Յուրի Վարդանյան

Վիքիպեդիայից՝ ազատ հանրագիտարանից
Վարդանյանը 1980 թվականի Մոսկվայի օլիմպիական խաղերի ոսկե մեդալակիր

Յուրի Վարդանյան (ծնվել է 13.06.1956 թվականին Լենինական քաղաքում) աշխարահռչակ ծանրամարտիկ։ 1977 թվականին ստացել է ԽՍՀՄ սպորտի վաստակավոր վարպետի կոչում։ Ավարտել է Լենինականի Մանկավարժական Ինստիտուտը (1980)։ Նա բազմակի աշխարհի (1977-79, 1980-1981, 1983, 1985), օլիմպիական (1980), Եվրոպայի (1977-1978, 1980-1981, 1983) և ԽՍՀՄ ( 1977, 1979, 1981) չեմպիոն ու գավաթակիր (1976) է։ 1978-81-ին Ճանաչվել է աշխարհի լավագույն ծանրորդ, սահմանել 43 աշխարհի ռեկորդ (1985)։ 1980, միջին քաշում առաջինը, երկամարտի ցուցանիշը հասցրել է 400 կգ-ի։ Մոսկովյան օլիմպիադայում (1980) արժանացել է «ոսկե կիլոգրամներ» մրցանակին (անձնական քաշից առավելագույն ծանրություն հաղթահարելու համար)։ Տարբեր մրցումներում նվաճել է 111 ոսկե մեդալ (1985)[1]։

Կրթություն[խմբագրել]

  • 1974-1980թթ. – սովորել և ավարտել է Լենինականի Մ. Նալբանդյանի անվան պետական մանկավարժական ինստիտուտի ֆիզիկական դաստիարակության ֆակուլտետը՝ ֆիզիկական կուլտուրայի ուսուցչի որակավորմամբ։
  • 1984-1987թթ. - սովորել և ավարտել է Երևանի Ժողովրդական տնտեսության ինստիտուտի «Ժողովրդական տնտեսության պլանավորում» ֆակուլտետը՝ տնտեսագետի որակավորմամբ։

Աշխատանքային գործունեություն[խմբագրել]

  • 1973-1974թթ. - Լենինականի վագոնային դեպոյի հրահանգիչ։
  • 1986-1988թթ. – Լենինականի արհմիությունների մարզական ընկերության նախագահ։
  • 1989-1991թթ. – Արհմիությունների հանրապետական սպորտընկերության նախագահ։
  • 1991-1993թթ. – ԱՄՆ-ի ծանրամարտի հավաքականի խորհրդատու-մարզիչ։
  • 1994-1997թթ. – ԱՄՆ-ի բասկետբոլի ազգային ասոցիացիայի «Չիկագո բուլս» թիմi ֆիզիկական պատրաստվածության գծով մարզիչ։
  • 1998-2002թթ. – Գյումրիի հայրենակցական միության նախագահ։
  • 2003-2008թթ. – Կալիֆորնիայի Հայերի միության նախագահ։
  • 2009-2013թթ. - ՀՀ նախագահի խորհրդական։
  • 2013թ. մայիսի 8-ից 2014թ. մայիսի 3-ը - ՀՀ սպորտի և երիտասարդության հարցերի նախարար։
  • 2014թ. հունիսի 24-ին ՀՀ Նախագահի հրամանրով նշանակվել է Վրաստանում Հայաստանի Հանրապետության արտակարգ և լիազոր դեսպան (նստավայրը՝ Թբիլիսի)։

Մարզական կարիերա[խմբագրել]

1970 թվականից իր հորեղբոր՝ Սերգեյ Վարդանյանի ղեկավարությամբ, Յուրի Վարդանյանը լրջորեն սկսում է զբաղվել ծանրամարտով։ 1975-1976 թվականներին դարձել է աշխարհի և Եվրոպայի պատանեկան չեմպիոն 75 կգ քաշային կարգում։ 1977 թվից ԽՍՀՄ ազգային հավաքականի անդամ էր։ Սակայն իր առաջին խոշոր նվաճմանը Յուրի Վարդանյանը հասավ Մոսկվայի օլիմպիական խաղերի (1980) ժամանակ։ Հանդես գալով 82,5 կգ քաշային կարգում, նա նվաճեց ոսկե մեդալ և սահմանեց 5 աշխարհի ռեկորդ՝ միջին քաշային կարգում, երկամարտի արդյունքում, բարձրացնելով 400 կգ[2]։

Հաջորդող տարիների ընթացքում Յուրի Վարդանյանը շարունակում էր մնալ իր քաշայուն կարգում անգերազանցելի։ 1985 թվականին Յուրի Վարդանյանը հաղթեց իր վերջին աշխարհի առաջնությունը։ Նույն թիվն նա ընտրվել է Հայկական ԽՍՀ-ի գերագույն խորհրդի անդամ և սկսել է զբաղվել քաղաքական գործունեությամբ։

Նա մարզում է իր տղային՝ Նորայր Վարդանյանին, որը 2008 թվականին դարձել է ծանրամարտի ԱՄՆ-ի չեմպիոն 94 կգ քաշային կարգում։

Պարգևներ և կոչումներ[խմբագրել]

Երևանի տնտեսա-իրավաբանական ինստիտուտի պրոֆեսոր է, Երևանի ֆիզիկական կուլտուրայի հայկական պետական ինստիտուտի պատվավոր պրոֆեսոր։ Պարգևատրվել է Լենինի, «Աշխատանքային կարմիր աստղի», «Սուրբ Մեսրոպ Մաշտոց», ԼՂՀ «Մեսրոպ Մաշտոց» շքանշաններով։ Եղել է ՀՍՍՀ Գերագույն Սովետի 10-րդ և 11-րդ գումարման դեպուտատ։ ԽՍՀՄ սպորտի վաստակավոր վարպետ է, աշխարհի 43 ռեկորդների հեղինակ, Եվրոպայի 8-ակի և աշխարհի 9-ակի չեմպիոն, օլիմպիական խաղերի չեմպիոն։ Կրտսեր լեյտենանտ է։

Ամուսնացած է, ունի երեք որդի։

Նախորդող
Հովհաննես Մանուկյան
Վրաստանում ՀՀ արտակարգ և լիազոր դեսպան
Յուրի Վարդանյան

24 հունիսի 2014 -
Հաջորդող
ներկայումս պաշտոնավարում է
Նախորդող
Հրաչյա Ռոստոմյան
ՀՀ Սպորտի և երիտասարդության հարցերի նախարար
Յուրի Վարդանյան

8 մայիսի 2013-3 մայիսի 2014
Հաջորդող
Գաբրիել Ղազարյան

Հղումներ[խմբագրել]

Սկզբնաղբյուրներ[խմբագրել]

  1. Հայկական Սովետական հանրագիտարան, 1980, Հայկական Սովետական հանրագիտարանի գիտահրատարակչական խորհուրդ, Հայկական ՍՍՀ Գիտությունների Ակադեմիա
  2. Тяжёлая атлетика на XXII Олимпийских играх