Էսկիշեհիր (Շապին Գարահիսարի գավառ)

Էսկիշեհիր, գյուղ պատմական Փոքր Հայքում, իսկ ապա Արևմտյան Հայաստանում, Սեբաստիայի վիլայեթի Շապին Գարահիսարի գավառում։

Պատմություն

Գյուղն ավերվել, իսկ բնակչությունը կոտորվել կամ բռնությամբ տեղահանվել են 1915 թվականի Մեծ եղեռնի ժամանակ

Բնակչություն

1872-1873 թվականներին ուներ 20 տուն, իսկ 1915 թվականին՝ 75 տուն հայ բնակիչ։

Տնտեսություն

Բնակչության հիմնական զբաղմունքը երկրագործություն, անասնապահությունն ու առևտուրն էր։

Պատմամշակութային կառույցներ

Էսկիշեհիրն ուներ Ս. Մինաս (կամ Ս. Աստվածածին) անունով եկեղեցի, որը կառուցված էր 1272 թվականին։

Կրթություն

Եկեղեցուն կից գործում էր վարժարան, որտեղ 1915 թվականի նախօրյակին սովորում էին 25 սաներ։

Անվանի մարդիկ

Էսկիշեհիրում է ծնվել բանասեր-պատմաբան Հ. Անանյանը (1904-?) և նկարիչ Հակոբ Առատը (1913-?):

Տես նաև

• Սեբաստիայի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 4, էջ 77)։