Ջեյսոն Սթեթհեմ

Վիքիպեդիայից՝ ազատ հանրագիտարանից
Picto infobox film.png
Ջեյսոն Սթեթհեմ
Ջեյսոն Մայքլ Սթեթհեմ
Jason Statham 2007.jpg
Բնօրինակ անուն Ջեյսոն Մայքլ Սթեթհեմ
Հասակը 175 սմ
Ծնվել է՝ սեպտեմբերի 12, 1967 (1967-09-12) (47 տարեկան)
Ծննդավայր Լոնդոն, Անգլիա,
{{{2}}} ՄԹ
Ազգություն {{{2}}} ՄԹ
Մասնագիտություն Դերասան
Ակտիվ շրջան 1998–այժմ
Ժանրեր Թրիլեր,
Քրեական,
Մարտական
Ընտրանի "Փոխադրողը",
"Փոխադրողը 2",
"Պահապանը"
IMDb ID 0005458
ԿինոՊոիսկ ID 1514

Ջեյսոն Սթեթհեմ (անգլ.՝ Jason Statham, ծնվ. սեպտեմբերի 12, 1967, Չեստերֆիլդ, Անգլիա), անգլիացի դերասան։

Կենսագրություն[խմբագրել]

Ջեյսոն Սթեթհեմը ծնվել է 1967 թվականի սեպտեմբերի 12-ին Անգլիայի Չեստերֆիլդ քաղաքում։ Նրա հայրը բռնցքամարտիկ էր, իսկ մայրը՝ երգչուհի և պարուհի։ Տեղափոխվել է Գրեյտ-Յարմուտ, որտեղ ձեռք է բերում թատրոնի դերասանի մասնագիտություն։ Նաև տեղի միջնակարգ դպրոցում ընգրկվում է ֆուտբոլի թիմի կազմում՝ խաղալով 1978-83 թթ.։ Սակայն նրա իսկական հետաքրքրությունը ջրացատկն էր։ Մոտ 12 տարի նա Մեծ Բրիտանիայի րջացատակի ազգային թիմի անդամ էր, իսկ 1992 թվականին աշխարհի առաջնությունում գրավել է 12-րդ տեղը։ Մի առիթով Ջեյսոն Սթեթհեմը պատմել է, որ սպորտը նրա հոբբին էր, իսկ գումար նա վաստակում էր փողոցներում զարդեր և օծանելիքներ վաճառելով[1]։

Նրա հայրը բռնցքամարտիկ և գիմնաստ էր։ Նա որդիների հետ պարապմունքներ էր անցկացնում։ Մեծ եղբայրը սիրում էր մարտարվեստներ և հաճախ փոքրիկ Ջեյսոնի հետ պարապմունքներ էր անցկացնում։ Մեծանալով Ջեյսոնը նույնպես դառնում է մարտարվեստների մասնագետ և ապագա ռեժիսոր Գայ Ռիչչի հետ միասին զվաղվում էր ջիու-ջիցուով[2]

Մոդելի կարիերան[խմբագրել]

90-ականների վերջին մի գովազդային գործակալ, ով աշխատում էր մարզիկների հետ, հրավիրում է Սթեթհեմին մասնակցելու Tommy Hilfiger ընկերության գովազդներին։ Սթեթհեմը նկարահանվում է ջինսերի գովազդում և դրանից հետո դառնում այդ ընկերության գովազդային դեմքը։ Դրանով սկսում է Ջեյսոնի մոդելային կարիերան։

Կինոկարիերան[խմբագրել]

Այդ ընկերության տնօրենը դառնում է Գայ Ռիչչիի դեբյուտային «Խաղաթղթեր, փող, երկու հրացան» ֆիլմի պրոդյուսերը և առաջարկում է Սթեթհեմին նկարահանել գլխավոր դերերից մեկում։ Ռիչչին հետաքրքրում է այդ առաջարկը, ում հետաքրքրել էր Ջեյսոն Սթեթհեմի փողոցային առևտրի փորձը և մոդելի կարիերան։ Նա Ջեյսոնին հրավիրում է փորձերի և որպես դրվագ առաջարկում է նրան փողոցային առևտրականի դեր, ով պետք է համոզեր իրեն գնել կեղծ թանկարժեք իրերի հավաքածու։ «Գայ Ռիչչին պետք էր իսկական կերպար, իսկ այդ կերպարը ես էի, քանի որ այդպիսի բաներ դրամատիկական դպրոցներում չեն սովորեցնում», -հետագայում պատմել է այդ մասին Ջեյսոն Սթեթհեմը։ Ջեյսոնը շատ հաջող է անցնում այդ փորձարկումը և Ռիչչին նրան միանգամից դեր է տալիս ֆիլմում։ Ֆիլմը մեծ հաջողություն է ունենում և ճանաչում է բերում Գայ Ռիչչին և դերասաններին։

Գայ Ռիչիի հաջորդ «Մեծ խաղագումար» քրեական կատակերգությունում Սթեթհեմը խաղում է բռնցքամարտերի կազմակերպիչի դեր։ Սկզբում նրա դերը փոքր էր նախատեսված ֆիլմում, սակայն նկարահանումների ընթացքում դերը մեծանում է, արդյունքում Սթեթհեմը դառնում է ֆիլմի պատմողը։

2000 թթ. սկսած Ջեյսոնի դերասանական կարիերան վերելք է ապրում։ 2001 թվականին նա դեր է ստանում Ջոն Կարպենտերի գիտաֆանտաստիկ «Մարսի ուրվականները» ֆիլմում, Ջեթ Լիի խաղընկերն է դառնում «Հակամարտություն» ֆանտաստիկ ֆիլմում, այնուհետև մասնակցում է «Գողություն իտալական ձևով» ֆիլմին (2003)։

Ամենամեծ ճանաչում նրան բերեց ու իսկական աստղ Ջեյսոն Սթեթհեմին դարձրեց «Փոխադրողը» ֆիլմը։ Նրա հոնորարը այդ ֆիլմից կազմեց մոտ մեկ միլիոն դոլլար։ Մյուս դերերը նույնպես հաջողություն ունեցան, որոնցից կարելի է առանձնացնել «Փոխադրողը 2», «Փոխադրողը 3», «Ռևոլվեր», «Ադրենալին», «Ադրենալին 2՝ Գերլարում», «Տասներեք», «Անզուսպները» ֆիլմերը։

Անձնական կյանք[խմբագրել]

Մինչև 2004 թվականը Ջեյսոն Սթեթհեմը հանդիպում էր մոդել Քելլի Բրուքի հետ [3][4]։ Ապա իր խաղընկերուհի Բիլլի Զեյնի հետ, իսկ ավելի ուշ երգչուհի Սոֆի Մոնկի հետ[5]։ Սկսած 2010 թվականի ապրիլից ապրում է մոդել Ռոուզ Հանտինգտոն-Ուայթլիի հետ[6]։

Ծանոթագրություններ[խմբագրել]