկ» (1952) վիպակով, որը հրատարակվել է նաև Երևանում (1963), Մոսկվայում (1964, ռուսերեն), Փարիզում (1977, ֆրանսերեն)։ Վիպակի շարունակությունն է «Երազային Հալեպ» (1979) գիրքը։ 1958 թվականին առաջին անգամ այցելել է Խորհրդային Հայաստան և իր տպավորությունները գրառել «Հին երագներ, նոր ճամփաներ» (1960) գրքում։

Երկերի մատենագիտություն[խմբագրել | խմբագրել կոդը]

Մոխրաման, Պէյրութ, 1935, 64 էջ։
Առագաստներ, Հալէպ, 1939, 80 էջ։
Հէ՛յ, ջան Երևան…, Գահիրէ, 1945, 64 էջ։
Մանկութիւն չունեցող մարդիկ, Պէյրութ, 1955, 244 էջ։
Մանկություն չունեցող մարդիկ, Երևան, 1959, 180 էջ։
Հին երազներ, նոր ճամբաներ, Պէյրութ, 1960, 336 էջ։
Մանկություն չունեցող մարդիկ, Երևան, 1963, 188 էջ։
Երազային Հալէպը, Պէյրութ, 1980, 281 էջ։
Մանկութիւն չունեցող մարդիկ, Պէյրութ, 1980, 240 էջ։
Վերջին անմեղը, Պէյրութ, 1980, 312 էջ։
Հին երազներ, նոր ճամբաներ, Պէյրութ, 1982, 334 էջ։
Նոր Հայաստան, նոր հայեր, Պէյրութ, 1983, 289 էջ։
Մանկություն չունեցող մարդիկ։ Երազային Հալեպը, Երևան, 1985, 304 էջ։
Սէրը եղեռնին մէջ, Պէյրութ, 1987, 269 էջ։
Մեծերը և միւսները, Պէյրութ, 1992, 352 էջ։
Երազային Հալէպը։ Նոր բովանդակութիւն, Պէյրութ, 1996, 204 էջ։
Մանկութիւն չունեցող մարդիկ, Հալէպ, 1996, 254 էջ։
Մանկութիւն չունեցող մարդիկ, Վենետիկ, 1998, 111 էջ։
Առկայծող հայեր Եւրոպայի լոյսերուն մէջ, Պէյրութ, 1999, 222 էջ։
Սփիւռքի տասնամեակները։ 60 ամեայ սփիւռքը։ Անհետացած դէմքեր, Հալէպ, 2000, 173 էջ։
Սէրը եղեռնին մէջ, Երևան, 2004, 236 էջ։
Մանկություն չունեցող մարդիկ, Երևան, 2011, 240 էջ։
Letter to Yerevan, («Թուղթ առ Երևան», անգլերէն թարգ.), Ուաթըրթաուն ԱՄՆ, 2018, 119 էջ։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 https://avproduction.am/?ln=am&page=person&id=2654
↑ «AV Production - Անդրանիկ Ծառուկյան»։ avproduction.am։ Վերցված է 2018 թ․ հոկտեմբերի 4

Գրականություն[խմբագրել | խմբագրել կոդը]

Անդրանիկ Ծառուկյանի առաջին այցելությունը Խորհրդային Հայաստան, Փաստաթղթեր, Ե., 2008։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 118)։

[_50aad2bb989f2593-1] 1,0 ^1,1 ^1,2 https://avproduction.am/?ln=am&page=person&id=2654

[2] «AV Production - Անդրանիկ Ծառուկյան»։ avproduction.am։ Վերցված է 2018 թ․ հոկտեմբերի 4

[1]

[2]