Ալֆրեդ Հիչքոք

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Ալֆրեդ Հիչքոք
անգլ.՝ Alfred Hitchcock
Hitchcock, Alfred 02.jpg
Ծնվել է օգոստոսի 13, 1899(1899-08-13)[1][2][3][4][5][6][7][8]
Ծննդավայր Leytonstone, London Borough of Waltham Forest, Մեծ Լոնդոն, Անգլիա, Մեծ Բրիտանիայի և Իռլանդիայի միացյալ թագավորություն[1][9]
Մահացել է ապրիլի 29, 1980(1980-04-29)[1][3][4][5][6][7][10][11][8] (80 տարեկանում)
Մահվան վայր Բել Ամիր, Լոս Անջելես, Կալիֆոռնիա, Ամերիկայի Միացյալ Նահանգներ[12][13][14]
Կրթություն Լոնդոնի համալսարան, Tower Hamlets College և Salesian College (London)
Քաղաքացիություն Flag of the United Kingdom.svg Միացյալ Թագավորություն[15]
Flag of the United States.svg Ամերիկայի Միացյալ Նահանգներ[16]
Flag of the United Kingdom.svg Մեծ Բրիտանիայի և Իռլանդիայի միացյալ թագավորություն
Ազգություն Irish migration to Great Britain
Կրոն կաթոլիկություն
Մասնագիտացում կինոռեժիսոր, սցենարիստ, կինոպրոդյուսեր, մոնտաժող և հեռուստատեսային պրոդյուսեր
Ոճ(եր) թրիլեր և սասպենս
Ամուսին Alma Reville
Պարգևներ AFI կյանքի նվաճումներ մրցանակ, Պատվո լեգեոնի շքանշանի ասպետ, Բրիտանական կայսրութւան շքանշանի ասպետ-կոմանդոր, BAFTA Academy Fellowship Award, Էդգար Ալան Պոյի մրցանակ, Արվեստի և գրականության շքանշանի սպա, Արվեստի և գրականության շքանշան, Բրիտանական կայսրության շքանշան, Օսկար, Ոսկե գլոբուս, Silver Shell for Best Director, Սատուրն մրցանակ, «Ոսկե գլոբուս» Սեսիլիա Բ․ Դե Միլի մրցանակ և Իրվինգ Թալբերգի անվան մրցանակ
IMDb ID ID 0000033
hitchcock.tv

Սըր Ալֆրեդ Ջոզեֆ Հիչքոք (անգլ.՝ Sir Alfred Joseph Hitchcock, օգոստոսի 13, 1899(1899-08-13)[1][2][3][4][5][6][7][8], Leytonstone, London Borough of Waltham Forest, Մեծ Լոնդոն, Անգլիա, Մեծ Բրիտանիայի և Իռլանդիայի միացյալ թագավորություն[1][9] - ապրիլի 29, 1980(1980-04-29)[1][3][4][5][6][7][10][11][8], Բել Ամիր, Լոս Անջելես, Կալիֆոռնիա, Ամերիկայի Միացյալ Նահանգներ[12][13][14]), անգլիացի և ամերիկացի ռեժիսոր, սցենարիստ և պրոդյուսեր է, շատ հաճախ նրան վերագրում են «Սասպենսի Վարպետ» մականունը։ Նա հիմնադրել է սասպենսի և հոգեբանական թրիլերի շատ էլեմենտներ: Նա ունեցավ հաջողված կարիերա բրիտանական կինոմատոգրաֆիայում և ճանաչվեց Անգլիայի լավագույն ռեժիսոր: Հիչքոքը տեղափոխվեց Հոլիվուդ 1939 թ. և դարձավ Ամերիկայի քաղաքացի 1955 թ.: Հիչքոքը ստեղծել էր իրեն հատուկ ռեժիսորական ոճ: Նա կարողանում էր իր ֆիլմերում վարպետորեն ստեղծել տագնապային անորոշության և լարված սպասումի մթնոլորտ կինոդիտողի համար։ Կյանքի վերջում Ամերիկյան կինոակադեմիայի կողմից ստացել է պատվո մրցանակ, իսկ Անգլիայի թագուհի Էլիզաբեթ II-ը նրան տվել է ասպետի կոչում։

Իր կարիերայի 60 տարիների ընթացքում Հիչքոքը նկարահանել է ավելի քան 50 ֆիլմ և հաճախ դիտվում է որպես կինոմատոգրաֆիայի պատմության ամենաազդեցիկ ռեժիսորներից մեկը: Համաձայն 2007 թ. Բրիտանիայում արված հարցմանը, Հիչքոքը համարվում է Բրիտանիայի լավագույն ռեժիսորը:

Կենսագրություն[խմբագրել | խմբագրել կոդը]

Վաղ կյանք[խմբագրել | խմբագրել կոդը]

Ալֆրեդ Հիչքոքը ծնվել է 1899 թվականի օգոստոսի 13-ին Լոնդոնում։ Ընտանիքում երկրորդ որդին էր և երեք երեխաներից ամենափոքրը: Նրա հայրը նպարավաճառ էր։ Հիչքոքը դաստիարակվել էր որպես կաթոլիկ: Սովորել է Բատտերսիի Սալեսիան քոլեջում և Լոնդոնի Ս. Իգնատիուսի անվ. քերականական դպրոցում: Նրա ծնողները անգլա-իռլանդական ծագում ունեին: Իր մանկությունը Հիչքոքը նկարագրում է միայնակ և փակված միջավայրում ձևավորված, որը ավելի էր վատթարանում իր գիրության պատճառով: Հինգ տարեկան հասակում Հիչքոքի հայրը տղային պատժելու համար ուղարկել էր նրան ոստիկանություն և խնդրել, որ ոստիկանները Հիչքոքին 5 րոպեով փակեն բանտախցում: Այս պատահարը սերմանեց Հիչքոքի մեջ վախ ոստիկանների նկատմամբ, որը ձգվեց մինչ իր կյանքի ավարտը:

Հոր մահից հետո Հիչքոքը թողեց Ս. Իգնատիուսը Լոնդոնի համալսարանում ճարտարագիտություն ուսանելու համար:

Միջպատերազմական շրջանի կարիերա[խմբագրել | խմբագրել կոդը]

Համր ֆիլմեր[խմբագրել | խմբագրել կոդը]

Դեռ դեռահասության տարիներից Հիչքոքը սիորում էր ֆիլմեր և 1920 թվականից աշխատել է կինոստուդիայում։ Սկզբում նա քարտեր էր նկարում դերասանների անունով ֆիլմի տիտրերի համար, հետո սկսեց սցենարներ գրել և աշխատել որպես ռեժիսորի օգնական։ Այս վերելքը տևեց ընդամնեը 5 տարի: «Կինը կնոջը» (1923), «Սպիտակ Ստվերը»(1924), «Կրքոտ ավանտյուրա»(1924), «Սրիկա»(1925) ֆիլմերի շարքում եղել է ռեժիսորի օգնական:

Հիչքոքի առաջին ֆիլմերը նրան հաջողություն չբերեցին: Սակայն ամեն ինչ փոխվեց, երբ Հիչքոքը 1927 թվականին նկարահանեց իր առաջին թրիլեր ֆիլմը՝ «Վարձով բնակվողը. պատմություն Լոնդոնյան մառախուղի մասին»։ Կինովարձույթում այս ֆիլմը ունեցավ ցնցող հաջողություն:

1926 թվականի դեկտեմբերի 2-ին ամուսնացել է մասնագիտությամբ կինոմոնտաժող Ալմա Ռեվիլի հետ, ում հետ ծանոթացել էր 1923 թվականին «Կինը կնոջը» ֆիլմի նկարահանումների ժամանակ։ 1928 թվականին նրանք ունեցան մեկ աղջիկ՝ Պատրիսիա Հիչքոք, ով հետագայում դարձավ դերասանուհի։

Վաղ ձայնային ֆիլմեր[խմբագրել | խմբագրել կոդը]

Բրիտանական առաջին ձայնային ֆիլմի հեղինակը Ալֆրեդ Հիչքոքն է՝ «Շանտաժ» (1929), որն ի դեպ ունեցավ հաջողություն կինովարձույթում։

1933 թ. Հիչքոքը կրկին սկսեց աշխատել Մայքլ Բալքոնի հետ: Իր առաջին ֆիլմը Բալքոնի կազմակերպության համար եղել է

«Մարդն, ով չափից շատ գիտեր»(1934) ֆիլմը, որը հաջողություն վայելեց, իսկ երկրորդը՝ «39 քայլերը»(1935) համարվում է Հիչքոքի վաղ շրջանի լավագույն ֆիլմերից: Հաջորդ հաջողված ֆիլմը եղել է «Կինն անհետանում է» (1938): Ֆիլմը նկարագրվել է որպես «ժանրի ոսկե դարաշրջանի լավագույն ֆիլմերից մեկը»:

Ռեժիսորական ձեռագիրը[խմբագրել | խմբագրել կոդը]

Հիչքոքի ռեժիսորական ձեռագրի առանձնահատկություններից է ֆիլմում ձայնի աշխատանքը, նա օգտագործում էր անսպասելի ձայնային էֆեկտներ կարևոր տեսարանները առավել տպավորիչ դարձնելու համար։ Նույն նպատակին էր ծառայեցնում նաև երաժշտությունը, որ իր ֆիլմերի համար հիմնականում գրում էր Բերնարդ Հերրմանը։ Հիչքոքի հերոսները հիմնականում մարդիկ էին, ովքեր հայտնվել են իրադարձությունների թակարդում։ Ֆիլմերի սյուժեները կարելի է բաժանել 3 հիմնական մասի։

  • Սխալմամբ սպանությունների կասկածյալներ. ովքեր սակայն սպանության մասնակից չեն եղել, և ստիպված են վարել սեփական հետաքննությունը որպեսզի ապացուցեն իրենց անմեղությունը («Վարձով բնակվողը», «39 աստիճաններ», «Դիվերսանտ», «Անծանոթները գնացքում», «Ես խոստովանում եմ», «Բռնել գողին», «Ոչ այն մարդը», «Հյուսիս-արևմուտքով դեպի հյուսիս», «Զարմանք»)
  • ճակատագրական կինը սիրեկանին շեղում է ճշմարտություն ճանապարհից, որպես կանոն, որպեսզի մեռնի նրա հետ («Շանտաժ», «Սաբոտաժ», «Ռեբեկկա», «Վատ համբավ», «Գլխապտույտ», «Մարնի»)
  • Դասական դետեկտիվ. հոգեկան լուրջ խանգարում ունեցող անձի կողմից կատարված սպանություն հետաքննություն («Կասկածանքի ստվեր», «Պարան», «Բակ նայող լուսամուտը», «Պսիխո», «Զարմանք»)

Հիչքոքը սիրում էր երևալ իր ֆիլմերում էպիզոդիկ դերերով՝ կամեո և նկարահանվել է իր վերջին շրջանի գրեթե բոլոր ֆիլմերում։ Իր ամբողջ կյանքի ընթացքում, հատկապես վերջին տարիներին Հիչքոքը սիրում էր իրեն պարուրել խորհրդավոր, առեղծվածային մթնոլորտով։

Մրցանակներ և փաստեր[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 1,5 1,6 1,7 German National Library, Berlin State Library, Bavarian State Library et al. Record #118551647 // Gemeinsame Normdatei — 2012—2016.
  2. 2,0 2,1 data.bnf.fr: տվյալների բաց շտեմարան — 2011.
  3. 3,0 3,1 3,2 3,3 3,4 Alfred Hitchcock
  4. 4,0 4,1 4,2 4,3 4,4 SNAC — 2010.
  5. 5,0 5,1 5,2 5,3 5,4 Nationalencyklopedin — 1999.
  6. 6,0 6,1 6,2 6,3 6,4 Find A Grave — 1995. — ed. size: 165000000
  7. 7,0 7,1 7,2 7,3 7,4 Internet Speculative Fiction Database — 1995.
  8. 8,0 8,1 8,2 8,3 8,4 filmportal.de
  9. 9,0 9,1 9,2 http://news.bbc.co.uk/2/hi/uk_news/england/london/8006735.stm
  10. 10,0 10,1 10,2 RKDartists
  11. 11,0 11,1 11,2 http://www.nndb.com/people/664/000026586/
  12. 12,0 12,1 12,2 http://www.findadeath.com/Deceased/h/Alfred%20Hitchcock/alfred_hitchcock.htm
  13. 13,0 13,1 13,2 http://www.contactmusic.com/alfred-hitchcock
  14. 14,0 14,1 14,2 http://www.hollywoodsgoldenage.com/moguls/alfred_hitchcock.html
  15. LIBRIS — 2012.
  16. http://www.nytimes.com/2009/11/01/movies/homevideo/01dvds.html

Արտաքին հղումներ[խմբագրել | խմբագրել կոդը]

Wikiquote-logo-hy.svg
Վիքիքաղվածքն ունի քաղվածքների հավաքածու, որոնք վերաբերում են
Ալֆրեդ Հիչքոք հոդվածին