Ջուդի Գառլենդ

Վիքիպեդիայից՝ ազատ հանրագիտարանից
Ջուդի Գառլենդ
Judy Garland The Harvey Girls MGM Publicity still.jpeg
Ջ. Գառլենդը «Հարվիի աղջիկները» ֆիլմում
Բնագիր ԱԱՀ Frances Ethel Gumm
Հասակը՝ 151 սմ
Ծնվել է՝ 1922 թ., հունիսի 10 (1922-06-10)
Ծնվելու վայր՝ Գրանդ Ռապդս, Մինեսոտա, ԱՄՆ-ի դրոշը ԱՄՆ
Վախճանվել է՝ Լոնդոն, Մեծ Բրիտանիա
Վախճանի օր՝ հունիսի 22, 1969 (47 տարեկան)
Ազգություն՝ ԱՄՆ-ի դրոշը ԱՄՆ
Մասնագիտություն դերասանուհի, երգչուհի
Ակտիվ շրջան 1929-1967
Ամուսին(ներ) Դևիդ Ռոուզ (1941-1944),

Վինսենթ Մինելլի (1945-1951),
Սիդ Լաֆթ (1952-1965),
Մարկ Հերոն (1965-1967),
Միկի Դինս (1969-մինչ իր մահը)

Երեխա(ներ) Լայզա Մինելլի,
Լորան Լաֆթ,
Ջոու Լաֆթշ
էջ IMDb-ում ID 0000023
էջ ԿինոՊոիսկ-ում ID 106063

Ջուդի Գառլենդ (անգլ.՝ Judy Garland, իսկական անուն ազգանունը՝ Ֆրենսիս Էթել Գամ, հունիսի 10, 1922, Գրանդ Ռապդս, Մինեսոտա, ԱՄՆ - հունիսի 22, 1969, Լոնդոն, Մեծ Բրիտանիա), ամերիկացի դերասանուհի և երգչուհի։ Դերասանուհի Լայզա Մինելլիի և Լորան Լոֆթի մայրը։

Ամերիկյան բոլոր ժամանակների ֆիլմերի 100 մեծագույն աստղերի ցանկում 8-րդն է։

Կենսագրություն[խմբագրել]

Ջուդի Գառլենդը ծնվել է շրջիկ դերասանների ընտանիքում։ Արդեն մանուկ հասակից սկսել է հանդես գալ որպես դերասանուհի և երգչուհի։ Արդեն 3 տարեկանում ավագ քույրերի՝ Մերի Ջեյն Գամմի (1915 - 1964) և Դորոտի Վիրջինա Գամմի (1917 - 1977) հետ բեմ է բարձրացել իր հոր ներկայացման մեջ, որտեղ երգչախմբի կազմում երգել է «Jingle Bells» երգը։

1934 թվականին նրա քույրերը արդեն միասին համերգներով հանդես էին գալիս Չիկագոյի «Արևելյան թատրոնում» «Գամմ քույրեր» անունով շոու ներկայացման մեջ Ջորջ Ջեսսելի հետ։ Հենց նա էր, ով խորհուրդ տվեց քույրերի փոխել ազգանունները դառնալով «Գառլենդ քույրեր»։ Շուտով նաև իր անունը՝ Ֆրենսիս, նա փոխեց Ջուդի, ոգեշնչված լինելով Հոագի Կառմայքլի ճանաչված երգերից մեկով։

Նրանց մայրը համառորեն ուզում էր աղջիկներին նկարահանել կինոյում և նրա միջոցով քույրերը 1935 թվականին ընդունվում են «Metro-Goldwyn-Mayer» կինոընկերություն։ Ռեժիսոր Լուիս Մայերը հավանում է Ջուդիի դերասանական կեցվածքը և ընկերությունը 13-ամյա աղջկա հետ կնքում է երկարաժամկետ պայմանագիր, ընդ որում առանց կինոփորձերի և դա դարձավ միակ դեպքը «MGM» կինոստուդիայի պատմության մեջ։

17 տարեկանում Ջուդի Գառլենդը խաղաց «Օզ երկրի հրաշագործը» երաժշտական ֆիլմում, որի համար ստացավ հատուկ Օսկար մրցանակ։

Անձնական կյանք[խմբագրել]

1941 թվականի հունիսի 28-ին 19 տարեկան հասակում Ջուդի Գառլենդը ամուսանացավ 31-ամյա երաժիշտ Դևիդ Ռոուզի հետ։ Հաջորդ տարի նա երեխա էր սպասում Դևիդից, սակայն ամուսնու, մոր և «MGM» կինոընկերության պահաջով ընդհատեց հղիությունը։ 1944 թվականին նրանք ամուսնալուծվեցին։

1945 թվականին Ջուդին ամուսնացավ ռեժիսոր Վինսենթ Մինելլիի հետ։ Մեկ տարի անց նրանք ունեցան աղջիկ՝ Լայզա Մինելլի, ով նույնպես դարձավ դերասանուհի։ 1951 թվականին նրանք նույնպես ամուսնալուծվեցին։ 1952 թվականին Ջուդին ամուսանացավ պրոդյուսեր Սիդնի Լաֆթի հետ, նրաք ունեցան երկու երեխա՝ աղջիկ Լորան (1952) և տղա՝ Ջոու (1955)։ 1965 թվականին նրանք նույնպես ամուսնալուծվեցին։ Դրանից հետո դերասանուհին ամուսնացավ ևս 2 անգամ՝ Մարկ Հերոնի հետ (1965 - 1966) և նրանցի բաժանվելուց հետ կյանքի վերջին տարիները ամուսնացած էր Միկի Դինսի հետ։

1969 թվականի հունիսի 22-ին Ջուդի Գառլենդին մեռած հայտնաբերեցին Լոնդոնյան Չելսի թաղամասումգտնվող առաձնատան լոգարանում։ Մահվան պատճառ էր եղել բարբիտուր դեղամիջոցի չափից ավելի քանակի օգտագործումը։ Դերասանուհին թաղված է Նյու Յորքի Ֆերնկլիֆֆ գերեզմանատանը։

Ֆիլմագրություն[խմբագրել]

Խաղացել է ընդհանուր թվով մոտ 30 ֆիլմում, նրա ձայնը հնչում է 100-ից ավելի ֆիլմերում։
Առավել նշանավոր ֆիլմերից են

տարի ֆիլմ ռեժիսոր խաղընկերներ
1939 «Օզ երկրի հրաշագործը» Վիկտոր Ֆլեմինգ
1944 «Դիմավորիր ինձ Սենտ Լուիսում» Վինսենթ Մինելլի
1950 «Ամառային հյուրախաղեր» Չառլզ Ուոտերս Ջին Քելլի
1954 «Աստղ է ծնվել» Ջորջ Կյուկոր Ջեյմս Մեյսոն
1961 «Նյուրնբերգյան դատավարություն» Սթենլի Կրամեր Սփենսեր Թրեյսի
Բերտ Լանկաստեր
Ռիչարդ Ուիդմարկ
Մաքսիմիլիան Շելլ
Մոնտգոմերի Կլիֆտ
Մառլեն Դիտրիխ

Մրցանակներ[խմբագրել]

2 անգամ ներկայացվել է Օսկարի «Աստղ է ծնվել» ֆիլմի համար Օսկար լավագույն դերասանուհու համար և 1961 թվականին «Նյուրնբերգյան դատավարություն» ֆիլմի համար որպես երկրորդ պլանի դերասանուհի։ «Օզ երկրի հրաշագործը» ֆիլմի համար ստացել է հատուկ Օսկար որպես պատանի դերասանուհի։ Ստացել է նաև 2 Ոսկե Գլոբուս, իսկ որպես երգչուհի 3 անգամ ստացել է Գրեմմի։

Արտաքին հղումներ[խմբագրել]

Գրականություն[խմբագրել]

  • Bianco, David. Gay Essentials։ Facts For Your Queer Brain. Alyson Publications. Los Angeles, 1999. ISBN 1-55583-508-2.
  • Clarke, Gerald (2001). Get Happy։ The Life of Judy Garland. New York, Random House. ISBN 0-375-50378-1.
  • DiOrio, Jr., Al. Little Girl Lost։ The Life and Hard Times of Judy Garland. Manor Books. New York, 1973.
  • Duberman, Martin (1993). Stonewall. Penguin Books. ISBN 0-525-93602-5.
  • Edwards, Anne. Judy Garland. Simon & Schuster. New York, 1975. ISBN 0-671-80228-3 (paperback edition).
  • Finch, Christopher. Rainbow։ The Stormy Life of Judy Garland. Ballantine Books. 1975. ISBN 0-345-25173-3 (paperback edition).
  • Frank, Gerold. Judy. Harper & Row. New York, 1975. ISBN 0-06-011337-5.
  • Juneau, James. Judy Garland։ A Pyramid Illustrated History of the Movies. Pyramid Publications. 1974, New York. ISBN 0-515-03482-7.
  • Luft, Lorna. Me and My Shadows։ A Family Memoir. Simon & Schuster. New York, 1999. ISBN 0-283-06320-3.
  • Sanders, Coyne Steven. Rainbow's End։ The Judy Garland Show. Zebra Books. 1990 ISBN 0-8217-3708-2 (paperback edition).
  • Seaman, Barbara. Lovely Me։ The Life of Jacqueline Susann. Seven Stories Press. 1996, New York. ISBN 0-9658770-6-X (1996 edition).
  • Shipman, David. Judy Garland։ The Secret Life of an American Legend. Hyperion. New York, 1992. ISBN 0-7868-8026-0 (paperback edition).
  • Steiger, Brad (1969). Judy Garland. New York, Ace Books.
  • Wayne, Jane Ellen (2003). The Golden Girls of MGM. New York, Carroll & Graf Publishers. ISBN 0-7867-1303-8.