Էնն Լինդբերգ
| Էնն Լինդբերգ | |
|---|---|
.jpg) | |
| Ծնվել է | հունիսի 22, 1906[1][2][3][…] |
| Ծննդավայր | Էնգլվուդ, Բերգեն շրջան, Նյու Ջերսի, ԱՄՆ |
| Մահացել է | փետրվարի 7, 2001[4][1][2][…] (94 տարեկան) |
| Մահվան վայր | Barnet, Քալեդոնիա շրջան, Վերմոնտ, ԱՄՆ |
| Քաղաքացիություն |  ԱՄՆ |
| Կրթություն | Սմիթ Քոլեջ և Դուայթ-Էնգլվուդ դպրոց |
| Մասնագիտություն | գրող, օդաչու, օրագրի հեղինակ, բանաստեղծուհի և glider pilot |
| Ամուսին | Չարլզ Լինդբերգ |
| Ծնողներ | հայր՝ Dwight Morrow?, մայր՝ Elizabeth Cutter Morrow? |
| Պարգևներ և մրցանակներ | |
| Երեխաներ | Anne Spencer Lindbergh?, Jon Lindbergh?, Reeve Lindbergh?, Charles Augustus Lindbergh Jr.?, Land Lindbergh? և Scott Lindbergh? |
 Anne Morrow Lindbergh Վիքիպահեստում | |
Էնն (Աննա) Լինդբերգ, (անգլ.՝ Anne Morrow Lindbergh, մինչ ամուսնությունը՝ անգլ.՝ Anne Spencer Morrow, հունիսի 22, 1906[1][2][3][…], Էնգլվուդ, Բերգեն շրջան, Նյու Ջերսի, ԱՄՆ - փետրվարի 7, 2001[4][1][2][…], Barnet, Քալեդոնիա շրջան, Վերմոնտ, ԱՄՆ), ամերիկուհի գրող և օդաչու։
Օդաչու Չարլզ Լինդբերգի կինը։
Կենսագրություն
[խմբագրել | խմբագրել կոդը]Հայրը՝ Դուայթ Մորրոուն եղել է J.P. Morgan & Co. ընկերության գործընկեր, ԱՄՆ-ի դեսպանը Մեքսիկայում և Նյու Ջերսի նահանգի սենատորը, իսկ մայրը՝ Էլիզաբեթ Մորրոուն, եղել է ուսուցչուհի և բանաստեղծ, պայքարել է կանանց իրավունքների համար։
Էննը եղել է չորս երեխաներից երկրորդը։ Նրա ավագ քույրերը եղել են Էլիզաբեթը և Կոնստանսը, իսկ կրտսեր եղբոր անունը Դուայթ էր։ Բոլոր երեխաներին ծնողները դաստիարակում էին կալվինական ոգով։ 1924 թվականին Նյու Յորքի Chapin School դպրոցն ավարտելուց հետո Էննը հաճախել է Սմիթ քոլեջ, որն ավարտել է 1928 թվականին՝ հասարակական գիտությունների բակալավրի աստիճանով։ Արդեն այստեղ նա սկսել է գրել իր առաջին ստեղծագործությունները։
Չարլզ Լինդբերգի հետ նա ծանոթացել է 1927 թվականի դեկտեմբերի 21-ին Մեխիկոյում։ Էննին Մեխիկո էր հրավիրել իր հայրը։ Էնն Մորրոուն և Չարլզ Լինդբերգը ամուսնացել են 1929 թվականի մայիսի 27-ին Էնգլվուդում՝ փակ արարողակարգով։ Լինդբերգը կնոջը սովորեցրել է թռչելու արվեստ, իսկ նավագնացություն սովորել է Հարոլդ Գատտիի մոտ։ 1930 թվականին Էննը դարձել է առաջին ամերիկացի կինը, որը ստացել է օդաչուի վկայական։
1930 թվականի հունիսի 22-ին նրանց ընտանիքում ծնվել է առաջին երեխան՝ Չարլզը, որի ողբերգական ճակատագիրը հայտնի է դարձել աշխարհով մեկ։ Նրանից հետո ընտանիքում ծնվել են ևս հինգ երեխա՝ Ջոնը, Լենդը, Սքոթը, Աննան և Ռիվը։
1930-ական թվականների վերջերին Էննը և Չարլզը հրավիրվել են Եվրոպա։ Գերմանիայում Չարլզ Լինդբերգը հիացել է բարձրակարգ ավիացիոն արդյունաբերությամբ։ 1939 թվականի ապրիլին Լինդբերգները վերադարձել են Միացյալ Նահանգներ։ Պատերազմի ավարտից հետո Էննը զբաղվել է գրական գործունեությամբ՝ հասնելով բազմաթիվ հաջողությունների։
Նրանց ընտանիքը ապրել է տարբեր վայրերում՝ ԱՄՆ-ում, Անգլիայում, Ֆրանսիայում, Շվեյցարիայում և Հավայան կղզիներում։
1990-ականների սկզբին Էննը դարձել է հաշմանդամ և ապրել է Կոնեկտիկուտում, որտեղ նա 24 ժամյա օգնություն է ստացել բուժաշխատողների կողմից։ 1999 թվականին Վերմոնտում, իր դուստր Ռիվին այցելելուց հետո, նա ստացել է թոքաբորբ, որից հետո ապրել է Ռիվի հետ՝ առանձին տան մեջ։ Մահացել է ուղեղի կաթվածից՝ Պասսումպսիկում։ Նրան դիակիզել են[6]։
Վաստակ
[խմբագրել | խմբագրել կոդը]Էնն Լինդբերգը ստացել է բազմաթիվ մրցանակներ ինչպես իր գրական ստեղծագործությունների, այնպես էլ օդագնացության մեջ ունեցած իր հաջողությունների համար։ 1933 թվականին նա ստացել է US Flag Association Cross of Honor[7] մեդալ անդրատլանտյան թռիչքի համար։ 1934 թվականին նա պարգևատրվել է Համմարդ մեդալով՝ ամուսնու հետ դեպի հինգ մայրցամաք կատարած թռիչքների համար (անցել են ավելի քան 64000կմ)[8]։
1993 թվականին Women in Aerospace կազմակերպությունը նրան ներկայացրել է մրցանակ՝ իր նվաճումների, ճանաչման և ավիացիոն-տիեզերական դաշտի զարգացման գործում ունեցած ավանդի համար։ Էնն Լինդբերգի անունն ընդգրկվել է Ազգային ավիացիայի փառքի սրահում (1979), Կանանց ազգային փառքի սրահում (1996), Նյու Ջերսիի Փառքի ավիացիոն սրահում և ավիացիայի կուրսանտ-կանանց միջազգային փառքի սրահում (1999):
Նրա առաջին ստեղծագործությունը եղել է «Հյուսիսից դեպի արևելք» գիրքը (1935), երկրորդը՝ «Լսի՛ր քամի» (1938), որոնք նույնպես արժանացել են մեծ մրցանակների։ Լինդբերգը արժանացել է Սուրբ Քրիստոֆորի մրցանակի՝ «Պատերազմի հետ և առանց նրա» օրագրի համար։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Encyclopædia Britannica
- ↑ 2,0 2,1 2,2 2,3 2,4 GeneaStar
- ↑ 3,0 3,1 Babelio (ֆր.) — 2007.
- ↑ 4,0 4,1 4,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ https://www.womenofthehall.org/inductee/anne-morrow-lindbergh/
- ↑ Anne Morrow Lindbergh(անգլ.)
- ↑ US Flag Association Cross of Honor medal(անգլ.)
- ↑ ANNE MORROW LINDBERGH Արխիվացված 2015-03-04 Wayback Machine(անգլ.)
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Էնն Լինդբերգ» հոդվածին։ |
| ||||||||||||||||
