Սիլվեստր Ստալոնե

Սիլվեստր Ստալոնե
դերասան, ռեժիսոր, սցենարիստ
Բնագիր ԱԱՀ՝	Sylvester Gardenzio Stallone
Ծննդյան օր՝	06 հուլիս 1946
Ծննդավայր՝	Նյու Յորք
Քաղաքացիություն՝	ԱՄՆ
Կայք՝	www.sylvesterstallone.com

Սիլվեստր Ստալոնե (անգլերեն Sylvester Gardenzio Stallone — ծնվել է 1946 թ. հուլիսի 6-ին Նյու Յորքում ԱՄՆ) — ամերիկյան դերասան, ռեժիսոր և սցենարիստ:

Առավելապես հայտնի է «Ռեմբո» և «Ռոկկի» ֆիլմաշարերից:

«Ռոկկի» ֆիլմի համար «Օսկար»ի է ներկայացվել լավագույն դերասան և Լավագույն սցենար անվանակարգերում, իսկ ֆիլմը ներկայացվել է Օսկարի 10 անվակարգերում և ստացել Օսկար Լավագույն ֆիլմ, Օսկար լավագույն ռեժիսորի համար և Օսկար լավագույն մոնտաժի համար անվանակարգում, նաև Ամերիկյան կինոակադեմիայի կողմից 2008 թվականին հրապարակված Ամերիկյան բոլոր ժամանակների 10 լավագույն ֆիլմեր ըստ 10 ժանրերի ցանկում 2-րդն է որպես սպորտային ֆիլմ:

Կենսագրություն

Սիլվեստր Ստալոնեն ծնվել է Նյու Յորքում: Նրա հայրը` Սիցիլիայից ԱՄՆ գաղթած Ֆրենկ Ստալլոնեն մասնագիտությամբ վարսավիր էր, մայրը` Ժակլին Լեյբոֆիշը ֆրանսիական և հրեական ծագում ուներ արմատներով Օդեսայից: Ստալոնեի հայրը` Ֆրենկը, հայտնի էր իր բուռն վարքով: Ձիերով պոլո խաղի մոլի երկրպագու էր և կնամոլ: Մայրը` Ժակլինը, ում հայրը փաստաբան էր, մասնագիտությամբ դերասանուհի էր:
Ծնողները բաժանվեցին, երբ Ստալոնեն 15 տարեկան էր և նա սկսեց բնակվել մոր հետ: Մայրը նրան ուղարկեց սովորելու դժվար դեռահասների համար նախատեսված հատուկ դպրոցում: Հետո տեղափոխվել է սովորելու Շվեյցարիայում Ամերիկյան քոլեջում, միաժաման աշխատելով որպես մարզիչ և խաղալով թատրոնում: Վերադառանալով ԱՄՆ հաստատապես որոշում է դերասան դառնալ: Գնում է սովորելու Մայամիի համալսարանի դերասանական ֆակուլտետում, որից հետո վերադառանալով Նյու Յորք սկսում է խաղալ թատրոնում:

Կինոյում առաջին դերը 1970 թվականին նկարահանված «Երեկույթ Կիտտի ու Ստադի մոտ» պոռնոֆիլմում էր, (որի անվանումը ի դեպ «Ռոկկի» ֆիլմի հաջողությունից հետո 1976 թվականին վերանվանվեց «Իտալացի ձիուկը»), դրան հաջորդած մյուս ֆիլմերում նա նույնպես նկարահանվում էր նմանատիպ դերերով: Առաջին անգամ 1974 թվականին նկարահանված «Լորդերը Ֆլետբուշից» ֆիլմում նրա խաղացած հերոսը խոսքեր ուներ: Իսկ առաջին մեծ դերը, որը և մեծ հաջողություն ու լայն ճանաչում բերեց Ստալոնեին, «Ռոկկի» ֆիլմն էր, որի սցենարի հեղինակը հենց ինքն էր և նա այն վաճառեց կինոընկերությանը պայմանով որ ինքը հանդես գա գլխավոր դերում:

Անձնական կյանքը

Երեք անգամ ամուսնացած է եղել: 1974 թվականի ամուսնացել է ամերիկացի դերասանուհի Սաշա Զակի հետ, նրանից ունի 2 որդի: 1985 թվականին ամուսնացել է դանիացի մոդել և դերասանուհի Բրիջիտ Նիլսենի հետ և նույնպես ամուսնալուծվել է: 1997 թվականին ամուսնացել է ամերիկյան մոդել Ջեննիֆեր Ֆլավինի հետ, ումից ունի 3 աղջիկ` Սոֆիա (ծն. 1997 թ.), Սիստին (ծն. 1999 թ.) և Սկարլետ (ծն. 2002 թ.): Նրա կրտսեր եղբայրը Ֆրենկ Ստալոնեն (անգլերեն Frank Stallone) մասնագիտությամբ դերասան և երգիչ է:

Ֆիլմագրություն

տարեթիվ	ֆիլմի անվանում	օրիգինալ անվանում	ռեժիսոր	դերը	խաղընկերներ
1970	«Իտալացի ձիուկը» («Երեկույթ Կիտտի ու Ստադի մոտ»)	The Party at Kitty and Stud's	Մորտոն Լուիս	Ստուդ
1970	«Թաքնվելու տեղ չկա»	No Place to Hide	Ռոբերտ Ալան Շնիցեր	Ջերրի Սավաջ
1971	«Բանանաս»	Bananas	Վուդի Ալեն	մետրոյի առաջի մարդասպան
1971	«Կլյուտ»	Klute	Ալան Պակուլա	դիսկոտեկայի հաճախորդ	Դոնալդ Սազերլենդ Ջեյն Ֆոնդա Ռոյ Շայդեր
1974	«Լորդերը Ֆլետբուշից»	The Lords of Flatbush	Մարտին Դևիդսոն Սթիվեն Վերոնա	Սթենլի Ռոսիելլո
1975	«Երկրորդ պողոտայի գերին»	Klute	Մելվին Ֆրանկ	այգու երիտասարդ	Ջեք Լեմոն Էնն Բաքրոֆթ Ջին Սաքս
1975	«Կապոնե»	Capone	Սթիվ Քարվեր	Ֆրենկ Նիտտի	Բեն Գազզարա Ջոն Կասսավետիս
1975	«Մահացու մրցավազք 2000»	Death Race 2000	Պոլ Բարտել	մեքենա-զենք Ջո Վիտերբո
1975	«Մանդինգո»	Mandingo	Ռիչարդ Ֆլեյշեր	ամբոխի երիտասարդ	Ջեյմս Մեյսոն
1975	«Հաջողություն, իմ գեղեցկուհի»	Farewell, My Lovely	Դիկ Ռիչարդս	Ջոննի
1975	«Ոստիկանական պատմություն» (սերիալ)	Police Story	Ջոզեֆ Վամբախ	Կադդո
1975	«Կոջակ» (սերիալ)	Police Story	Էբբի Մանն	խուզարկու Ռիկ Դեյլի
1976	«Ռոկկի»	Rocky	Ջոն Ջ. Էվիլդսեն	Ռոկկի	Թալիա Շայեր
1978	«Բռունցք»	F.I.S.T	Նորման Ջուիսոն	Ջոննի Կովակ	Ռոդ Սթայգեր
1978	«Դրախտային ծառուղի»	F.I.S.T	Կոսմո Կարբոնի	Սիլվեստր Ստալոնե	Արմանդ Ասսանտե
1979	«Ռոկկի 2»	Rocky 2	Սիլվեստր Ստալոնե	Ռոկկի	Թալիա Շայեր
1981	«Գիշերային ծուռակներ»	Nighthawks	Բրյուս Մալմուտ	Ռիչարդ դա Սիլվա	Ռուտգեր Հաուրե
1981	«Փախուստ դեպի հաղթանակ»	Escape to Victory	Ջոն Հյուսթոն	կապիտան Ռոբերտ Հեչ	Պելե Բոբբի Մուր Մայքլ Քեյն Մաքս ֆոն Սյուդով
1982	«Ռոկկի 3»	Rocky 3	Սիլվեստր Ստալոնե	Ռոկկի	Թալիա Շայեր
1982	«Ռեմբո 1.առաջին արյուն»	Rambo: First Blood Part	Տեդ Կոչեխ	Ջոն Ռեմբո
1983	«Ողջ մնալ»	Staying Alive	Սիլվեստր Ստալոնե ]	փողոցի մարդ	Ջոն Տրավոլտա
1984	«Լեռնային բյուրեղ»	Rhinestone	Բոբ Կլարկ	Նիկ Մարտինելլի
1982	«Ռեմբո 2.առաջին արյուն»	Rambo: First Blood Part II	Ջորջ Պան Կոսմատոս	Ջոն Ռեմբո
1984	«Ռոկկի 4»	Rocky 3	Սիլվեստր Ստալոնե	Ռոկկի	Թալիա Շայեր Դոլֆ Լունդգրեն
1986	«Կոբրա»	Cobra	Ջորջ Պան Կոսմատոս	Մերիեն Կոբրետտի	Բրիջիտ Նիլսեն
1987	«Ամբողջ ուժով»	Over The Top	Մենահեմ Գոլան	Լինքոլն Հոուկ
1988	«Ռեմբո 3»	Rambo III	Պիտեր Մակդոնալդ	Ջոն Ռեմբո
1988	«Բանտում»	Lock Up	Ջոն Ֆլինն	Ֆրենկ Լեոնե	Դոնալդ Սազերլենդ
1989	«Տանգոն ու Քեշը»	Tango And Cash	Անդրեյ Կոնչալովսկի	Ռեյ Տանգո	Կուրտ Ռասսել
1990	«Ռոկկի 5»	Rocky 3	Ջոն Ջ. Էվիլդսեն	Ռոկկի	Թալիա Շայեր
1991	«Օսկար»	Oscar	Ջոն Լենդիս	Անջելո «Սպենս» Պրովոլոնե	Օռնելա Մուտի Քըրք Դուգլաս
1992	«Կանգնիր, թե չե իմ մայրիկը կկրակի»	Stop! Or My Mom Will Shoot	Ռոջեր Սփոթիսվուդ
1993	«Լեռնագնացը»	Cliffhanger	Ռենի Հառլին	Հեյբ Ուոլքեր	Մայքլ Ռուկեր
1993	«Ավերողը»	Demolition Man	Մարկո Բրամբիլլա	Ջոն Սպարտան	Ուեսլի Սնայփս Սանդրա Բուլոկ Ջեք Բլեք Ռոբ Շնայդեր
1994	«Մասնագետը»	The Specialist	Լուիս Լոսա	Ռեյ Քվիկ	Շերոն Սթոուն Ջեյմս Վուդս Էրիկ Ռոբերթս Ռոդ Սթայգեր
1995	«Դատավոր Դրեյդը»	Judge Dredd	Դեննի Քեննոն	դատավոր Ջոզեֆ Դրեյդ	Արմանդ Ասսանտե Մաքս ֆոն Սյուդով Էրիկ Ռոբերթս Ռոբ Շնայդեր
1995	«Մարդասպանները»	Assassins	Ռիչարդ Դոններ	Ռոբերտ Ռեթ	Անտոնիո Բանդերաս Ջուլիանա Մուր
1996	«Ոստիկանները»	Cop Land	Ջեյմս Մենգոլդ	Ֆրեդդի Հեթլին	Ռոբերտ Դե Նիրո Հարվի Քեյթլ Ռեյ Լիոտա Ռոբերտ Պատրիկ
1996	«Քո ստուդիան և դու»	Your Studio and You	Թրեյ Պարկեր	Ֆրեդդի Հեթլին	Դեմի Մուր Սթիվեն Սփիլբերգ Ջեյմս Քեմերոն
2000	«Վերացնել Քարթերին»	Get Carter	Սթիվեն Տ. Քեյ	Ջեք Քարթեր	Միքի Ռուրկ Մայքլ Քեյն
2001	«Ավտոարշավորդը»	Driven	Ռենի Հառլին	Ջոզեֆ Տանտո	Թիլ Շվայգեր Բերտ Ռեյնոլդս
2002	«Դետօքսիկացիա»	D-Tox	Ռենի Հառլին	Ջեք Մալլոյ	Ռոբերտ Պատրիկ Թոմ Բերինջեր
2002	«Վրիժառության հրեշտակը»	Avenging Angelo	Մարտին Բերկ	Ֆրենկի Դելանո	Էնթոնի Քուին
2003	«Ստվեր»	Shade	Դամիեն Նիման	Den	Մելանի Գրիֆիտ Գաբրիել Բըռն
2006	«Ռոկկի Բալբոա»	Rocky Balboa	Սիլվեստր Ստալոնե	Ռոկկի
2008	«Ռեմբո 4»	Rambo IV	Սիլվեստր Ստալոնե	Ջոն Ռեմբո
2010	«Անզուսպները»	The Expendables	Սիլվեստր Ստալոնե	Բարնի Ռոսս	Ջեթ Լի Ջեյսոն Սթեթհեմ Դոլֆ Լունդգրեն Էրիկ Ռոբերթս Միքի Ռուրկ Ռենդի Կուտուր էպիզոդներում Առնոլդ Շվարցենեգեր Բրյուս Ուիլիս

Հոնորարներ

(ոչ ամբողջական ցանկ, ըստ IMDb-ի տվյալների)

• «Իտալացի ձիուկը» - 200 դոլար
• «Մահացու մրցավազք 2000» - 700 դոլար
• «Ռոկկի» - 23 000 դոլար
• «Ռոկկի 3» - 10 միլիոն դոլար
• «Ռեմբո. առաջին արյունը» - 3.5 միլիոն դոլար
• «Ողջ մնալ» - 10 միլիոն դոլար
• «Լեռնային բյուրեղ» - 4 միլիոն դոլար
• «Ռոկկի 4» - 12 միլիոն դոլար
• «Ամբողջ ուժով» - 12 միլիոն դոլար
• «Ռեմբո 3» - 16 միլիոն դոլար
• «Բանտում» - 15 միլիոն դոլար
• «Տանգոն և Քեշը» - 15 միլիոն դոլար
• «Ռոկկի 5» - 15 միլիոն դոլար
• «Օսկար» - 15 միլիոն դոլար
• «Լեռնագնացը» - 15 միլիոն դոլար
• «Ավերողը» - 15 միլիոն դոլար
• «Մասնագետը» - 12 միլիոն դոլար
• «Դատավոր Դրեյդը» - 15 միլիոն դոլար
• «Մարդասպանները» - 15 միլիոն դոլար
• «Ցերեկային լույս» - 17.5 միլիոն դոլար
• «Ոստիկանները» - 60 հազար դոլար
• «Վերացնել Քարթերին» - 20 միլիոն դոլար
• «Ավտոարշավորդը» - 15 միլիոն դոլար
• «Դետօքսիկացիա» - 20 միլիոն դոլար
• «Վրիժառության հրեշտակը» - 20 միլիոն դոլար

Հետաքրքիր փաստեր

• Ստալոնեն ձախլիկ է
• Մանուկ հասակում Ստալոնեն կակազություն ուներ և թույլ ու վտիտ մարմնով էր:
• Նրա հասակը 175 սմ է
• Համակարգչային «Call of Duty: Modern Warfare 2» խաղում կարելի է տեսնել Ստալոնեի մասնակցությամբ ֆիլմի գովազդ
• Կինոյի պատմության մեջ ամենաշատ` 4 անգամ «Ոսկե Ազնվամորի» հակամրցանակ ստացած տղամարդ դերասանն է: 9 անգամ առաջադրվել է նշված մրցանակին որպես վատագույն տղամարդ դերասան:
• «Ռոկկի 4» ֆիլմի նկարահումներից հետո պառկել է հիվանդանոց, որովհետև Դոլֆ Լունդգրենին նա հանձնարարել էր իրական մարտի բռնվել իր հետ: Դոլֆ Լունդգրենը այդ ժամանակ արդեն կարատեի Եվրոպայի չեմպիոն էր: Հիվանդանոցում նա խաղընկերոջը շնորհակալութուն է հայտնել լավ դերակատարման համար:
• Ստալոնեն ցանկանում է Հայոց Ցեղասպանության մասին ֆիլմ նկարահանել, նկարագրելով մասնավորապես Մուսա լեռան պաշտպանությունը