Սերգեյ Մերգելյան

Սերգեյ Մերգելյան
(մաթեմատիկոս)
ԱԱՀ՝	Սերգեյ Մերգելյան
Ծննդյան օր՝	մայիսի 19, 1928
Ծննդավայր՝	Սիմֆերոպոլ (Ռուսաստան)
Վախճանի օր՝	օգոստոսի 19, 2008
Վախճանի վայր՝	Լոս Անջելես (ԱՄՆ)

Սերգեյ Մերգելյան (մայիսի 19 1928 - օգոստոս 19 2008), հայ մաթեմատիկոս, գիտության և կրթության ականավոր գործիչ։

Կենսագրությունը

Ծնվել է 1928 թվականին Սիմֆերոպոլում։

Թեկնածուական թեզը առնչվում էր ֆունկցիաների մոտավորության տեսությանը։ 1951 թվականին Մերգելյանը ապացուցել է բազմանդամային մոտավորության թեորեմը։

19 տարեկանում էքստերն ավարտել է ԵՊՀ-ի ֆիզիկամաթեմատիկական ֆակուլտետը։ 21 տարեկան հասակում Մերգելյանը դառնում է գիտությունների դոկտոր, 25 տարեկանում ընտրվում ԽՍՀՄ և ՀԽՍՀ ԳԱ թղթակից անդամ, իսկ 28 տարեկանում՝ Հայաստանի գիտությունների ակադեմիայի ակադեմիկոս։

Նա եղել է ԽՍՀՄ ԳԱ Ստեկլովի անվան Մաթեմատիկայի ինստիտուտի կոմպլեքս անալիզի բաժնի հիմնադիրը և ղեկավարը։ Հետագայում Հայաստանում հիմնել է մաթեմատիկական մեքենաների Երևանի գիտահետազոտական ինստիտուտը, իսկ հետագայում նաև արտադրական ձեռնարկություններ։ Այդպիսով սկիզբ է դրվել ժամանակակից հաշվողական մեքենաների արտադրության ստեղծմանը Հայաստանում։ Շնորհիվ Մերգելյանի կազմակերպական տաղանդի՝ Հայաստանը դարձավ այդ ուղղությամբ ԽՍՀՄ հիմնական կենտրոններից մեկը։

Ինստիտուտի տնօրենն է եղել 1956-1960 թվերին։

Մերգելյանը ԽՍՀՄ-ի տարիներին արժանացել է Ստալինյան մրցանակի, իսկ ՀՀ նախագահի 2008 թվականի մայիսի 26-ի հրամանագրով նրան հանձնվել է Սուրբ Մեսրոպ Մաշտոցի անվան շքանշան։ Մրցանակը նրան է տրվել Լոս Անջելեսում, քանի որ այդ ժամանակ Մերգելյանը մշտական բնակություն էր հաստատել ԱՄՆ-ում։

Մերգելյանը մահացել է 2008 թվականին՝ Լոս Անջելեսում՝ երկարատև հիվանդությունից հետո։

Գրականություն Ս. Մերգելյանի մասին

• Աշոտ Արզումանյան, Հրաշալի էստաֆետը, Երևան, «Հայաստան», 1971, 207 էջ։

Հղումներ

• Հոդված «Ազգ» օրաթերթում Սերգեյ Մերգելյանի մասին։
• Սերգեյ Մերգելյանի կենսագրությունը

Արտաքին հղումներ

• Ռեզյումեն ՀՀ Գիտությունների Ազգային Ակադեմիայի կայքում։
• Սերգեյ Մերգելյանը մաթեմատիկական տոհմածառ նախագծում
• Սերգեյ Մերգելյանի մասին «Նոյյան տապանի» հիշարժան տարեթվերում։