Քրիս Էվանս

Վիքիպեդիայից՝ ազատ հանրագիտարանից
Քրիս Էվանս
Captain America- The First Avenger Comic-Con Panel 2b.jpg
Բնագիր ԱԱՀ Քրիս Էվանս
Ծնվել է՝ հունիսի 13 1981 թվական
Ծնվելու վայր՝ Բոստոն, Մասսաչուսեթս, ԱՄՆ
Քաղաքացիություն՝ ԱՄՆ
Մասնագիտություն դերասան

Քրիստոֆեր Ռոբերտ (Քրիս) Էվանս (անգլերեն՝ Christopher Robert «Chris» Evans, հունիսի 13 1981 թվական, Բոստոն, Մասսաչուսեթս, ԱՄՆ)՝ կինոյի և հեռուստատեսության ամերիկացի դերասան, որը հայտնի է դարձել այնպիսի ֆիլմերի շնորհիվ, ինչպիսիք են «Ոչ մանկական ֆիլմ» (2001), «Բջջային» (2004), «Ֆանտաստիկ քառյակ» (2005), «Ֆանտաստիկ քառյակ՝ Արծաթյա սերֆերի ներխուժումը» (2007), «Անհաջողակները» (2010), «Հինգերորդ չափում» (2009), «Առաջին վրիժառու» (2011), «Վրիժառուներ» (2012), «Առաջին վրիժառու. Այլ պատերազմ» (2014):

Կենսագրություն[խմբագրել]

Քրիստոֆեր Ռոբերտ Էվանսը ծնվել է 1981 թվականի հունիսի 13-ին Սադբերիում, Մասսաչուսեթս, նրա մայրը՝ Լիզան, զբաղվում էր պարերով, իսկ հայրը՝ Բոբ Էվանսը, ատամնաբույժ է:

Քրիսն ունի երկու քույր և մեկ փոքր եղբայր՝ Սքոթ Էվանսը, որը նույնպես դերասան է:

Կարիերա[խմբագրել]

Դպրոցն ավարտելուց հետո որոշում է իրականացնել իր վաղեմի երազանքը՝ դառնալ դերասան, այդ նպատակով էլ մեկնում է Նյու Յորք հեռուստասերիալների քասթինգներին մասնակցելու համար:

Քրիս Էվանսի դերասանական առաջին դերերից են Ջեյք Ուայլերը «Ոչ մանկական ֆիլմ»-ում (2001), Ռայանը «Բջջային» ֆիլմում (2004), Կայլը «Բարձրագույն միավոր» կատակերգությունում (2004):

Քրիս Էվանսը «Առաջին վրիժառու՝ Այլ պատերազմ» ֆիլմի մամլո ասուլիսում

Քրիս Էվանսի դրամատիկական տաղանդը արտահայտվեց թմրամոլ Սիդի դերում փոքրաբյուջե «Լոնդոն» ֆիլմում (2005):

Էվանսը հանրաճանաչություն ձեռք բերեց հատկապես սուպերհերոսների դերերի շնորհիվ՝ նախ մարմնավորելով Ջոննի Ստորմին «Ֆանտաստիկ քառյակ» ֆիլմաշարում և Սթիվ Ռոջերսին՝ Կապիտան Ամերիկային, «Առաջին վրիժառու» (2011) և «Վրիժառուներ» (2012) ֆիլմերում: 2014 թվականին էկրաններ բարձրացավ «Առաջին վրիժառու. Այլ պատերազմ» ֆիլմը, որտեղ Քրիսը կրկին հանդես եկավ Սթիվ Ռոջերսի դերով:

2014 թվականի մարտին բրիտանական Glamour ամսագրին տված հարցազրույցի ժամանակ հայտնել է, որ Marvel-ի հետ համագործակցությունից հետո ծրագրում է ոչ երկարաժամկետ արձակուրդ վերցնել կինոմատոգրաֆից: [1]

Անձնական կյանք[խմբագրել]

2001-ից 2006 թվականների ընթացքում հանդիպում էր Ջեսսիկա Բիլի[2] հետ: 2012 թվականի աշնանից նա գրեթե մեկ տարի հանդիպում էր Մինկա Կելլիի հետ, [3],[4]:

Հետաքրքիր փաստեր[խմբագրել]

Դերասանը դերասանուհի Էվան Ռեչել Վուդի հետ նկարահանվել է Gucci Guilty օծանելիքի գովազդում: Էվանսընկարահանվել է Մեռլին Մենսոնի "Tainted Love" երգի տեսահոլովակում:

Քրիսը մասնակցել է բարեգործական ակցիաների, դեկտեմբերի 29-ին դերասանը այցելել է Բոստոնի քաղաքային մանկական հիվանդանոց: Քրիսը, ինչպես նաև շատ այլ աստղեր, բնորդել է նկարիչ Darren Tieste-ի համար հանուն գլխուղեղի քաղցկեղի դեմ պայքարի: Էվանսը ներկա է եղել Puma ընկերության ամբողջ աշխարհում աղքատության դեմ պայքարին նվիրված բարեգործական միջոցառմանը, ինչպես նաև մասնակցել է Celebrity Video Game Championship-ի բարեգործական ակցիային, որը հավաքում է գումար տարբեր հիմնադրամների համար, այդ թվում «Ես չափազանց երիտասարդ եմ քաղցկեղի համար» (անգլերեն՝ «I’m Too Young For This Cancer Foundation»), որն օգնում է երիտասարդներին պայքարել քաղցկեղի դեմ: Քրիսը այլ աստղերի հետ միասին օգնել է գումար հավաքել խաղալով տեսախաղեր: Առաջնությունը կայացել է հունվարի 1-ին Հոլիվուդում, Կալիֆորնիա:


Ֆիլմագրություն[խմբագրել]

Տարի Հայերեն անվանում Օրիգինալ անվանում Դեր
2000 ֆիլմ Նորեկները The Newcomers Ջադ
2000 սերիալ Հակառակ սեռ Opposite Sex Կերրի Բաստոն
2001 ֆիլմ Ոչ մանկական ֆիլմ Not Another Teen Movie Ջեյք Ուայլեր
2004 ֆիլմ Բարձրագույն միավոր The Perfect Score Կայլ
2004 ֆիլմ Բջջային Cellular Ռայան
2005 ֆիլմ Դաժան մարդիկ Fierce People Բրայս
2005 ֆիլմ Ֆանտաստիկ քառյակ Fantastic Four Ջոննի Ստորմ/Ճրագ-մարդ
2005 ֆիլմ Լոնդոն London Սիդ
2007 մուլտֆիլմ Նինդիա կրիաները TMNT Կեյսի
2007 ֆիլմ Հնոց Sunshine Մեյս
2007 ֆիլմ Դայակի օրագրերը The Nanny Diaries Հեյդեն
2007 ֆիլմ Ֆանտաստիկ քառյակ՝ Արծաթյա սերֆերի ներխուժումը Fantastic Four: Rise of the Silver Surfer Ջոննի Ստորմ/Ճրագ-մարդ
2007 մուլտֆիլմ Ճակատամարտ Տեռռա մոլորակի համար Battle for Terra Ստյուարտ Ստենտոն
2008 ֆիլմ Փողոցների արքաներ Street Kings դետեկտիվ Փոլ Դիսկանտ
2008 ֆիլմ «Արցունք» ադամանդի վաճառքը The Loss of a Teardrop Diamond Ջիմմի
2008 մուլտսերիալ Ճուտիկ ռոբոտը Robot Chicken տարբեր դերեր
2009 ֆիլմ Հինգերորդ չափում Push Նիկ Գանտ
2010 ֆիլմ Անհաջողակները The Losers Ջենսեն
2010 ֆիլմ Սքոտ Պիլիգրիմը բոլորի դեմ Scott Pilgrim vs. the World Լուկաս Լի
2011 ֆիլմ Սրսկում Puncture Մայկ Վայս
2011 ֆիլմ Առաջին վրիժառու Captain America: The First Avenger Ստիվ Ռոջերս/ Կապիտան Ամերիկա
2011 ֆիլմ Ինչքա՞ն է քո մոտ What's Your Number? Կոլին Շի
2012 ֆիլմ Վրիժառուներ The Avengers Ստիվ Ռոջերս/ Կապիտան Ամերիկա
2013 ֆիլմ Սառցե The Iceman Միստեր Ֆրիզի
2013 ֆիլմ Ձյան միջով Snowpiercer Կյորտիս
2013 ֆիլմ Տոր՝ Խավարի թագավորություն Thor: The Dark World Ստիվ Ռոջերս/ Կապիտան Ամերիկա
2014 ֆիլմ Սիրտը ջարթուփշուր A Many Splintered Thing Պատմող
2014 ֆիլմ Առաջին վրիժառու՝ Այլ պատերազմ Captain America: The Winter Soldier Ստիվ Ռոջերս/ Կապիտան Ամերիկա
2014 ֆիլմ Գնացք մեկն անց կեսի համար 1:30 Train Պիտ Կուպեր
2015 ֆիլմ Վրիժառուներ՝ Ալտրոնի ժամանակաշրջան The Avengers: Age of Ultron Ստիվ Ռոջերս/ Կապիտան Ամերիկա
2016 ֆիլմ Առաջին վրիժառու 3 Captain America 3 Ստիվ Ռոջերս/ Կապիտան Ամերիկա

Ծանոթագրություններ[խմբագրել]

Հղումներ[խմբագրել]