Օսե Նորդմո Լյովբերգ
| Օսե Նորդմո Լյովբերգ | |
|---|---|
 | |
| Ծնվել է | հունիսի 10, 1923[1] Մոլսելվ, Թրոմս, Նորվեգիա[1] |
| Երկիր |  Նորվեգիա[2] և  Շվեդիա[2] |
| Մահացել է | հունվարի 25, 2013[1] (89 տարեկան) Լիլեհամեր, Օպլանդ, Նորվեգիա[1] |
| Գերեզման | Ringsaker Church[3] |
| Ժանրեր | օպերա |
| Մասնագիտություն | պրոֆեսոր, օպերային երգչուհի և opera director |
| Երգչաձայն | սոպրանո |
| Գործիքներ | վոկալ |
| Աշխատավայր | Երաժշտության նորվեգական ակադեմիա |
| Ամուսին | Børt-Erik Thoresen?[4] |
| Պարգևներ | |
 Aase Nordmo Løvberg Վիքիպահեստում | |
Օսե Նորդմո Լյովբերգ (նորվ.՝ Aase Nordmo Løvberg, հունիսի 10, 1923[1], Մոլսելվ, Թրոմս, Նորվեգիա[1] - հունվարի 25, 2013[1], Լիլեհամեր, Օպլանդ, Նորվեգիա[1]), նորվեգացի օպերային երգչուհի, սոպրանո, որը համարվում է հետպատերազմյա Նորվեգիայի լավագույն ձայներից[7]։ Երկար տարիներ երգել է Ստոկհոլմի թագավորական օպերայում։
Կենսագրություն և կարիերա[խմբագրել | խմբագրել կոդը]
Օսե Նորդմո Լյովբերգը ծնվել է Մոլսելվում՝ ֆերմերի ընտանիքում։ 1947 թվականին ամուսնանում է Գ. Է. Լյովբերգի հետ. հետո բաժանվում է ամուսնուց։ Թրոմսում ապագա երգչուհին սովորում է բիզնես-դպրոցում, միաժամանակ նաև ուսանելով երգեցողություն։ 1941 թվականին Օսլոյում շարունակում է վոկալի դասերը։
1945 թվականին Օսլոյի Կենտրոնական թատրոնում տեղի է ունենում Օսե Լյովբերգի սիրողական դեբյուտը։ Երգչուհին կրաթոշակ է ստանում, ինչի շնորհիվ կրթությունը շարունակում է Կոպենհագենի թագավորական թատրոնում Ինգեբորգ Սթեֆենսենի մոտ։
Պրոֆեսիոնալ դեբյուտը կայացել է 1948 թվականին Օսլոյում։ Առաջին անգամ օպերայում հանդես է եկել 1952 թվականից[8]։ 1952-ից 1970 թվականներն ընկած ժամանակահատվածում ապրել և աշխատել է Ստոկհոլմում։ Տենոր Յուսսի Բյորլինգը նրա մշտական զուգընկերն էր երգում։ Օսե Նորդմո Լյովբերգը հանդես է եկել աշխարհի մեծ բեմերում՝ Վիեննայի պետական օպերա, Մետրոպոլիտեն օպերա։ Աշխատել է Հերբերտ ֆոն Կարայանի, Գեորգ Շոլտիի հետ։
1970 թվականին Նորվեգիա վերադառնալուց հետո Օսե Լյովբերգը սկսել է դասավանդել Օսլոյի կոնսերվատորիայում։ 1973-ից 1990 թվականներին եղել է Նորվեգիայի երաժշտական ակադեմիայի պրոֆեսոր։ 1978-ից 1981 թվականներին ղեկավարել է Նորվեգիայի օպերան։
1957 թվականին դարձել է Սուրբ Օլաֆի շքանշանի 1-ին կարգի ասպետ իսկ 1981 թվականին՝ կոմանդոր։ Հյուսիսային աստղի շքանշանի կոմանդոր է[8]։ «Gammleng Award» մրցանակի դափնեկիր է (2000 թվական, «Վետերան» անվանակարգ)։
Կյանքի վերջին տարիները երգչուհին անցկացրել է Լիլեհամերում, որտեղ և կնքել է իր մահկանացուն 2013 թվականի հունվարի 25-ին՝ ութսունինը տարեկան հասակում։
Ընտիր կատարումներ[խմբագրել | խմբագրել կոդը]
- 1953 - Դոն Կարլոս (Ջուզեպպե Վերդի)՝ Ելիզավետա Վալուա
- 1954 - Գեղջկական ասպետություն (Պիետրո Մասկանի)՝ Սանտուցցա
- 1956, 1960 - Վալկիրիա (Ռիխարդ Վագներ)՝ Զիգլինդա
- 1960 - Աստվածների մայրամուտը (Ռիխարդ Վագներ)՝ Երրորդ նորնա
- 1960 - Ֆիդելիո (Լյուդվիգ վան Բեթհովեն)՝ Լեոնորա
- 1960, 1966 - Լոհենգրին (Ռիխարդ Վագներ)՝ Էլզա
Ծանոթագրություններ[խմբագրել | խմբագրել կոդը]
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 Aase Nordmo Løvberg 1923-06-10 — 2013-01-25 Operasångare, operachef, professor i sång
- ↑ 2,0 2,1 LIBRIS — 2013.
- ↑ Aase Nordmo Løvberg
- ↑ Norsk biografisk leksikon(նորվ.) — Kunnskapsforlaget. — ISSN 2464-1502
- ↑ Tildelinger av ordener og medaljer — Norwegian royal family.
- ↑ 6,0 6,1 Svenskt kvinnobiografiskt lexikon (շվեդերեն) — Göteborgs universitet, 2018. — ISBN 978-91-639-7594-3 — ISSN 2003-0088
- ↑ Tomas Lauvland Pettersen (2005 թ․ հունվարի 21). «Northern Lights vol.1: Aase Nordmo Løvberg» (անգլերեն). MiC. Listen to Norway. Վերցված է 2014 թ․ հունվարի 12-ին.
- ↑ 8,0 8,1 «Aase Nordmo Løvberg» (նորվեգերեն). Norsk biografisk leksikon. Վերցված է 2014 թ․ հունիսի 26-ին.
Գրականություն[խմբագրել | խմբագրել կոդը]
- Karl J. Kutsch und Leo Riemens: Großes Sängerlexikon. Vierte, erweiterte und aktualisierte Auflage. München 2003. Band 5: Menni–Rappold, S. 3385/3386. ISBN 3-598-11598-9
- Guri Sandvik: Aase Nordmo Løvberg: et sangerliv. Oslo 2008. Orkana Forlag. ISBN 9788281040823
Արտաքին հղումներ[խմբագրել | խմբագրել կոդը]
- «Aase Nordmo Løvberg er død» (նորվեգերեն). Dagbladet — Некролог. 2013 թ․ հունվարի 26. Վերցված է 2014 թ․ հունվարի 12-ին.
- Kari Nygard Tvilde — Выставка в память Нордмо-Лёвберг (2013 թ․ հունիսի 12). «Flagstadmuseet heidrar Nordmo Løvberg» (նորվեգերեն). NRK. Վերցված է 2014 թ․ հունվարի 12-ին.
- Дискография на operaclass.com
 | Վիքիպահեստն ունի նյութեր, որոնք վերաբերում են «Օսե Նորդմո Լյովբերգ» հոդվածին։ |
| ||||||||||||||||
