Նախկինում եղել է ավտոմեխանիկ և լուսանկարիչ, կինեմատոգրաֆիա է մտել 1911 թվականին որպես օպերատորի ասիստենտ և նույն թվականից աշխատել է Ալան Դվոնի շատ ֆիլմերում։ 1915 թվականից Թրիանգլում որպես կինոօպերատոր հաճախ աշխատել է Դեյվիդ Գրիֆիթի ղեկավարության ներքո։ Մի քանի ֆիլմերում նա օպերատոր է եղել Դուգլաս Ֆերբենքսի հետ ռեժիսոր Դվոնի ղեկավարությամբ։ Երբ Ամերիկան ներգրավվել է Առաջին համաշխարհային պատերազմի մեջ, նա ծառայել է հետախուզության լուսանկարչության բաժնում, իսկ հետո Նախագահ Վիլսոնին ուղեկցել է ամբողջ Եվրոպայում ՝ որպես ավագ օպերատոր։ 1919 թվականին վերադառնալով Հոլիվուդ, Ֆերբենքսի հետ իր առաջին աշխատանքը կատարելով երկու ֆիլմերում՝ նա դարձել է ռեժիսոր։ Ֆլեմինգը քննադատների կողմից Հոլիվուդի մեծագույն ռեժիսորներից որևէ մեկի հեղինակության չի արժանացել, բայց բոլորը համաձայն էին, որ նա իր գործի վարպետն է։ Նա հաճախ դերասաններին դրդել է փայլուն խաղերի և մատուցել է էլեգանտ, զվարճալի արտադրանք, հատկապես տղամարդկանց արկածային ֆիլմեր։ Առավել հայտնի են 1930-ական թվականներին ՄԳՄ մեդիաընկերության համար նկարահանված նրա մի քանի ֆիլմեր՝ «Ցնցող շիկահերը», «Գանձերի կղզին», «Խիզախ նավապետները», և մշտապես հանրաճանաչ «Օզ երկրի կախարդը»։ Տիտրերում հենց նա է նշված «Քամուց քշվածները» ֆիլմի ռեժիսոր, որ համար նա «Օսկար» է ստացել. ֆիլմում այնքան մարդ է աշխատել, որ դժվար է ասել՝ ում է նա պարտական իր հաջողությունների և ում՝ անհաջողությունների համար։ Ֆլեմինգի վերջին երկու ֆիլմերը՝ «Արկած» (ֆիլմ, 1945 թվական) և «Ժաննա դ′Արկ» (ֆիլմ, 1948 թվական), ձախողվել են։
Վիկտոր Ֆլեմինգը մահացել է 1949 թվականի հունվարի 6-ին սրտի կաթվածից, թաղվել է փակ աճյունասափորով Հոլիվուդի գերեզմանոցում։