Գեորգի Ժուկով

Գեորգի Ժուկով
	ռուս.՝ Георгий Жуков
նոյեմբերի 19 (դեկտեմբերի 1), 1896 - հունիսի 18, 1974[…] (77 տարեկան)
Ծննդավայր	Ստրելկովա, Կալուգայի մարզ, Ռուսական կայսրություն
Մահվան վայր	Մոսկվա, ՌԽՍՖՀ, ԽՍՀՄ
Գերեզման	Կրեմլի պատի պանթեոն
Քաղաքացիություն	Ռուսական կայսրություն և ԽՍՀՄ
Զորատեսակ	Հեծելազոր և ցամաքային զորքեր
Ծառայության տարիներ	1915–1957
Կոչում	ԽՍՀՄ մարշալ (1943)
Զորամաս	1st Ukrainian Front?
Հրամանատարն էր	ԽՍՀՄ Զինված ուժեր
Մարտեր/; պատերազմներ	Երկրորդ Համաշխարհային Պատերազմ
Կրթություն	Մ. Վ. Ֆրունզեի անվան ռազմական ակադեմիա
Պարգևներ	Սովետական Միության Հերոս4; Լենինի շքանշան (6); Կարմիր Դրոշի շքանշան (3); Սուվորովի առաջին կարգի շքանաշան (2)
Ստորագրություն

Գեորգի Կոստանտինովիչ Ժուկով (ռուս.՝ Георгий Константинович Жуков, նոյեմբերի 19 (դեկտեմբերի 1), 1896^[1]^[2]^[3], Ստրելկովկա, Maloyaroslavetsky Uyezd, Կալուժսկայա գուբերնիա, Ռուսական կայսրություն^[5]^[1]^[6] - հունիսի 18, 1974(1974-06-18)^[1]^[2]^[4]^[…], Մոսկվա, ԽՍՀՄ^[5]^[2]), խորհրդային զորավար, Խորհրդային Միության մարշալ (1943 թ.-ից), Խորհրդային Միության քառակի հերոս, Մոնղոլական Ժողովրդական Հանրապետության հերոս (1969 թ.)։

Մասնակցել է Առաջին համաշխարհային պատերազմին։ Կարմիր բանակում ծառայել է 1918 թվականից։ Ռուսաստանի քաղաքացիական պատերազմում եղել է էսկադրոնի հրամանատար։ Ավարտել է հեծելազորի բարձրագույն հրամկազմի կատարելագործման դասընթացները (1930 թ.), ապա վարել հրամանատարական բարձր պաշտոններ։ 1939 թ.-ին Խալխին-Գոլի մարտերում ղեկավարել է ճապոնացիների ջախջախումը։ 1940 թ.-ից՝ Կիևի հատուկ ռազմական օկրուգի հրամանատար։ Երկրորդ համաշխարհային պատերազմի Գերմանա-խորհրդային ռազմաճակատի («Հայրենական մեծ պատերազմ», 1941-1945) ժամանակ գլխավորել է մի շարք առաջնագծերի (Պահեստային, Լենինգրադյան, Արևմտյան) գործողությունները։ 1942 թվականին նշանակվել է ԽՍՀՄ պաշտպանության ժողկոմի և Գերագույն գլխավոր հրամանատարի տեղակալ։ Իրականացրել է ռազմաճակատների կոորդինացումը՝ Ստալինգրադի ճակատամարտում (1942 թ.), Լենինգրադի շրջափակումը ճեղքելիս (1943 թ.), Կուրսկի ճակատամարտում (1943 թ.)։ Աջափնյա Ուկրաինան ազատագրելիս (1944 թ.) ղեկավարել է Առաջին ուկրաինական ռազմաճակատը։ Միավորել է Առաջին և երկրորդ բելառուսական ռազմաճակատների գործողությունները Բելառուսի ազատագրման ժամանակ։ 1944-1945 թթ.-ին ղեկավարել է Առաջին բելառուսական ռազմաճակատի զորքերը, որոնք Առաջին ուկրաինական և Երկրորդ բելառուսական ռազմաճակատների զորքերի հետ իրականացրին Վիսլա-Օդերի օպերացիան, ապա ջախջախեցին հակառակորդի բեռլինյան խմբավորումը և գրավեցին Բեռլինը։ Գերագույն գլխավոր հրամանատարության հանձնարարությամբ, 1945 թվականի մայիսի 8-ին, Ժուկովն ընդունել է Նացիստական Գերմանիայի կապիտուլյացիան։ Պատերազմից հետո եղել է Գերմանիայի խորհրդային զորախմբերի զորահրամանատար և խորհրդային կառավարչության գլխավոր պետ, 1946-1953 թթ.-ին՝ Օդեսայի և Ուրալի ռազմական օկրուգների հրամանատար, 1953 թ.-ից՝ ԽՍՀՄ պաշտպանության նախարարի 1-ին տեղակալ, իսկ 1955-1957 թթ.-ին՝ նախարար։ 1958 թ.-ից՝ պաշտոնաթող։ Եղել է I-IV գումարումների Գերագույն խորհրդի պատգամավոր^[7]։

Երկեր

Հիշողություններ և խորհրդածություններ, գիրք 1-2, Երևան, 1978:
Հիշողություններ և խորհրդածություններ, գիրք 1-2, 2-րդ հրտ., Երևան, 1987։

Ծանոթագրություններ

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 Կրուգոսվետ (ռուս.) — 2000.
↑ ^2,0 ^2,1 ^2,2 ^2,3 ^2,4 ^2,5 ^2,6 ^2,7 Encyclopædia Britannica
↑ ^3,0 ^3,1 ^3,2 Историческая энциклопедия Сибири (ռուս.) / под ред. В. А. Ламин — Новосибирск: 2009. — ISBN 5-8402-0230-4
↑ ^4,0 ^4,1 ^4,2 filmportal.de — 2005.
↑ ^5,0 ^5,1 ^5,2 ^5,3 Gueorgui Konstantinovitch Joukov // Encyclopédie Larousse en ligne (ֆր.)
↑ ^6,0 ^6,1 Жуков Георгий Константинович // Жуков Георгий Константинович (ռուս.) / под ред. А. М. Прохорова — 3-е изд. — М.: Советская энциклопедия, 1969.
↑ ՀՍՀ, հատոր 4, էջ 301-302։

Վիքիպահեստն ունի նյութեր, որոնք վերաբերում են «Գեորգի Ժուկով» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 301)։

[_2241c1c0b8a27ecc-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 Կրուգոսվետ (ռուս.) — 2000.

[_c60d68ee6712a42d-2] 2,0 ^2,1 ^2,2 ^2,3 ^2,4 ^2,5 ^2,6 ^2,7 Encyclopædia Britannica

[_86d26797346900e7-3] 3,0 ^3,1 ^3,2 Историческая энциклопедия Сибири (ռուս.) / под ред. В. А. Ламин — Новосибирск: 2009. — ISBN 5-8402-0230-4

[_4bcdaef4657c4837-4] 4,0 ^4,1 ^4,2 filmportal.de — 2005.

[_79144f28ebddd20b-5] 5,0 ^5,1 ^5,2 ^5,3 Gueorgui Konstantinovitch Joukov // Encyclopédie Larousse en ligne (ֆր.)

[_16d7647a2f93df22-6] 6,0 ^6,1 Жуков Георгий Константинович // Жуков Георгий Константинович (ռուս.) / под ред. А. М. Прохорова — 3-е изд. — М.: Советская энциклопедия, 1969.

[7] ՀՍՀ, հատոր 4, էջ 301-302։

[1]

[2]

[3]

[4]

[5]

[6]

[7]