Ածպտեր Վերին

Ածպտեր Վերին, գյուղ Արևմտյան Հայաստանում, Սեբաստիայի վիլայեթի Շապին Գարահիսարի գավառում։ Գտնվում էր Ակշապատ դաշտում, Ածպտեր Ներքին գյուղի մոտակայքում։

Բնակչություն

1872-1873 թվականներին ուներ 123 տուն հայ և մոտ 40 տուն թուրք բնակիչ։ Մեծ եղեռնի նախօրեին ուներ 180 տուն հայ` 1906 բնակչով և 300 թուրքեր։

Տնտեսություն

Բնակչության հիմնական զբաղմունքը անասնապահություն, հողագործությունն ու արհեստներն էր։

Պատմամշակութային կառույցներ

Ածպտեր Վերինն ուներ Ս. Կարապետ անունով եկեղեցի։ Ածպտեր Վերին և Ածպտեր Ներքին գյուղերի միջև կար վանք, որը կրում էր 12 առաքյալների անունը։ Վանք հանդիսանում էր Շապին Գարահիսարի թեմի կենտրոնն ու առաջնորդի աթոռանիստը։

Տես նաև

• Սեբաստիայի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն